ಕಿಚ್ಚ ಸುದೀಪ್ – ಶಿವಣ್ಣನ ಕಿಲ್ಲರ್ ‘ದಿ ವಿಲನ್’ ಲುಕ್ ನೋಡಿ!

ಬೆಂಗಳೂರು: ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಹಾಗೂ ಕರುನಾಡ ಚಕ್ರವರ್ತಿ ಶಿವರಾಜ್ ಕುಮಾರ್ ಜೊತೆಯಾಗಿ ನಟಿಸುತ್ತಿರುವ ಪ್ರೇಮ್ ನಿರ್ದೇಶನದ ದಿ ವಿಲನ್ ಚಿತ್ರದ ಮೋಷನ್ ಪೋಸ್ಟರ್ ಯೂಟ್ಯೂಬ್ ನಲ್ಲಿ ರಿಲೀಸ್ ಆಗಿದೆ.  ಕಿಚ್ಚ ಸುದೀಪ್ ಬರ್ತ್ ಡೇ ಹಿನ್ನೆಲೆಯಲ್ಲಿ ಸುದೀಪ್ ಅಭಿನಯದ ಹೊಸ ಚಿತ್ರಗಳ ಟೀಸರ್, ಮೋಷನ್ ಪೋಸ್ಟರ್ ರಿಲೀಸ್ ಆಗ್ತಿವೆ.

‘ರಣ ರಣ ರಣ ರಾಕ್ಷಸರ ರಾಜಾ, ಅಸುರ ಕುಲ ಚಕ್ರಾಧಿಪತೇ….., ವೀರ ಶೂರ ಧೀರಾ… ರಣ ರಣ ರಂಗಾಧಿಪತೇ….., ರಾವಣಾ, ರಾವಣಾ, ರಾವಣಾ’ ಎಂದು ದಿ ವಿಲನ್ ಮೋಷನ್ ಪೋಸ್ಟರ್ ಅಂತ್ಯವಾಗುತ್ತದೆ.

https://youtu.be/TWI7WeA2BPc

ಮೋಷನ್ ಪೋಸ್ಟರ್ ನಲ್ಲಿರುವ ಸುದೀಪ್, ಶಿವಣ್ಣ ಲುಕ್ ಈ ಜೋಡಿಯದ್ದು ಕಿಲ್ಲರ್ ಕಾಂಬಿನೇಷನ್ ಎಂಬಂತೆ ಭಾಸವಾಗುತ್ತಿದೆ. ಅದರಲ್ಲೂ ಶಿವಣ್ಣ ಮುಖದಿಂದ ಸುದೀಪ್ ಮುಖವಾಡ ಹಾಗೂ ಸುದೀಪ್ ಮುಖದಿಂದ ಶಿವಣ್ಣನ ಮುಖವಾಡ ಕಳಚಿ ಬೀಳುವಾಗಂತೂ ನೋಡುಗರಿಗೆ ರೋಮಾಂಚಕಾರಿ ಅನುಭೂತಿ ಸಿಗುತ್ತದೆ.

ನಿನ್ನೆಯಷ್ಟೇ ರಾಜು ಕನ್ನಡ ಮೀಡಿಯಂ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು ಟ್ವಿಟ್ಟರ್, ಫೇಸ್‍ಬುಕ್ ಸೇರಿದಂತೆ ಎಲ್ಲಾ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.

ಕಿಚ್ಚ-ಶಿವಣ್ಣ ಕಾಂಬಿನೇಷನ್ ಅಭಿಮಾನಿಗಳಿಗೆ ಇಬ್ಬರು ಮೇರು ನಟರ ದಿ ವಿಲನ್ ಚಿತ್ರ ಕಣ್ಣಿಗೆ ಹಬ್ಬ ನೀಡೋದಂತೂ ಸುಳ್ಳಲ್ಲ. ಇದರ ಜೊತೆಗೆ ಅಭಿಮಾನಿಗಳೂ ಟ್ವಿಟ್ಟರ್ ನಲ್ಲಿ ತಾವೇ ತಯಾರಿಸಿದ ಕೆಲವು ವೀಡಿಯೋಗಳನ್ನು ಅಪ್ ಲೋಡ್ ಮಾಡುತ್ತಿದ್ದಾರೆ.