ʻಬೊಂಬೆʼಯಂತ ಅದಿತಿ, ಬೊಮ್ಮರಿಲ್ಲು ಹೀರೋ ಜೊತೆ ರೊಮ್ಯಾನ್ಸ್
ಟಾಲಿವುಡ್‌ನ ಸದ್ಯದ ಹಾಟ್ ಟಾಪಿಕ್ ಅಂದರೆ ಅದಿತಿ ರಾವ್ ಹೈದರಿ ಮತ್ತು ತೆಲುಗಿನ ಸ್ಟಾರ್ ನಟ ಸಿದ್ಧಾರ್ಥ್ ಪ್ರೇಮ ಕಹಾನಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಅದಕ್ಕೆ ಸಾಕ್ಷಿ ಎಂಬಂತೆ ಮುಂಬೈನಲ್ಲಿ ಒಟ್ಟಿಗೆ ಕ್ಯಾಮೆರಾ ಕಣ್ಣಿಗೆ ಈ ಜೋಡಿ ಸೆರೆಯಾಗಿದ್ದಾರೆ. ಸದ್ಯ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ತೆಲುಗಿನ ಸಾಕಷ್ಟು ಸಿನಿಮಾಗಳ ಮೂಲಕ ಗಮನ ಸೆಳೆದ ನಟ ಸಿದ್ಧಾರ್ಥ್ ಈಗ ಪ್ರೀತಿಯಲ್ಲಿ ಬಿದ್ದಿದ್ದಾರೆ. ಟಾಲಿವುಡ್ ಚೆಲುವೆ ಅದಿತಿ ರಾವ್ ಹೈದರಿ ಜೊತೆ ಸಿದ್ಧಾರ್ಥ್ ಡೇಟಿಂಗ್ ಮಾಡುತ್ತಿದ್ದಾರೆ. ಟಿಟೌನ್ ತುಂಬೆಲ್ಲಾ ಈ ಜೋಡಿಯ ಪ್ರೇಮ ಕಹಾನಿ ಸಖತ್ ಸದ್ದು ಮಾಡುತ್ತಿದೆ. ಮುಂಬೈನ ಸೆಲೂನ್‌ಯೊಂದರ ಮುಂದೆ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಪಾಪರಾಜಿಗಳ ಕಣ್ಣಿಗೆ ಟಿಟೌನ್‌ನ ಲವ್ ಬರ್ಡ್ಸ್ ಅದತಿ ಮತ್ತು ಸಿದ್ಧಾರ್ಥ್ ಕಾಣಿಸಿಕೊಂಡಿದ್ದಾರೆ.ಇದನ್ನೂ ಓದಿ:ಡಿಸೆಂಬರ್ ನಿಂದ ಸುದೀಪ್ ನಟನೆಯ ಹೊಸ ಸಿನಿಮಾದ ಶೂಟಿಂಗ್ ಶುರು
ಕಳೆದ ವರ್ಷ ರಿಲೀಸ್ ಆಗಿದ್ದ `ಮಹಾ ಸಮುದ್ರಂ’ ಚಿತ್ರದಲ್ಲಿ ಅದಿತಿ ಮತ್ತು ಸಿದ್ಧಾರ್ಥ್ ಒಟ್ಟಿಗೆ ನಟಿಸಿದ್ದರು. ಈ ಚಿತ್ರದ ಮೂಲಕ ಸಿನಿಪ್ರೇಕ್ಷಕರಿಗೂ ಇಷ್ಟವಾಗಿದ್ದರು. ಈ ಚಿತ್ರದಿಂದ ಪರಿಚಯವಾದ ಗೆಳೆತನ ಈಗ ಪ್ರೀತಿಗೆ ತಿರುಗಿ, ಕಳೆದ ವರ್ಷದಿಂದ ಈ ಜೋಡಿ ಏಂಗೇಜ್ ಆಗಿದ್ದಾರೆ. ಅಷ್ಟಕ್ಕೂ ಈ ಡೇಟಿಂಗ್ ವಿಚಾರ ನಿಜಾನಾ ಅಂತಾ ಅದಿತಿ ಮತ್ತು ಸಿದ್ಧಾರ್ಥ್ ಅಧಿಕೃತವಾಗಿ ತಿಳಿಸಿಕೊಡುವವೆರೆಗೂ ಕಾದುನೋಡಬೇಕಿದೆ.
