ವಾಕಿಂಗ್ ಹೋಗಿದ್ದವರು ಹೆಣವಾಗಿ ರಸ್ತೆಯಲ್ಲಿ ಬಿದ್ದರು!

ಯಾದಗಿರಿ: ಬೆಳಗ್ಗೆ ವಾಕಿಂಗ್ ಹೋಗಿದ್ದ ಇಬ್ಬರಿಗೆ ಅಪರಿಚಿತ ವಾಹನ ಡಿಕ್ಕಿ ಹೊಡೆದು ದಾರಿಯಲ್ಲಿಯೇ ಮೃತಪಟ್ಟ ಘಟನೆ ಸುರಪುರ ತಾಲೂಕಿನ ಭಿ.ಗುಡಿ ಬಳಿ ನಡೆದಿದೆ.

ಗಂಗಾಧರ್‍ಸ್ವಾಮಿ, ಮೋಹನ್(38) ಮೃತ ದುರ್ದೈವಿಗಳು. ಮದುವೆ ನಿಮಿತ್ತ ಗಂಗಾಧರ್ ಸ್ವಾಮಿ ಹಾಗೂ ಮೋಹನ್ ಭಿ.ಗುಡಿ ಗ್ರಾಮಕ್ಕೆ ಬಂದಿದ್ದರು. ಬೆಳಗ್ಗೆ ವಾಕಿಂಗ್ ಅಂತಾ ಹೋಗಿದ್ದಾಗ ಅನಾಹುತ ಸಂಭವಿಸಿದೆ.

ಡಿಕ್ಕಿ ಹೊಡೆದ ತಕ್ಷಣವೇ ವಾಹನ ಸಮೇತ ಚಾಲಕ ಪರಾರಿಯಾಗಿದ್ದಾನೆ. ಈ ಕುರಿತು ಭೀಮರಾಯನಗುಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.