Connect with us

Latest

ಪ್ರೇಮಿ ಜೊತೆ ಸಿಕ್ಕಿಬಿದ್ದ ಪತಿಗೆ ಪತ್ನಿಯಿಂದ ಚಪ್ಪಲಿ ಏಟು

Published

on

ಲಕ್ನೋ: ಪತಿಯೊಬ್ಬ ತನ್ನ ಪ್ರೇಮಿ ಜೊತೆ ಏಕಾಂತದಲ್ಲಿದ್ದಾಗ ರೆಡ್‍ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದು, ಪತ್ನಿಯಿಂದ ಚಪ್ಪಲಿ ಏಟು ತಿಂದಿರುವ ಘಟನೆ ಉತ್ತರ ಪ್ರದೇಶದ ಜೌನ್ಪುರ್ ಜಿಲ್ಲೆಯಲ್ಲಿ ನಡೆದಿದೆ.

ಆರೋಪಿ ಪತಿ ಜಿಲ್ಲೆಯ ಶಾಹಗಂಜ್ ಪಟ್ಟಣದ ಗಡಿಯ ನಿವಾಸಿಯಾಗಿದ್ದು, ಈತ ಗ್ರಾಮದ ಮುಖ್ಯಸ್ಥನಾಗಿ ಮಹಿಳೆ ಜೊತೆ ಸಂಬಂಧ ಇಟ್ಟುಕೊಂಡಿದ್ದನು. ಅನೇಕ ದಿನಗಳಿಂದ ಇಬ್ಬರ ಮಧ್ಯೆ ಸಂಬಂಧವಿತ್ತು. ಅಷ್ಟೇ ಅಲ್ಲದೇ ಪತಿ ತನ್ನ ಪ್ರೇಮಿಗಾಗಿ ಒಂದು ಮನೆಯನ್ನು ಕೂಡ ನೀಡಿದ್ದನು. ಆದರೆ ಪತಿಯ ಇನ್ನೊಂದು ಸಂಬಂಧದ ಬಗ್ಗೆ ಪತ್ನಿಗೆ ಅನುಮಾನ ಬಂದಿದೆ.

ಶುಕ್ರವಾರ ರಾತ್ರಿ ಪತಿ ಆಕೆಯ ಮನೆಗೆ ಹೋಗಿದ್ದಾನೆ. ಇದನ್ನು ಗಮಿಸಿದ ಪತ್ನಿ ಕುಟುಂಬಸ್ಥರ ಜೊತೆ ಪತಿಯನ್ನು ಹಿಂಬಾಲಿಸಿದ್ದು, ಏಕಾಏಕಿ ಮನೆಗೆ ನುಗ್ಗಿದ್ದಾರೆ. ಈ ವೇಳೆ ಪತಿ ತನ್ನ ಲವ್ವರ್ ಜೊತೆ ಇದ್ದದ್ದನ್ನು ಕಂಡು ಆಕ್ರೋಶಗೊಂಡ ಪತ್ನಿ ತನ್ನ ಚಪ್ಪಲಿ ತೆಗೆದುಕೊಂಡು ಹಿಗ್ಗಮುಗ್ಗಾ ಥಳಿಸಿದ್ದಾರೆ.

ಕುಟುಂಬಸ್ಥರು ಕೂಡ ಇಬ್ಬರನ್ನು ಹಿಡಿದು ಥಳಿಸಿದ್ದಾರೆ. ಬಳಿಕ ಗಾಯಗೊಂಡ ಪತಿ ಅವರ ಕೈಯಿಂದ ತಪ್ಪಿಸಿಕೊಂಡು ಪರಾರಿಯಾಗಿದ್ದಾನೆ. ಇತ್ತ ಪತ್ನಿ ಮತ್ತು ಕುಟುಂಬಸ್ಥರ ಕೈಗೆ ಸಿಕ್ಕಿಬಿದ್ದ ಪ್ರಿಯತಮೆಗೆ ಥಳಿಸಿ ಅವಾಚ್ಯ ಪದಗಳಿಂದ ಬೈದು ಸಾಮಾನುಗಳ ಜೊತೆ ಆಕೆಯನ್ನು ಮನೆಯಿಂದ ಹೊರ ಹಾಕಿ ಮನೆಗೆ ಬೀಗ ಹಾಕಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

Click to comment

Leave a Reply

Your email address will not be published. Required fields are marked *