ಮರಗಳನ್ನು ತುಂಬಿದ್ದ ಟ್ರಾಕ್ಟರ್ ಹರಿದು ಮಹಿಳೆ ಸೇರಿ ಇಬ್ಬರು ಸಾವು

Public TV
1 Min Read
MND DEATH AV

ಮಂಡ್ಯ: ಹೆಚ್ಚಾಗಿ ಮರಗಳನ್ನ ತುಂಬಿಕೊಂಡು ಬರುತ್ತಿದ್ದ ಟ್ರಾಕ್ಟರ್ ಚಾಲಕನ ನಿಯಂತ್ರಣ ತಪ್ಪಿ ಪಾದಚಾರಿಗಳ ಮೇಲೆ ಬಿದ್ದ ಪರಿಣಾಮ ಮಹಿಳೆ ಸೇರಿದಂತೆ ಇಬ್ಬರು ಮೃತಪಟ್ಟು, ಮತ್ತೊರ್ವ ಮಹಿಳೆ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಮಂಡ್ಯದಲ್ಲಿ ನಡೆದಿದೆ.

ಜಿಲ್ಲೆಯ ಮಳವಳ್ಳಿ ತಾಲೂಕಿನ ನೆಲಮಾಕನಹಳ್ಳಿ ಸಮೀಪ ಈ ಘಟನೆ ಸಂಭವಿಸಿದ್ದು, ಮಾದಹಳ್ಳಿ ಗ್ರಾಮದ 35 ವರ್ಷದ ಸರೋಜಮ್ಮ, 37 ವರ್ಷದ ದಾಸೇಗೌಡ ಮೃತಪಟ್ಟಿದ್ದಾರೆ.

MND DEATH AV 4

ಘಟನೆಯಲ್ಲಿ ಗೌರಮ್ಮ ಎಂಬವರು ಗಂಭೀರವಾಗಿ ಗಾಯಗೊಂಡಿದ್ದು, ಗಾಯಾಳುವನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ. ಕೂಲಿ ಕೆಲಸ ಮುಗಿಸಿ ಈ ಮೂವರು ಊರಿಗೆ ವಾಪಸ್ ಆಗುತ್ತಿದ್ದರು. ಈ ವೇಳೆ ಅದೇ ಮಾರ್ಗದಲ್ಲಿ ಬರುತ್ತಿದ್ದ ಟ್ರಾಕ್ಟರ್‍ನ ಒಂದು ಚಕ್ರ ರಸ್ತೆಯ ಮಧ್ಯೆ ಇದ್ದ ಗುಂಡಿಯೊಳಕ್ಕೆ ಇಳಿದಿದೆ. ಹೀಗಾಗಿ ಚಾಲಕನ ನಿಯಂತ್ರಣ ತಪ್ಪಿ, ಟ್ರಾಕ್ಟರ್‍ನ ಹಿಂಬದಿಯ ಟ್ರೇಲರ್ ಪಾದಾಚಾರಿಗಳ ಮೇಲೆ ಬಿದ್ದು ಅವಘಡ ಸಂಭವಿಸಿದೆ.

ಮರಗಳು ಬಿದ್ದ ಪರಿಣಾಮ ಇಬ್ಬರು ಸಾವನ್ನಪ್ಪಿದ್ರೆ, ಮತ್ತೊರ್ವ ಮಹಿಳೆ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಇನ್ನು ಮಳವಳ್ಳಿ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ಸಂಭವಿಸಿದ್ದು, ಅತಿ ಹೆಚ್ಚು ಮರಗಳನ್ನು ತುಂಬಿಕೊಂಡು ಬರುತ್ತಿರೋದೇ ಅವಘಡಕ್ಕೆ ಕಾರಣ ಅಂತಾ ಹೇಳಲಾಗ್ತಿದೆ.

MND DEATH AV 1

MND DEATH AV 5

MND DEATH AV 6

Share This Article
Leave a Comment

Leave a Reply

Your email address will not be published. Required fields are marked *