ಹೈದರಾಬಾದ್: ಸಾಮಾನ್ಯವಾಗಿ ಕೆಲವು ಮಕ್ಕಳು ಬಾಲ್ಯದಲ್ಲಿಯೇ ಅನೇಕ ಪ್ರತಿಭೆಗಳನ್ನು ಮೈಗೂಡಿಸಿಕೊಂಡಿರುತ್ತಾರೆ. ಆದರೆ ನಾವು ಅದನ್ನು ಗುರುತಿಸಿ ಮಕ್ಕಳನ್ನು ಉತ್ತೇಜಿಸಬೇಕು. ಆಗ ಅವರು ಏನ್ನಾದರೂ ಸಾಧನೆ ಮಾಡುತ್ತಾರೆ. ಇದಕ್ಕೆ ತೆಲಂಗಾಣದ 16 ವರ್ಷದ ಈ ಬಾಲಕಿಯೇ ಸಾಕ್ಷಿಯಾಗಿದ್ದಾಳೆ.
ತೆಲಂಗಾಣದ ಕಾಸಿಬಟ್ಟ ನಿವಾಸಿ ಸಂಹಿತಾ ವಿಶೇಷವಾದ ಸಾಧನೆ ಮಾಡಿದ್ದಾಳೆ. ಈಕೆ ತನ್ನ 10ನೇ ವಯಸ್ಸಿನಲ್ಲಿಯೇ 10ನೇ ತರಗತಿಯನ್ನು ಪಾಸ್ ಮಾಡಿದ್ದಳು. ಈಗ ಸಂಹಿತಾಗೆ 16 ವರ್ಷವಾಗಿದ್ದು, ಈಗ ಎಂಜಿನಿಯರಿಂಗ್ ನಲ್ಲಿ ಪದವಿ ಪಡೆದಿದ್ದಾಳೆ.
Hyderabad: At 16 years of age, Kasibhatta Samhitha is Telangana's youngest woman engineer. With the aim to get into power sector, she says 'I want to get into the sector to serve the country and bring it at par with rest of the world.' pic.twitter.com/1Qz1Fuqrp4
— ANI (@ANI) June 10, 2018
ನಾನು 10ನೇ ವಯಸ್ಸಿನಲ್ಲಿ 10ನೇ ತರಗತಿ ಪಾಸ್ ಮಾಡಿದ್ದೇನೆ. ಈಗ ಎಂಜಿನಿಯರಿಂಗ್ 10ನೇ ಸ್ಥಾನದಲ್ಲಿ 8.8 ಜಿಡಿಪಿ ಪಡೆದಿದ್ದು, ಇಂಟರ್ ಮೀಡಿಯೆಟ್ ಪರೀಕ್ಷೆಯಲ್ಲಿ ಶೇ.89 ಅಂಕ ಬಂದಿತ್ತು ಎಂದು ಸಂಹಿತಾ ಹೇಳಿದ್ದಾಳೆ. ಸದ್ಯ ತಮ್ಮ ಮುಂದಿನ ಗುರಿಯ ಕುರಿತು ಸ್ಪಷ್ಟನೆ ನೀಡಿರುವ ಸಂಹಿತಾ, ಸೇವಾ ವಲಯದಲ್ಲಿ ಉದ್ಯೋಗ ಪಡೆಯುವ ಗುರಿ ಹೊಂದಿದ್ದು, ದೇಶದ ಬಡ ಜನರಿಗೆ ಉತ್ತಮ ಆಡಳಿತ ನೀಡಿ ವಿಶ್ವ ಮಟ್ಟದಲ್ಲಿ ಭಾರತವನ್ನು ಹೆಮ್ಮೆ ಪಡುವಂತೆ ಮಾಡುವುದಾಗಿ ತಿಳಿಸಿದ್ದಾಳೆ.
ಸಂಹಿತಾ ಮೂರು ವರ್ಷದವಳಿದ್ದಾಗ ವಿವಿಧ ದೇಶಗಳ ರಾಜಧಾನಿಯ ಹೆಸರನ್ನು ಹೇಳುತ್ತಿದ್ದಳು. ಇದನ್ನು ನೋಡಿ ಪೋಷಕರಲ್ಲಿ ಆಶ್ಚರ್ಯ ಪಟ್ಟಿದ್ದರು. ಆಗ ಈಕೆಯ ಪ್ರತಿಭೆಯನ್ನು ಗುರುತಿಸಿ ಹತ್ತನೇ ವಯಸ್ಸಿನಲ್ಲಿ 10ನೇ ತರಗತಿ ಪರೀಕ್ಷೆ ಬರೆದು ಉತ್ತೀರ್ಣಳಾಗಿದ್ದಾಳೆ.
ಸರ್ಕಾರದಿಂದ ವಿಶೇಷ ಅನುಮತಿ ಪಡೆದು ಸಂಹಿತಾ ಎಲೆಕ್ಟ್ರಿಕಲ್ ಅಂಡ್ ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್ ನಲ್ಲಿ ಪದವಿ ಪಡೆದಿದ್ದಾಳೆ. ಈ ಮೂಲಕ ತೆಲಂಗಾಣದ ಅತಿ ಕಿರಿಯ ಎಂಜಿನಿಯರ್ ಎಂಬ ಹೆಗ್ಗಳಿಕೆಗೆ ಪಾತ್ರಳಾಗಿದ್ದಾಳೆ.
I cleared class 10 at the age of 10 yrs. I secured 8.8 GPA in 10th & 89% in Intermediate. I then approached the govt for pursuing engineering as I needed age relaxation. I opted for electrical & electronics engineering which I cleared with 8.85 GPA: Kasibhatta Samhitha #Hyderabad pic.twitter.com/gFnkejdKT8
— ANI (@ANI) June 10, 2018
