ಬಿಗ್ ಬಾಸ್ ಸೀಸನ್ನ (Bigg Boss Kannada) 12ನೇ ಆವೃತ್ತಿಯು 9 ವಾರಗಳನ್ನ ಯಶಸ್ವಿಯಾಗಿ ಪೂರೈಸಿದೆ. ಅದ್ರಲ್ಲೂ ಈ ವಾರ ಬಿಗ್ಬಾಸ್ ಮನೆಗೆ ಮಾಜಿ ಸ್ಪರ್ಧಿಗಳು ಅತಿಥಿಗಳಾಗಿ ಬಂದ್ಮೇಲೆ ಮತ್ತಷ್ಟು ರಣರೋಚಕವಾಗಿದೆ. ಮನೆಯ ಸ್ಪರ್ಧಿಗಳನ್ನ ಕೆರಳಿಸಿ ಕೆಂಡ ಮಾಡಿದ್ದರು. ಈ ಜಿದ್ದಾಜಿದ್ದಿಯಲ್ಲಿ ಕೆಲವು ತಪ್ಪುಗಳು ಎರಡೂ ಕಡೆ ನಡೆದಿವೆ. ಈ ವಾರದ ಕಿಚ್ಚನ ಪಂಚಾಯ್ತಿಯಲ್ಲಿ ಈ ಎಲ್ಲಾ ವಿಚಾರಗಳು ಚರ್ಚೆಯಾಗಲಿವೆ. ಈ ವಾರ ಇದೇ ಹಾಟ್ ಟಾಪಿಕ್ ಆಗಿರಲಿದೆ. ಕಿಚ್ಚನ (Kichcha Sudeep) ಉತ್ತರಕ್ಕಾಗಿ ಇಡೀ ಕರುನಾಡೇ ಕಾದು ಕುಳಿತಿದೆ.
ಇನ್ನು ಈ ವಾರ ಬಿಗ್ಬಾಸ್ ಮನೆಯಲ್ಲಿ ರಘು, ಧ್ರುವಂತ್, ಅಶ್ವಿನಿ ಗೌಡ, ಮಾಳು, ಜಾನ್ವಿ, ಕಾವ್ಯ ಹಾಗೂ ಗಿಲ್ಲಿ ನಾಮಿನೇಟ್ ಆಗಿದ್ದಾರೆ. ಎಲ್ಲರೂ ಈ ವಾರ ಉತ್ತಮವಾಗಿ ಆಟ ಆಡುತ್ತಿದ್ದಾರೆ. ಇವರ ಪೈಕಿ ಒಬ್ಬರು ಎಲಿಮಿನೇಟ್ ಆಗೋದು ಪಕ್ಕಾ. ಅತಿಥಿಗಳು ಈ ವಾರ ಮನೆಗೆ ಎಂಟ್ರಿಕೊಟ್ಟಿರುವ ಕಾರಣದಿಂದ ಯಾರನ್ನ ಎಲಿಮಿನೇಷನ್ ಮಾಡದೆಯೂ ಇರಬಹುದು ಎಂದು ಹೇಳಲಾಗ್ತಿದೆ. ಯಾರು ಹೊರ ಹೋಗುತ್ತಾರೆ? ಯಾರು ಉಳಿಯುತ್ತಾರೆ..? ಅಥವಾ ಯಾರೂ ಎಲಿಮಿನೇಷನ್ ಆಗದೆ ಎಲ್ಲರೂ ಉಳಿದುಕೊಳ್ಳಬಹುದು. ಈ ಎಲ್ಲಾ ಪ್ರಶ್ನೆಗಳಿಗೆ ಭಾನುವಾರ ಉತ್ತರ ಸಿಗಲಿದೆ.
ಬಿಗ್ಬಾಸ್ ಅತಿಥಿ ಗೃಹ ಈ ವಾರದ ಚಟುವಟಿಕೆ ಇಡೀ ಕರುನಾಡಿಗೆ ಮಸ್ತ್ ಮಜಾ ಕೊಟ್ಟಿದೆ. ಈ ವಾರದ ಈ ಚಟುವಟಿಕೆಗಳಲ್ಲಿ ನಡೆದ ಎಲ್ಲಾ ಬೆಳವಣಿಗೆ ಬಗ್ಗೆ ವಾರದ ಕಥೆ ಕಿಚ್ಚನ ಜೊತೆ ಯಾವ ಉತ್ತರ ಸಿಗಬಹುದು ಅನ್ನುವ ನಿರೀಕ್ಷೆಯಲ್ಲಿ ಜನ ಕಾದು ಕುಳಿತಿದ್ದಾರೆ.
