ಈ ಬಾರಿಯ ಬಿಗ್ ಬಾಸ್ ಮನೆಯಲ್ಲಿ ಯಾರೆಲ್ಲ ಪ್ರವೇಶ ಪಡೆಯಲಿದ್ದಾರೆ?

ಬೆಂಗಳೂರು: ಬಿಗ್‍ಬಾಸ್ ಸೀಸನ್ -5 ರಿಯಾಲಿಟಿ ಶೋ ಮುಂದಿನ ವಾರದಿಂದ ಆರಂಭಗೊಳ್ಳಲಿದ್ದು, ಈ ಆವೃತ್ತಿಯಲ್ಲಿ ಯಾರ್ಯಾರು ಸ್ಪರ್ಧಿಗಳಾಗುತ್ತಾರೆಂಬ ಬಗ್ಗೆ ಕುತೂಹಲ ಎಲ್ಲರಲ್ಲೂ ಮೂಡಿದೆ.

ಕೆಲ ನಟ-ನಟಿಯರು ಈ ರೇಸಲ್ಲಿ ತಮ್ಮ ಹೆಸರನ್ನೂ ಸೇರಿಸಿಕೊಂಡು ಗಾಳಿ ಸುದ್ದಿ ಹಬ್ಬಿಸಿ ಬಿಟ್ಟಿ ಪ್ರಚಾರ ಪಡೆದುಕೊಂಡಿದ್ದಾರೆ. ಇನ್ನು ಕೆಲವೊಮ್ಮೆ ವಾಹಿನಿಯೇ ಕನ್‍ಫ್ಯೂಸ್ ಮಾಡಲೆಂದೇ ಕೆಲವರ ಹೆಸರನ್ನು ತೇಲಿ ಬಿಟ್ಟಿದ್ದೂ ನಡೆದಿದೆ. ಆದರೆ ಈಗ ಕೆಲವರು ಹೆಸರನ್ನು ಕೇಳಿ ಬಂದಿದ್ದು ಅವರೇ ಫೈನಲ್ ಆಗಬಹುದು ಎಂದು ಹೇಳಲಾಗುತ್ತಿದೆ.

ರೇಸ್‍ನಲ್ಲಿರೋ ವ್ಯಕ್ತಿಗಳು:
ಬಿಗ್ ಬಾಸ್-5 ಆವೃತ್ತಿಯಲ್ಲಿ ಹಿರಿಯ ನಟ ಸಿಹಿ ಕಹಿ ಚಂದ್ರು, ಸಿಂಗರ್ ಚಂದನ್ ಶೆಟ್ಟಿ, ನಾಗಮಂಡಲ ಖ್ಯಾತಿಯ ನಟಿ ವಿಜಯಲಕ್ಷ್ಮಿ, ಗಾಯಕಿ ಅನುರಾಧಾ ಭಟ್ ಅಥವಾ ಸುಪ್ರಿಯಾ, ನಿರೂಪಕ ರಿಯಾಜ್, ಕಿರುತೆರೆ ನಟಿ ಕುಸುಮಾ ವರ್ಷಿಣಿ, ರಾಜೇಶ್ ನಟರಂಗ ಸೇರಿದಂತೆ ಇನ್ನೂ ಹಲವರ ಹೆಸರು ಅಂತಿಮ ರೇಸ್‍ನಲ್ಲಿ ಇದ್ದಾರೆ ಎಂದು ಹೇಳಲಾಗಿದೆ.