ರಸ್ತೆಯಲ್ಲಿದ್ದ ಸಸಿ ಕಿತ್ತುಕೊಂಡು ನೆಟ್ಟಿಗರ ಕಣ್ಣಿಗೆ ಗುರಿಯಾದ ಮಹಿಳೆಯರು – ವೀಡಿಯೋ ವೈರಲ್

Public TV
1 Min Read
Chor Aunties

ನವದೆಹಲಿ: ಕಾರಿನಲ್ಲಿ ಬಂದ ಮಹಿಳೆಯರು ರಸ್ತೆಬದಿಯಲ್ಲಿದ್ದ ಸಸಿಯನ್ನು ಕಿತ್ತುಕೊಂಡು ಹೋಗಿದ್ದ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ನೆಟ್ಟಿಗರ ಕಣ್ಣಿಗೆ ಗುರಿಯಾಗಿದೆ.

ವೀಡಿಯೋ ನೋಡಲು ಹಾಸ್ಯಸ್ಪದವಾಗಿದ್ದು, ಕಾರಿನಲ್ಲಿ ಬಂದ ಇಬ್ಬರು ಮಹಿಳೆಯರು ಸುಮ್ಮನೆ ರಸ್ತೆಯಲ್ಲಿ ಹೋಗುತ್ತಿರುವಂತೆ ನಟಿಸುತ್ತಾ, ನೋಡನೋಡುತ್ತಿದ್ದಂತೆ ರಸ್ತೆ ಪಕ್ಕದಲ್ಲಿದ್ದ ಸಸಿಯನ್ನು ಕಿತ್ತುಕೊಂಡು ಹೋಗಿದ್ದಾರೆ. ಈ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ನೆಟ್ಟಿಗರ ಕಣ್ಣಿಗೆ ಗುರಿಯಾಗಿದೆ. ಇದನ್ನೂ ಓದಿ: ಕೊಡಗಿನಾದ್ಯಂತ ಕಳೆಗಟ್ಟಿದ ಪುತ್ತರಿ ಸಂಭ್ರಮ

Chor Aunties 1

ಇನ್‍ಸ್ಟಾಗ್ರಾಮ್‍ನಲ್ಲಿ ಮೀಮ್ ಪೇಜ್ ಈ ವೀಡಿಯೋವನ್ನು ಟ್ರೋಲ್ ಮಾಡಿ, ಕಾಮಿಡಿ ಎಫೆಕ್ಟ್ ಕೊಟ್ಟು ‘ಬಾಡೆ ಲಾಗ್’ ಎಂದು ಬರೆದು ಪೋಸ್ಟ್ ಮಾಡಿದೆ. ಅದು ಅಲ್ಲದೇ ವೀಡಿಯೋ ಮೇಲೆಯೂ ‘ಸರ್ಕಾರಿ ಪೌಢ ಭೀ ಸೇಫ್ ನಹೀ'(ಸರ್ಕಾರಿ ಸಸ್ಯವೂ ಸಹ ಸುರಕ್ಷಿತವಲ್ಲ) ಎಂದು ಬರೆದು ಪೋಸ್ಟ್ ಮಾಡಲಾಗಿದೆ. ಈ ವೀಡಿಯೋ ನೋಡಿದ ವೀಕ್ಷಕರು ಫುಲ್ ಎಂಜಾಯ್ ಮಾಡುತ್ತಿದ್ದು, ನಗುವಿನ ಎಮೋಜಿಗಳನ್ನು ಕಮೆಂಟ್ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ಈ ಇಬ್ಬರು ಮಹಿಳೆಯರು ಕಾರಿನಲ್ಲಿ ಪ್ರಯಾಣಿಸಲು ಅರ್ಹರಲ್ಲ ಎಂದು ಕಮೆಂಟ್ ಮಾಡಿದ್ದಾರೆ.

ಸಿಸಿಟಿವಿ ದೃಶ್ಯದಲ್ಲಿ, ತಡರಾತ್ರಿ ರಸ್ತೆ ಬದಿಯಲ್ಲಿ ಕಾರೊಂದು ನಿಲ್ಲಿಸಲಾಗುತ್ತೆ. ಕಾರಿನಿಂದ ಹೊರಬಂದ, ಕಪ್ಪು ಡ್ರೆಸ್ ಧರಿಸಿದ ಮಹಿಳೆಯೊಬ್ಬರು ರಸ್ತೆಯಲ್ಲಿ ಅಡ್ಡಾಡಿದಂತೆ ಪಾದಚಾರಿ ಮಾರ್ಗದ ಮೇಲೆ ನಡೆಯುತ್ತಾ ಬರುತ್ತಾರೆ. ಅದು ಅಲ್ಲದೇ ಆ ಮಹಿಳೆ ಜೊತೆಯಲ್ಲಿ ಗುಲಾಬಿ ಬಣ್ಣದ ಬಟ್ಟೆಯನ್ನು ಧರಿಸಿರುವ ಇನ್ನೊಬ್ಬರು ಮಹಿಳೆ ಇರುತ್ತಾರೆ. ಕಪ್ಪು ವಸ್ತ್ರದ ಮಹಿಳೆ ಪಾದಚಾರಿ ಮಾರ್ಗದಲ್ಲಿ ಬೆಳೆದಿದ್ದ ಸಸ್ಯವನ್ನು ನೋಡ ನೋಡುತ್ತಿದ್ದಂತೆ ಕಿತ್ತು ಅದನ್ನು ಕಾರಿಗೆ ಒಯ್ಯುತ್ತಾಳೆ. ನಂತರ ಕಾರು ಅಲ್ಲಿಂದ ಹೊರಟು ಹೋಗುತ್ತೆ. ಈ ಪೂರ್ತಿ ದೃಶ್ಯವು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಇನ್ನು ಮುಂದೆ ರಸ್ತೆಯಲ್ಲಿ ಇರುವ ಸಸಿಗಳಿಗೂ ಸೇಫ್ ಇಲ್ಲ ಎಂದು ಎಲ್ಲರೂ ಮಹಿಳೆಯರನ್ನು ಹಾಸ್ಯಸ್ಪದವಾಗಿ ನೋಡುತ್ತಿದ್ದಾರೆ. ಇದನ್ನೂ ಓದಿ: ನೀನು ನನ್ನ ಮಗ ಎಂದು ಹೇಳಲು ಹೆಮ್ಮೆ ಪಡುತ್ತೇನೆ: ಬಿಗ್ ಬಿ

Share This Article
Leave a Comment

Leave a Reply

Your email address will not be published. Required fields are marked *