ಬೆಂಗಳೂರು: ಇಂದು ವರ್ಷದ ಮೊದಲ ಸೂರ್ಯಗ್ರಹಣ (Solar Eclipse) ಮಧ್ಯಾಹ್ನ 2:21 ರಿಂದ ಸಂಜೆ 6:14 ಗಂಟೆಯವರೆಗೆ ಸಂಭವಿಸಲಿದೆ.
ಯುಗಾದಿ ಹಬ್ಬದ ಹಿಂದಿನ ದಿನ ಯುಗಾದಿ (Yugadi) ಅಮವಾಸ್ಯೆ. ಇದು ಹಿಂದೂಗಳಿಗೆ ವರ್ಷದ ಕೊನೆಯ ದಿನವಾಗಿದೆ. ಈ ದಿನ ಸೂರ್ಯ ಗ್ರಹಣ ಸಂಭವಿಸುತ್ತಿರುವುದು ಧಾರ್ಮಿಕವಾಗಿ ಮಹತ್ವ ಪಡೆದುಕೊಳ್ಳಲಿದೆ.ಇದನ್ನೂ ಓದಿ: ನಾಳೆ ವರ್ಷದ ಮೊದಲ ಸೂರ್ಯಗ್ರಹಣ – 30 ರಿಂದ 50 ವರ್ಷಗಳ ಬಳಿಕ ಸಂಭವಿಸಲಿದೆ ಷಡ್ ಗ್ರಹಯೋಗ
ಈ ಗ್ರಹಣ ಅಮೆರಿಕದಲ್ಲಿ ಗೋಚರಿಸಲಿದ್ದು, ಇಂದು ಮಧ್ಯಾಹ್ನ 2:21 ರಿಂದ ಸಂಜೆ 6:14 ವರಗೆ ಸಂಭವಿಸಲಿದೆ. ಆದರೆ ಈ ಗ್ರಹಣ ಭಾರತದಲ್ಲಿ ಗೋಚರವಾಗುವುದಿಲ್ಲ. ಹೀಗಾಗಿ ಎಂದಿನಂತೆ ದೇವಾಲಯಗಳು ತೆರೆದಿರುತ್ತವೆ. ಯುಗಾದಿ ಅಮವಾಸ್ಯೆಯ ಪೂಜೆ ಹಿನ್ನೆಲೆ ಇಂದು ಗವಿಗಂಗಾಧರ ದೇವಾಲಯದಲ್ಲಿ ವಿಶೇಷ ಪೂಜೆ ನೆರವೇರಲಿದೆ. ಇನ್ನೂ ಈ ಗ್ರಹಣದೊಂದಿಗೆ 30 ರಿಂದ 50 ವರ್ಷಗಳ ಬಳಿಕ ಸಂಭವಿಸುವ ಅಪರೂಪದ ಷಡ್ ಗ್ರಹಯೋಗ ಕೂಡ ಜೊತೆಯಾಗಲಿದೆ.
ಏನಿದು ಷಡ್ ಗ್ರಹಯೋಗ?
ಈ ಗ್ರಹಯೋಗದಲ್ಲಿ ಆರು ರಾಶಿಗಳು ಒಟ್ಟಿಗೆ ಒಂದೇ ಗ್ರಹದಲ್ಲಿ ಸಮ್ಮಿಲನವಾಗುತ್ತವೆ. ಸಾಮಾನ್ಯವಾಗಿ ಈ ರೀತಿಯ ಷಡ್ ಗ್ರಹಯೋಗದಿಂದ ಕೆಡುಕು ಉಂಟಾಗುವುದು ಹೆಚ್ಚು. ಧಾರ್ಮಿಕವಾಗಿ ಈ ಪ್ರಕ್ರಿಯೆ ಸಾಕಷ್ಟು ಮಹತ್ವ ಪಡೆದುಕೊಂಡಿದ್ದು, 12 ರಾಶಿಗೂ ಇದರ ಮೇಲೆ ಪ್ರಭಾವ ಬೀರಲಿದೆ.
ಪರಿಹಾರ ಏನು?
ಹೋಮ ಹವನ, ವಿಷ್ಣು ಸಹಸ್ರನಾಮ, ರುದ್ರಪಾರಾಯಣ, ರುದ್ರಾಭಿಷೇಕ, ಮೃತ್ಯುಂಜಯ ಜಪ, ಆಂಜನೇಯ ದೇವರ ಆರಾಧನೆ, ನವಧಾನ್ಯಗಳ ದಾನ ಮಾಡಬೇಕು
ಯಾವ ರಾಶಿಗೆ ಆಪತ್ತು?
– ಕುಂಭರಾಶಿಯಿಂದ ಮೀನ ರಾಶಿಗೆ ಶನಿ ಪ್ರವೇಶ
– ಷಡ್ ಗ್ರಹಯೋಗದಿಂದ 12 ರಾಶಿಯ ಮೇಲೂ ಪರಿಣಾಮ
– ಅದರಲ್ಲಿ ಮೀನ, ಮೇಷ, ಸಿಂಹ, ಧನು ರಾಶಿಯ ಅಧಿಕ ಪರಿಣಾಮ
– ಈ ರಾಶಿಯವರು ತೀರಾ ಎಚ್ಚರಿಕೆಯಿಂದ ಇರಬೇಕು
ಇದನ್ನೂ ಓದಿ: ಮ್ಯಾನ್ಮಾರ್‌ನಲ್ಲಿ ಮತ್ತೆ ಭೂಕಂಪ – ಆಸ್ಪತ್ರೆ ಕಟ್ಟಡಗಳೇ ನಾಮಾವಶೇಷ, ರಸ್ತೆಯಲ್ಲೇ ರೋಗಿಗಳಿಗೆ ಚಿಕಿತ್ಸೆ
