ಅಭಿಮಾನಿಗಳಿಗೆ ಬಂಪರ್ ಆಫರ್ ಕೊಟ್ರು ವಿಜಯ್ ದೇವರಕೊಂಡ

ಟಾಲಿವುಡ್‌ನ (Tollywood) ಹಾಟ್ ಹೀರೋ ವಿಜಯ್ ದೇವರಕೊಂಡ (Vijay Devarakonda) ಮತ್ತೆ ಸುದ್ದಿಯಲ್ಲಿದ್ದಾರೆ. ಲೈಗರ್ (Liger) ಸೋಲಿನ ನಂತರ ವಿಜಯ್ ಮಹತ್ವದ ನಿರ್ಧಾರವೊಂದನ್ನ ಕೈಗೊಂಡಿದ್ದಾರೆ. ತಮ್ಮ ಅಭಿಮಾನಿಗಳಿಗೆ ವಿಶೇಷ ರೀತಿಯಲ್ಲಿ ಧನ್ಯವಾದ ತಿಳಿಸಲು ರೆಡಿಯಾಗಿದ್ದಾರೆ.

ವಿಜಯ್ ದೇವರಕೊಂಡ ಅವರು ತಮ್ಮ ಅಭಿಮಾನಿಗಳಿಗೆ ಹೊಸ ವರ್ಷಕ್ಕೆ ಏನಾದರೂ ವಿಶೇಷ ಗಿಫ್ಟ್ ಕೊಡಬೇಕೆಂದು ನಿರ್ಧರಿಸಿ, 100 ಮಂದಿಗೆ ಉಚಿತ ಪ್ರವಾಸ ಮಾಡಿಸಲು ಯೋಚಿಸಿದ್ದಾರೆ. 5 ದಿನಗಳ ಕಾಲ ಮನಾಲಿಗೆ 100 ಜನ ಅಭಿಮಾನಿಗಳನ್ನ ಕಳುಹಿಸಲು ನಿರ್ಧರಿಸಿದ್ದಾರೆ. ಈ ಕುರಿತು ಇನ್ಸ್ಟಾಗ್ರಾಂನಲ್ಲಿ ವಿಜಯ್‌ ಹಂಚಿಕೊಂಡಿದ್ದಾರೆ. ಇದನ್ನೂ ಓದಿ: ಬಿಗ್ ಬಾಸ್ ಗೆಲುವಿಗೆ ಕೊರಗಜ್ಜನ ಆಶೀರ್ವಾದವೇ ಕಾರಣ: ರೂಪೇಶ್ ಶೆಟ್ಟಿ

ಈ ಸ್ಪರ್ಧೆಯಲ್ಲಿ ಸೆಲೆಕ್ಟ್ ಆದ ಅದೃಷ್ಟಶಾಲಿಗೆ ಬಗೆಬಗೆಯ ಉಡುಗೊರೆಗಳನ್ನ ವಿಜಯ್, ಆಫರ್ ಮಾಡಲಿದ್ದಾರೆ. ದೊಡ್ಡ ಮಟ್ಟದಲ್ಲಿ ಸ್ಪರ್ಧೆ ಆಯೋಜಿಸಿದ್ದು, ಗೆದ್ದವರಿಗೆ ಸ್ಥಳ ಆಯ್ಕೆ ಮಾಡುವ ಅವಕಾಶವನ್ನು ಫ್ಯಾನ್ಸ್‌ಗೆ ನೀಡಿದ್ದಾರೆ. ಜೊತೆಗೆ ಇದೀಗ ಆಯ್ಕೆಯಾದ ಅಭಿಮಾನಿಗಳನ್ನ ಮನಾಲಿಗೆ ಕಳುಹಿಸಿದ್ದಾರೆ.