Connect with us

Latest

ವಿಡಿಯೋ: ಪ್ರಧಾನಿ ಮೋದಿಯ ಕಾರು ನಿಲ್ಲಿಸಿದ್ಳು 4 ವರ್ಷದ ಪೋರಿ

Published

on

ಸೂರತ್: 4 ವರ್ಷದ ಪುಟ್ಟ ಬಾಲಕಿಯೊಬ್ಬಳು ಇಂದು ಪ್ರಧಾನಿ ಮೋದಿ ಅವರ ಕಾರನ್ನೇ ನಿಲ್ಲುವಂತೆ ಮಾಡಿದ್ದಾಳೆ.

ಹೌದು. ಎರಡು ದಿನಗಳ ಗುಜರಾತ್ ಭೇಟಿಯ ಭಾಗವಾಗಿ ಇಂದು ಮೋದಿ ಸೂರತ್‍ನಲ್ಲಿದ್ದರು. ಮೋದಿ ವಿಮಾನ ನಿಲ್ದಾಣಕ್ಕೆ ತೆರಳುವ ವೇಳೆ ಅವರನ್ನು ನೋಡಲು ಅಲ್ಲಿ ಜನಸಾಗರವೇ ನೆರೆದಿತ್ತು. ಈ ವೇಳೆ ಜನರ ಮಧ್ಯದಿಂದ ಪುಟ್ಟ ಬಾಲಕಿಯೊಬ್ಬಳು ಮೋದಿ ಅವರ ಕಾರಿನ ಬಳಿ ಓಡಿ ಬಂದಳು. ತಕ್ಷಣ ಅಲ್ಲಿದ್ದ ಕಮಾಂಡೋಗಳು ಏನು ಮಾಡಬೇಕು ಎಂದು ತಿಳಿಯದೆ ಒಂದು ಸೆಕೆಂಡ್ ಗೊಂದಲಕ್ಕೀಡಾದ್ರು. ಆದ್ರೂ ಭದ್ರತಾ ದೃಷ್ಟಿಯಿಂದ ಬಾಲಕಿಯನ್ನ ತಡೆದು ಹಿಂದಕ್ಕೆ ಹೋಗುವಂತೆ ಸೂಚಸಿದ್ರು.

ಇದನ್ನ ನೋಡ್ತಿದ್ದ ಪ್ರಧಾನಿ ಮೋದಿ ಕಾರನ್ನು ನಿಲ್ಲಿಸಿ ಆ ಬಾಲಕಿಯನ್ನ ಕರೆದುಕೊಂಡು ಬರುವಂತೆ ಹೇಳಿದ್ರು. ಕಮಾಂಡೋಗಳು ಬಾಲಕಿಯನ್ನ ಕಾರಿನೊಳಗೆ ಕರೆದುಕೊಂಡು ಹೋಗಿದ್ದು, ಮೋದಿ ಆ ಬಾಲಕಿಯನ್ನ ಎತ್ತಿಕೊಂಡು ನಗುತ್ತಾ ಮಾತನಾಡಿಸಿ ಕಳಿಸಿದ್ದಾರೆ. 4 ವರ್ಷದ ಬಾಲಕಿಯ ಹೆಸರು ನ್ಯಾನ್ಸಿ ಎಂದು ತಿಳಿದುಬಂದಿದೆ. ಬಾಲಕಿ ತನ್ನ ಪುಟ್ಟ ಕೈಗೆ ಧರಿಸಿದ್ದ ವಾಚ್ ತೋರಿಸಿ “ಟೈಂ ಎಷ್ಟು” ಎಂದು ಮೋದಿ ಕೇಳಿದ್ರಂತೆ. ಈ ವೇಳೆ ಅಲ್ಲಿದ್ದ ಜನ ಮಗುವಿನೊಂದಿಗೆ ಮೋದಿಯ ಸಂಭಾಷಣೆ ನೋಡಿ ಮೋದಿ… ಮೋದಿ… ಎಂದು ಜೈಕಾರ ಹಾಕಿದ್ರು.

ಭಾನುವಾರದಂದು ಸೂರತ್‍ಗೆ ಆಗಮಿಸಿದ ಮೋದಿ ಬೃಹತ್ ರೋಡ್ ಶೋ ನಡೆಸಿದ್ರು. ವಿಮಾನ ನಿಲ್ದಾಣದಿಂದ ನಗರಕ್ಕೆ ಹೋಗುವ ಮಾರ್ಗದಲ್ಲಿ 10 ಸಾವಿರ ಬೈಕ್‍ಗಳ ಮೆರವಣಿಗೆ, ದೊಡ್ಡ ಟಿವಿ ಪರದೆಗಳು ಹಾಗೂ ವಿದ್ಯುತ್ ದೀಪಗಳ ಮಧ್ಯೆ ಮೋದಿ ಎಸ್‍ಯುವಿಯಲ್ಲಿ ನಿಂತು ಜನರತ್ತ ಕೈ ಬೀಸುತ್ತಾ ಸುಮಾರು 2 ಗಂಟೆಗಳ ರೋಡ್ ಶೋನಲ್ಲಿ ಭಾಗಿಯಾಗಿದ್ರು.

Click to comment

Leave a Reply

Your email address will not be published. Required fields are marked *