ನ್ಯೂಯಾರ್ಕ್: ಯುಎಸ್ F-15 ಯುದ್ಧ ವಿಮಾನಗಳನ್ನು (US F-15 Jets) ಇರಾನ್ ಹೊಡೆದುರುಳಿಸಿದ್ದಲ್ಲ, ಕುವೈತ್ ಏರ್ ಡಿಫೆನ್ಸ್ನಿಂದಾಗಿ (Kuwaiti Air Defence) ಪತನಗೊಂಡಿವೆ ಎಂದು ಅಮೆರಿಕ (America) ಸ್ಪಷ್ಟಪಡಿಸಿದೆ.
ಕುವೈತ್ ವಾಯು ರಕ್ಷಣಾ ಪಡೆಗಳು ನಡೆಸಿದ ಪ್ರತ್ಯೇಕ ‘ಫ್ರೆಂಡ್ಲಿ ಫೈರ್’ನಿಂದ ಮೂರು F-15E ‘ಸ್ಟ್ರೈಕ್ ಈಗಲ್’ ಯುದ್ಧ ವಿಮಾನಗಳನ್ನು ಹೊಡೆದುರುಳಿಸಲಾಗಿದೆ ಎಂದು ಇರಾನ್ ವಿರುದ್ಧ ಅಮೆರಿಕ-ಇಸ್ರೇಲ್ ಜಂಟಿ ಏರ್ಸ್ಟ್ರೈಕ್ ಅನ್ನು ನಿರ್ದೇಶಿಸುವ ಕಮಾಂಡ್ ನೋಡ್ ಸೋಮವಾರ ಸಂಜೆ ತಿಳಿಸಿದೆ. ಇದನ್ನೂ ಓದಿ: ನೆತನ್ಯಾಹು ಕಚೇರಿ, ಇಸ್ರೇಲಿ ವಾಯುಪಡೆಯ ಕಮಾಂಡರ್ ಮೇಲೆ ಕ್ಷಿಪಣಿ ದಾಳಿ
‘F-15 ಯುದ್ಧ ವಿಮಾನಗಳಲ್ಲಿದ್ದ ಎಲ್ಲಾ ಆರು ಪೈಲಟ್ಗಳು (ಪ್ರತಿ ವಿಮಾನಕ್ಕೆ ಇಬ್ಬರು) ಸುರಕ್ಷಿತವಾಗಿ ಹೊರಜಿಗಿದಿದ್ದಾರೆ. ಸುರಕ್ಷಿತವಾಗಿ ಚೇತರಿಸಿಕೊಂಡಿದ್ದಾರೆ ಮತ್ತು ಆರೋಗ್ಯ ಸ್ಥಿರವಾಗಿದೆ. ಕುವೈತ್ ಈ ಘಟನೆಯನ್ನು ಒಪ್ಪಿಕೊಂಡಿದೆ. ಕುವೈತ್ ರಕ್ಷಣಾ ಪಡೆಗಳ ಬೆಂಬಲಕ್ಕಾಗಿ ನಾವು ಕೃತಜ್ಞರಾಗಿರುತ್ತೇವೆ’ ಎಂದು CENTCOM ಹೇಳಿದೆ.
ಹಲವಾರು ಅಮೆರಿಕನ್ ಮಿಲಿಟರಿ ವಿಮಾನಗಳು ಅಪಘಾತಕ್ಕೀಡಾಗಿವೆ ಎಂದು ಕುವೈತ್ ಈ ಹಿಂದೆ ಹೇಳಿತ್ತು. ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾದ ದೃಶ್ಯಗಳಲ್ಲಿ F-15E ವಿಮಾನವೊಂದು ಆಕಾಶದಿಂದ ಬೀಳುತ್ತಿರುವುದನ್ನು ತೋರಿಸಲಾಗಿದೆ. ಬೆಂಕಿಯಿಂದ ಹೊತ್ತಿ ಉರಿದ ವಿಮಾಗಳಿಂದ ಪೈಲಟ್ಗಳು ಹೊರಕ್ಕೆ ನೆನೆದು ಪಾರಾಗಿದ್ದಾರೆ. ಇದನ್ನೂ ಓದಿ: ಇರಾನ್ ಪರಮಾಣು ಸೌಲಭ್ಯದ ಮೇಲೆ ದಾಳಿ – ವಿಕಿರಣ ಸೋರಿಕೆಯ ಆತಂಕ
ಇರಾನ್ನಲ್ಲಿನ ಆಡಳಿತ ಮತ್ತು ಮಿಲಿಟರಿ ಸ್ಥಾಪನೆಗಳನ್ನು ಗುರಿಯಾಗಿಸಿಕೊಂಡು ಅಮೆರಿಕ-ಇಸ್ರೇಲ್ ದಾಳಿ ನಡೆಸಿವೆ. ಇರಾನ್ ಕಡೆಯವರು ಟೆಲ್ ಅವೀವ್ ಮತ್ತು ಪ್ರದೇಶದಾದ್ಯಂತದ ಅಮೆರಿಕನ್ ಮಿಲಿಟರಿ ನೆಲೆಗಳ ಮೇಲೆ ಕ್ಷಿಪಣಿಗಳು ಮತ್ತು ಸಶಸ್ತ್ರ ಡ್ರೋನ್ ದಾಳಿಗಳ ಮೂಲಕ ಪ್ರತಿಕ್ರಿಯಿಸಿವೆ.
