ನನ್ನ ಹಾಗೂ ಪಾರ್ವತಮ್ಮನ ಜೊತೆ ದ್ವೇಷವಿರಲಿಲ್ಲ: ಹಿರಿಯ ನಟಿ ಲೀಲಾವತಿ

ಬೆಂಗಳೂರು: ವರನಟ ಡಾ. ರಾಜ್ ಕುಮಾರ್ ಧರ್ಮಪತ್ನಿ ಹಾಗೂ ಹಿರಿಯ ನಟಿ ಪಾರ್ವತಮ್ ರಾಜ್ ಕುಮಾರ್ ಮತ್ತು ನನ್ನ ಮಧ್ಯೆ ಯಾವುದೇ ದ್ವೇಷವಿರಲಿಲ್ಲ ಅಂತಾ ಹಿರಿಯ ನಟಿ ಲೀಲಾವತಿ ಹೇಳಿದ್ದಾರೆ.

ಪಬ್ಲಿಕ್ ಟಿವಿ ಸ್ಟುಡಿಯೋದಲ್ಲಿ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ಅವರು, ನನ್ನ ಬಗ್ಗೆ ನೂರೆಂಟು ಮಾತಾಡಿದ್ರು ತಲೆ ಕೆಡಿಸಿಕೊಳ್ಳಲಿಲ್ಲ. ಪಾರ್ವತಮ್ಮ ಜೊತೆಗೆ ಸ್ನೇಹವೂ ಇರಲಿಲ್ಲ. ಆದ್ರೆ ಸ್ನೇಹಿತರಾಗುವ ಸಂದರ್ಭವೂ ಒದಗಿ ಬರಲಿಲ್ಲ ಅಂತಾ ಹೇಳಿದ್ರು.

ಪಾರ್ವತಮ್ಮ ಎಂದೂ ನನ್ನನ್ನು ಪ್ರಶ್ನಿಸಲಿಲ್ಲ. ರಾಜ್ ಕುಮಾರ್ ವ್ಯವಹಾರಿಕವಾಗಿ ಬೆಳೆಯಲು ಪಾರ್ವತಮ್ಮನೇ ಕಾರಣ. ನನ್ನ ಪಾರ್ವತಮ್ಮ ಮಧ್ಯೆ ಯಾವುದೇ ದ್ವೇಷ ಇರಲಿಲ್ಲ. ಚಿತ್ರೀಕರಣದ ವೇಳೆ ಸೆಟ್ ಗೆ ಬರುತ್ತಿದ್ದರು. ಗಂಡನಿಗೆ ಮನೆಯಿಂದಲೇ ಊಟ ತರುತ್ತಿದ್ದರು. ಪಾರ್ವತಮ್ಮಗೆ ಹಿಂಸೆ ಆಗುವ ಕೆಲಸವನ್ನು ನಾನು ಯಾವತ್ತೂ ಮಾಡಿಲ್ಲ ಅಂದ್ರು.

100 ಮಂದಿಯಿದ್ದ ಕುಟುಂಬವನ್ನು ಸಾಕಿ ಸಲಹುವ ಮೂಲಕ ತನ್ನ ಗಂಡನಿಗೆ ನೆಚ್ಚಿನ ಪತ್ನಿಯಾಗಿದ್ದರು ಅಂದ್ರು. ಪಾರ್ವತಮ್ಮ ಅವರನ್ನು ಕಿತ್ತೂರು ರಾಣಿ ಚೆನ್ನಮ್ಮನಿಗೆ ಹೋಲಿಕೆ ಮಾಡಿ ಮಾತಾಡಿದ್ರು.