ಚಿಕ್ಕೋಡಿ: ಉತ್ತರ ಕರ್ನಾಟಕದ (North Karnatka) ಶಾಸಕರಲ್ಲಿ ಒಗ್ಗಟ್ಟಿಲ್ಲ. ಪಕ್ಷಾತೀತವಾಗಿ ಶಾಸಕರು ಒಗ್ಗಟಾಗುತ್ತಿಲ್ಲ ಹುಕ್ಕೇರಿ ಬಿಜೆಪಿ (BJP) ಶಾಸಕ ನಿಖಿಲ್‌ ಕತ್ತಿ (Nikhil Katti) ಬೇಸರ ವ್ಯಕ್ತಪಡಿಸಿದ್ದಾರೆ.
ಉತ್ತರ ಕರ್ನಾಟಕ ಅಭಿವೃದ್ಧಿ ಆಗುತ್ತಿಲ್ಲ ಎನ್ನುವ ಆರೋಪ ವಿಚಾರಕ್ಕೆ ಹುಕ್ಕೇರಿಯಲ್ಲಿ ಮಾತನಾಡಿದ ಅವರು,ನಾನು ಅನುದಾನ ಕೇಳಿದರೆ ಶಾಸಕ ಮಹೇಶ ಟೆಂಗಿನಕಾಯಿಯೂ ಅನುದಾನ ಕೇಳುತ್ತಾರೆ. ದಕ್ಷಿಣ ಕರ್ನಾಟಕದ ಶಾಸಕರಲ್ಲಿದ್ದಂಥ ಒಗ್ಗಟ್ಟು ನಮ್ಮ ಶಾಸಕರಲ್ಲಿ ಇಲ್ಲ. ನಮ್ಮವರೇ ನಮ್ಮ ಕಾಲು ಜಗ್ಗುವ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದರು.
ಕಿತ್ತೂರು ಕರ್ನಾಟಕದ ಅಭಿವೃದ್ದಿ ಬಗ್ಗೆ ಸರಕಾರ ಆಸಕ್ತಿ ತೋರುತ್ತಿಲ್ಲ. ಸಿದ್ದರಾಮಯ್ಯ ನಮ್ಮ ನಡೆ ಕೃಷ್ಣಾ ಕಡೆ ಅಂತಾ ಹೇಳುತ್ತಾರೆ ಅಷ್ಟೇ. ಈಗ ನಿವೃತ್ತಿ ಆಗಲು ಬಂದರೂ ಈಗೆಲ್ಲಿ ಕೃಷ್ಣಾ ಕಡೆ ನಡೆಯುತ್ತಾರೆ ಎಂದುಪ ಪ್ರಶ್ನಿಸಿದರು. ಇದನ್ನೂ ಓದಿ: ಕುಮಾರಸ್ವಾಮಿ ಬಹಳ ದೊಡ್ಡವರು, ಅವರಿಗೆ ಯಾರ ಬೆಂಬಲವೂ ಬೇಕಿಲ್ಲ: ಡಿಕೆಶಿ ಟಾಂಗ್
ಸರ್ಕಾರದ ಬಳಿ ಆಡಳಿತ ನಡೆಸಲು ದುಡಿಲ್ಲ. ಯಾವುದೇ ಅಭಿವೃದ್ಧಿ ಕಾರ್ಯಗಳು ಆಗುತ್ತಿಲ್ಲ. ಜನರ ದಿಕ್ಕು ತಪ್ಪಿಸಿ ಸುದ್ದಿಯಾಗಲು ಈ ಕುರ್ಚಿ ನಾಟಕ ನಡೆದಿದೆ ಎಂದು ಲೇವಡಿ ಮಾಡಿದರು. ಇದನ್ನೂ ಓದಿ: ಕಾಂಗ್ರೆಸ್ ಸರ್ಕಾರ ರಾಜ್ಯದ ಅಭಿವೃದ್ಧಿಯನ್ನೇ ಮರೆತಂತಿದೆ: ಹೆಚ್‌ಡಿಕೆ
ಮುಂಬರುವ ಬೆಳಗಾವಿ ಅಧಿವೇಶನದಲ್ಲಿ ಉತ್ತರ ಕರ್ನಾಟಕ ಅಭಿವೃದ್ದಿ ಬಗ್ಗೆ ಚರ್ಚೆ ನಡೆಯಬೇಕು. ಉತ್ತರ ಕರ್ನಾಟಕ ಅಭಿವೃದ್ಧಿಯಾಗಿಲ್ಲ ಎನ್ನುವ ಆರೋಪ ನಿಜ. ಬೆಂಗಳೂರು ನೋಡಿದಾಗ ನಮ್ಮ ಅಭಿವೃದ್ಧಿಯಾಗಿಲ್ಲ ಎಂದು ನೋವಾಗುತ್ತದೆ ಎಂದು ಹೇಳಿದರು.
