Bengaluru RuralChikkaballapurDistrictsKarnatakaLatest

ನಾಪತ್ತೆಯಾಗಿದ್ದ ಎಮ್ಮೆಗಳು ಫೇಸ್‍ಬುಕ್‍ನಿಂದ ಪತ್ತೆಯಾದ್ವು!

ಚಿಕ್ಕಬಳ್ಳಾಪುರ: ನಾಪತ್ತೆಯಾಗಿದ್ದ ಎಮ್ಮೆಗಳು ಫೇಸ್‍ಬುಕ್ ಪೋಸ್ಟ್ ನಿಂದ ಪತ್ತೆಯಾಗಿರುವ ಅಚ್ಚರಿ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಹೊಸಕೋಟೆ ತಾಲೂಕಿನಲ್ಲಿ ನಡೆದಿದೆ.

ಮೂಲತಃ ಬೆಂ.ಗ್ರಾ ಜಿಲ್ಲೆಯ ಈಸ್ತೂರು ಗ್ರಾಮದ ನಾರಾಯಣಸ್ವಾಮಿ ಎಂಬುವರಿಗೆ ಸೇರಿದ ಎರಡು ಎಮ್ಮೆಗಳು ಸೋಮವಾರ ನಾಪತ್ತೆಯಾಗಿದ್ದವು. ಎಮ್ಮೆಗಳು ನಾಪತ್ತೆಯಾಗಿರುವುದು ತಿಳಿದ ಅವರು ಸುತ್ತಲ ಹೊಲ, ಗದ್ದೆ, ಪ್ರದೇಶಗಳಲ್ಲಿ ಹುಡುಕಿ ಕೈಚೆಲ್ಲಿ ಕುಳಿತ್ತಿದ್ದರು.

ಆದರೆ ನಾಪತ್ತೆಯಾದ ಎಮ್ಮೆಗಳು ಈಸ್ತೂರು ಗ್ರಾಮದಿಂದ ಸುಮಾರು 10 ಕಿ.ಮೀ ದೂರ ಪ್ರಯಾಣಿಸಿ ಕೊಂಡ್ರಹಳ್ಳಿ ಗ್ರಾಮದಲ್ಲಿ ಪತ್ತೆಯಾಗಿವೆ. ಅದೇ ಗ್ರಾಮದ ನಿವಾಸಿ ಮೋಹನ್ ಅವರು ಎಮ್ಮೆಗಳಿಗೆ ಹುಲ್ಲು, ಆಹಾರ ನೀಡಿ ಕಟ್ಟಿ ಹಾಕಿದ್ದರು.

ಎಮ್ಮೆಗಳನ್ನು ಮೂಲ ಮಾಲೀಕರಿಗೆ ಹಿಂದುರುಗಿಸಲು ನಿರ್ಧರಿಸಿದ ಮೋಹನ್ ಅವರು ಎಮ್ಮೆ ಪತ್ತೆಯಾದ ಬಗ್ಗೆ ಮಂಗಳವಾರ ತಮ್ಮ ಫೇಸ್ ಬುಕ್ ಖಾತೆಯಲ್ಲಿ, ಈ ಎಮ್ಮೆಗಳು ಯಾರದ್ದು ನೋಡಿ ಎಂದು ಫೋಟೋ ಸಮೇತ ಸ್ಟೇಟಸ್ ಹಾಕಿ ಪೋಸ್ಟ್ ಮಾಡಿದ್ದರು.

ಫೇಸ್ ಬುಕ್ ಸ್ಟೇಟಸ್ ನೋಡಿದ ಈಸ್ತೂರು ಗ್ರಾಮದ ಯುವಕ, ಎಮ್ಮೆ ಮಾಲೀಕ ನಾಗೇಶ್ ಅವರಿಗೆ ಮಾಹಿತಿ ನೀಡಿ ಕಳೆದು ಹೋದ ಎಮ್ಮೆಗಳನ್ನು ಮಾಲೀಕನ ಕೈ ತಲುಪುವಂತೆ ಮಾಡಿದ್ದಾರೆ.

 

Leave a Reply

Your email address will not be published. Required fields are marked *

Back to top button