– ಪಿಆರ್‍ ಕೆ ಆಡಿಯೋ ಮೂಲಕ ಟಗರು ಮೇಕಿಂಗ್ ರಿಲೀಸ್
ಬೆಂಗಳೂರು: ಹೊಸ ವರ್ಷಕ್ಕಂತೂ ದೊಡ್ಮನೆಯದ್ದೇ ಸುದ್ದಿ. ಈ ಹೊಸ ವರ್ಷಕ್ಕೆ ಪುನೀತ್ ಜಬರ್ದಸ್ತ್ ಆಗಿ ವಿಶ್ ಮಾಡಿದ್ದಾರೆ. ಅಷ್ಟೇ ಅಲ್ಲ ಅವರ ಪಿಆರ್‍ಕೆ ಆಡಿಯೋ ಪೇಜ್ ಮೂಲಕ ಟಗರು ಚಿತ್ರದ ಹೊಚ್ಚ ಹೊಸ ಮೇಕಿಂಗ್ ರಿಲೀಸ್ ಮಾಡಿದ್ದಾರೆ.
ಹೊಸ ವರ್ಷಕ್ಕೆ ಎಲ್ಲಾ ತಾರೆಗಳೂ ವಿಶ್ ಮಾಡಿದ್ದು, ಪುನೀತ್ ಮಾತ್ರ ಡಿಫೇರೆಂಟ್ ಆಗಿ ವಿಶ್ ಮಾಡಿದ್ದಾರೆ. ಎಲ್ಲರೂ ನಿಂತು ಹೊಸ ವರ್ಷಕ್ಕೆ ಶುಭಾಶಯ ಹೇಳಿದರೆ ಪವರ್ ಸ್ಟಾರ್ ಮಾತ್ರ ವೆರಿ ಡಿಫರೆಂಟ್ ಆಗಿ ಸ್ಟಂಟ್ ಮಾಡುತ್ತಾ ವಿಶ್ ಮಾಡಿದ್ದಾರೆ.
ಪುನೀತ್ ಅವರ ಈ ಖುಷಿಗೆ ಸಾಕಷ್ಟು ಕಾರಣಗಳಿವೆ. ಅಂಜನಿಪುತ್ರನಿಗೆ ಎದುರಾಗಿದ್ದ ಕಂಟಕ ನಿವಾರಣೆ, ಹೊಸ ಚಿತ್ರದ ಆರಂಭ, ಜೊತೆಗೆ ಅಣ್ಣನ ಚಿತ್ರಕ್ಕೆ ಸ್ವಾಗತ ಕೋರುವ ಘಳಿಗೆ ಎಲ್ಲ ಖುಷಿಯನ್ನೂ ಪುನೀತ್ ಒಟ್ಟೊಟ್ಟಿಗೆ ಅನುಭವಿಸುತ್ತಿದ್ದಾರೆ. ಇದೇ ಖುಷಿಯಲ್ಲಿ ಹೊಸ ವರ್ಷದ ದಿನವೇ ಪುನೀತ್ ಒಡೆತನದ ಪಿಆರ್‍ಕೆ ಆಡಿಯೋ ಯೂಟ್ಯೂಬ್ ಪೇಜ್‍ನಲ್ಲಿ ಟಗರು ಚಿತ್ರದ ಹೊಚ್ಚ ಹೊಸ ಮೇಕಿಂಗ್ ವಿಡಿಯೋ ರಿಲೀಸ್ ಮಾಡಲಾಗಿದೆ.
https://twitter.com/PuneethOfficial/status/947691838202298368
ಶಿವರಾಜ್‍ಕುಮಾರ್ ಅಭಿನಯದ ಬಹುನಿರೀಕ್ಷಿತ ಚಿತ್ರ ಟಗರು. ಸೂರಿ ನಿರ್ದೇಶನದಲ್ಲಿ ಮೂಡಿಬಂದಿರೋ ಈ ಚಿತ್ರದ ಅದ್ಧೂರಿ ಆಡಿಯೋ ಲಾಂಚ್ ಹೊಸಪೇಟೆಯಲ್ಲಿ ನಡೆಯಿತು. ಟ್ರೇಲರ್ ಕೂಡ ಭರ್ಜರಿ ಹಿಟ್ ಆಗಿದೆ. ಪಿಆರ್‍ಕೆ ಕಂಪನಿಯ ರೈಟ್ಸ್ ನಲ್ಲಿ ಚಿತ್ರದ ಹಾಡಿನ ಮ್ಯಾಷಪ್ ಮೇಕಿಂಗ್ ರಿಲೀಸ್ ಆಗಿ ಗಮನ ಸೆಳೆಯುತ್ತಿದೆ.
ಸೂರಿ ಸಾರಥ್ಯದಲ್ಲಿ ಮೂಡಿಬಂದಿರುವ ಮೇಕಿಂಗ್ ಅದ್ಭುತವಾಗಿದ್ದು ಚಿತ್ರ ನೋಡುವ ಉತ್ಸಾಹವನ್ನ ಇಮ್ಮಡಿಗೊಳಿಸಿದೆ. ಬೆಂಗಳೂರು, ಮಂಗಳೂರು, ಗೋವಾದಲ್ಲಿ ತೆಗೆದ ಸನ್ನಿವೇಷಗಳ ಚಿತ್ರಣದ ಸ್ಯಾಂಪಲ್ ಚಿತ್ರದ ಮೇಲೆ ನಿರೀಕ್ಷೆ ಹುಟ್ಟಿಸಿದೆ. ಶಿವರಾಜ್‍ಕುಮಾರ್ ಜೊತೆ ಭಾವನಾ ಮೆನನ್, ಮಾನ್ವಿತಾ ಹರೀಶ್ ನಟಿಸಿದ್ದು ಹಾಡುಗಳ ಮೇಕಿಂಗ್ ಸ್ಯಾಂಡಲ್‍ವುಡ್‍ನಲ್ಲಿ ಕಲರವ ಮಾಡುತ್ತಿದೆ.
ಅಣ್ಣ ಶಿವಣ್ಣನ ಚಿತ್ರಕ್ಕೆ ಪುನೀತ್ ಸ್ಪೆಷಲ್ ಕಾಳಜಿಯಿಂದ ಪ್ರಚಾರದಲ್ಲಿ ತೊಡಗಿದ್ದಾರೆ. ಸದ್ಯಕ್ಕೆ ಈ ತಿಂಗಳು ಅಪ್ಪು ಯಾವುದೇ ಶೂಟಿಂಗ್ ಒಪ್ಪಿಕೊಳ್ಳದೇ ರಿಲ್ಯಾಕ್ಸ್ ಆಗಿರುತ್ತಾರೆ. ಹೀಗಾಗಿ ಟಗರಿಗಾಗಿ ಪುನೀತ್ ವಿಶೇಷ ಗಮನ ಇರುತ್ತೆ ಎನ್ನುವುದಕ್ಕೆ ವರ್ಷಾರಂಭದಲ್ಲಿ ಮೇಕಿಂಗ್ ರಿಲೀಸ್ ಮಾಡಿರುವುದು ಸಾಕ್ಷಿ. ಒಟ್ಟಿನಲ್ಲಿ ಟಗರು ಆರ್ಭಟ ನೋಡೋಕೆ ಪ್ರೇಕ್ಷಕರು ಕಾಯುತ್ತಿದ್ದಾರೆ.
