ಬಿಜೆಪಿ ಶಾಸಕರ ಎಮ್ಮೆಗಳಿಗಾಗಿ ಪೊಲೀಸರ ಶೋಧ

ಲಕ್ನೋ: ಕೇಳೋಕೆ ವಿಚಿತ್ರವಾದ್ರೂ ಇದು ಸತ್ಯ. ಕಳೆದ ವಾರ ಕಿಡಿಗೇಡಿಗಳು ಇಲ್ಲಿನ ಬಿಜೆಪಿ ಶಾಸಕರೊಬ್ಬರ ತೋಟದ ಮನೆಯಿಂದ ಕಳ್ಳತನ ಮಾಡಿರೋ ಎಮ್ಮೆಗಳಿಗಾಗಿ ಉತ್ತರಪ್ರದೇಶದ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.

ಬಿಜೆಪಿ ಶಾಸಕ ಸುರೇಶ್ ರಾಹಿ ಅವರ ತೋಟದ ಮನೆಯಿಂದ ಒಂದು ಎಮ್ಮೆ ಹಾಗೂ ಅದರ ಆಕಳು ಕಾಣೆಯಾಗಿದೆ. ರಾಹಿ ಅವರು ಈ ಬಗ್ಗೆ ಕೋಟ್ವಾಲಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಎಮ್ಮೆಗಳ ಪತ್ತೆಗಾಗಿ ತಂಡವನ್ನ ರಚಿಸಲಾಗಿದೆ. ಶಾಸಕರ ಪ್ರಕಾರ ಎರಡೂ ಎಮ್ಮೆಗಳು 1 ಲಕ್ಷ ರೂ. ಮೌಲ್ಯದ್ದಾಗಿದ್ದು, ಹೀಗಾಗಿ ದೂರು ದಾಖಲಿಸಿದ್ದಾಗಿ ಹೇಳಿದ್ದಾರೆ.

2014ರಲ್ಲೂ ಕೂಡ ಸಮಾಜವಾದಿ ಪಕ್ಷದ ಮುಖಂಡ ಅಜಾಮ್ ಖಾನ್ ತಮ್ಮ ಎಮ್ಮೆಗಳು ಕಾಣೆಯಾಗಿರುವ ಬಗ್ಗೆ ದೂರು ದಾಖಲಿಸಿದ್ದಾಗ ಪೊಳಿಸರು ಹುಡಕಾಟ ನಡೆಸಿದ್ದರು. ಈ ವೇಳೆ ವಿರೋಧ ಪಕ್ಷದವರಿಂದ ಪೊಲೀಸರು ಟೀಕೆ ಎದುರಿಸುವಂತಾಗಿತ್ತು.

ಇದನ್ನೂ ಓದಿ: ನಾಪತ್ತೆಯಾಗಿದ್ದ ಎಮ್ಮೆಗಳು ಫೇಸ್‍ಬುಕ್‍ನಿಂದ ಪತ್ತೆಯಾದ್ವು!