ಮತ್ತೆ `ವಾರಿಸು' ಟೀಂ ಜೊತೆ ಕೈಜೋಡಿಸಿದ ದಳಪತಿ ವಿಜಯ್

ಕಾಲಿವುಡ್ ಸೂಪರ್ ಸ್ಟಾರ್ ದಳಪತಿ ವಿಜಯ್ (Thalapathy Vijay) ನಟನೆಯ ʻವಾರಿಸುʼ (Varisu Film) ಸೂಪರ್ ಸಕ್ಸಸ್ ನಂತರ ಹೊಸ ಚಿತ್ರ `ಲಿಯೋ’ (Liyo) ಪ್ರಾಜೆಕ್ಟ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಈ ನಡುವೆ ಮತ್ತೆ `ವಾರಿಸು ಟೀಂ’ ವಿಜಯ್‌ನ ಭೇಟಿ ಮಾಡಿದ್ದಾರೆ. ತಂಡದ ಹೊಸ ಚಿತ್ರಕಥೆಗೆ ದಳಪತಿ ವಿಜಯ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

rashmika

`ಬೀಸ್ಟ್’ ಚಿತ್ರ ಸೋಲಿನಿಂದ ಬೇಸತ್ತ ದಳಪತಿ ವಿಜಯ್‌ಗೆ `ವಾರಿಸು’ ಸಿನಿಮಾ ಸಕ್ಸಸ್ ದೊಡ್ಡ ಮಟ್ಟದಲ್ಲಿ ತಿರುವು ನೀಡಿದೆ. ಇದೇ ಖುಷಿಯಲ್ಲಿ ತಮ್ಮ 67ನೇ ಚಿತ್ರ ʻಲಿಯೋʼ ಪ್ರಾಜೆಕ್ಟ್‌ನತ್ತ ವಿಜಯ್ ಮುಖ ಮಾಡಿದ್ದಾರೆ.

rashmika 1

`ವಾರಿಸು’ ಸಿನಿಮಾ ಕಥೆ, ವಿಜಯ್ -ರಶ್ಮಿಕಾ ರೊಮ್ಯಾನ್ಸ್, ಸಾಂಗ್ಸ್ ಎಲ್ಲವೂ ತೆರೆಯ ಮೇಲೆ ಕಮಾಲ್ ಮಾಡೋದರಲ್ಲಿ ಗೆದ್ದಿತ್ತು. ಇದೀಗ ಮತ್ತೆ ಈ ಟೀಂ ಒಂದಾಗುತ್ತಿದೆ. ಭಿನ್ನ ಕಥೆಯೊಂದಿಗೆ `ವಾರಿಸು’ ನಿರ್ದೇಶಕ ನಟ ವಿಜಯ್ ಭೇಟಿ ಮಾಡಿ ಕಥೆ ಹೇಳಿದ್ದಾರೆ. ವಿಜಯ್ ಕೂಡ ಕಥೆ ಕೇಳಿ ಥ್ರಿಲ್ ಆಗಿ ತಂಡಕ್ಕೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ.

rashmika

`ಲಿಯೋ’ ಚಿತ್ರ ಮುಗಿಯುತ್ತಿದ್ದಂತೆ `ವಾರಿಸು’ ಟೀಂ ಜೊತೆ ವಿಜಯ್ ಹೊಸ ಸಿನಿಮಾ ಮಾಡಲಿದ್ದಾರೆ. ಮತ್ತೆ ಈ ಚಿತ್ರಕ್ಕೆ‌ ವಿಜಯ್‌ ಜೊತೆ ರಶ್ಮಿಕಾ ಮಂದಣ್ಣ ಜೋಡಿಯಾಗಲಿದ್ದಾರಾ ಎಂಬುದನ್ನ ಕಾದುನೋಡಬೇಕಿದೆ.