ನಿಬ್ಬೆರಗಾಗುವಂತೆ ಮಾಡಿದೆ ಅಜ್ಜಿಯ ಜೋಕಾಲಿಯಾಟ- ವಿಡಿಯೋ ವೈರಲ್

ನವದೆಹಲಿ: ಸಾಮಾನ್ಯವಾಗಿ ವಯಸ್ಸಾದವರು ತಮ್ಮ ಮೊಮ್ಮಕ್ಕಳು ಮರಿ ಮಕ್ಕಳ ಆಟಗಳನ್ನು ನೋಡುತ್ತಾ ಆನಂದ ಪಡುವುದನ್ನು ನಾವು ನೋಡಿರುತ್ತೇವೆ. ಆದ್ರೆ ಇದೀಗ ಅಜ್ಜಿಯೊಬ್ಬರು ಜೋಕಾಲಿಯಾಡಿದ್ದು ಎಲ್ಲರನ್ನು ಹುಬ್ಬೇರಿಸುವಂತೆ ಮಾಡಿದೆ.

ಹೌದು. ಅಜ್ಜಿ ಖುಷಿಯಿಂದ ಜೋಕಾಲಿಯಾಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ತಾಗಿ ವೈರಲ್ ಆಗಿದೆ. ಈ ವಿಡಿಯೋ ವಾಟ್ಸಪ್ ಮೂಲಕ ನಿಮ್ಮ ಮೊಬೈಲ್ ಗೂ ಬಂದಿರಬಹುದು.

Forever young. Amazing grandma ! pic.twitter.com/M8OHrA8d6h

— Virrender Sehwag (@virendersehwag) May 28, 2018

ಈ ವಿಡಿಯೋವನ್ನು ಮಾಜಿ ಮಾಜಿ ಕ್ರಿಕೆಟ್ ಆಟಗಾರ ವೀರೇಂದ್ರ ಸೆಹವಾಗ್ ಅವರು ಕೂಡ ತಮ್ಮ ಟ್ವೀಟ್ಟರ್ ನಲ್ಲಿ ಶೇರ್ ಮಾಡಿಕೊಂಡಿದ್ದು, ಖುಷಿ ವ್ಯಕ್ತಪಡಿಸಿದ್ದಾರೆ. “ಸದಾಕಾಲದ ಯುವತಿ, ಊಹೆಗೆ ಮೀರಿರುವ ಅಜ್ಜಿ” ಎಂದು ಬರೆದು ಈ ವಿಡಿಯೋವನ್ನು ಮೇ 28 ರಂದು ಸೆಹವಾಗ್ ಟ್ವೀಟ್ ಮಾಡಿದ್ದರು.

ಕೇಸರಿ ಬಣ್ಣದ ಸೀರೆ ಉಟ್ಟ ಅಜ್ಜಿ ಜೋಕಾಲಿ ಮೇಲೆ ನಿಂತು, ಅತ್ತಿಂದ ಇತ್ತ, ಇತ್ತಿಂದ ಅತ್ತ ಹಾರಾಡುತ್ತಾ ಸಂತಸ ವ್ಯಕ್ತಪಡಿಸಿದ್ದಾರೆ. ಅಜ್ಜಿಯ ಆಟದ ಈ ದೃಶ್ಯವನ್ನು ನೋಡುವಾಗ ರೋಮಾಂಚನವಾಗುತ್ತದೆ. ಈ ವಿಡಿಯೋಗೆ 1992 ರಲ್ಲಿ ತೆರೆಕಂಡ ತಮಿಳು ಭಾಷೆಯ ಸೂರ್ಯ ಚಿತ್ರದ, ಪಾಥಿನೆಟ್ಟು ವಯತು, ಇಲಮಟ್ಟು ಮನುತು ಯೆಂಗುತು ಪಾಯ್ ಪೋಡಾ ಎನ್ನುವ ಹಾಡನ್ನು ಸೇರಿಸಲಾಗಿದೆ. ಈ ಹಾಡಿಗೆ ಧ್ವನಿ ನೀಡಿದವರು ಹೆಸರಾಂತ ಗಾಯಕರಾದ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಹಾಗೂ ಎಸ್.ಜಾನಕಿ.

ಅಜ್ಜಿ ಜೋಕಾಲಿ ಆಡುವ ಮೂಲಕ ವಯಸ್ಸು ಸಂಖ್ಯೆ ಮಾತ್ರ, ತಾನು ಮಕ್ಕಳಂತೆ ಆಡಬಲ್ಲೆ ಎಂದು ಸಾಬೀತು ಮಾಡಿದ್ದಾರೆ. ಈ ವಿಡಿಯೋವನ್ನು 30 ಸಾವಿರಕ್ಕೂ ಹೆಚ್ಚು ಜನ ಲೈಕ್ ಮಾಡಿದ್ದು, 3 ಸಾವಿರಕ್ಕೂ ಅಧಿಕ ಜನರು ರೀ ಟ್ವೀಟ್ ಮಾಡಿದ್ದಾರೆ.