ಬೆಂಗಳೂರು: ಇತ್ತೀಚೆಗಷ್ಟೆ ಪಕ್ಕೆಲುಬು ಎನ್ನುವ ಪದವನ್ನು ವಿದ್ಯಾರ್ಥಿಯಿಂದ ಪದೇ ಪದೇ ಹೇಳಿಸಿ ಅದನ್ನು ವಿಡಿಯೋ ಮಾಡಿ ಶಿಕ್ಷಕನೊಬ್ಬ ವೈರಲ್ ಮಾಡಿದ್ದನು. ಆ ವಿಡಿಯೋ ಗಂಭೀರವಾಗಿ ಪರಿಗಣಿಸಿದ್ದ ಸಚಿವ ಸುರೇಶ್ ಕುಮಾರ್ ಶಿಕ್ಷಕನನ್ನು ಅಮಾನತು ಮಾಡಿದ್ದರು. ಈ ಘಟನೆ ಮಾಸುವ ಮುನ್ನವೇ ಮತ್ತೊಂದು ಇಂತಹದ್ದೇ ವಿಡಿಯೋ ವೈರಲ್ ಆಗಿದೆ.
ಸರ್ಕಾರಿ ಶಾಲೆಯೊಂದರಲ್ಲಿ ಮಗುವಿನ ಕೈಯಲ್ಲಿ ಶಿಕ್ಷಕ ನಪುಂಸಕ ಲಿಂಗ ಎಂದು ಉಚ್ಛಾರಣೆ ಮಾಡಿಸುವ ವಿಡಿಯೋ ವೈರಲ್ ಆಗಿದೆ. ಸುಮಾರು 2.12 ನಿಮಿಷದ ವಿಡಿಯೋದಲ್ಲಿ, ಲಿಂಗಗಳ ಉಚ್ಛಾರಣೆಯನ್ನು ಪದೇ ಪದೇ ಹೇಳಿಸಿ ಅಪಮಾನ ಮಾಡುವಂತೆ ವಿಡಿಯೋ ಮಾಡಿ ಶಿಕ್ಷಕ ವೈರಲ್ ಮಾಡಿದ್ದಾನೆ. ಇದನ್ನೂ ಓದಿ: ‘ಪಕ್ಕೆಲುಬು’ ವಿಡಿಯೋ ವೈರಲ್ ಮಾಡಿದ್ದ ಶಿಕ್ಷಕ ಅಮಾನತು
ಸದ್ಯ ಆ ಶಾಲೆ ಯಾವುದು, ಯಾವ ಜಿಲ್ಲೆ, ತಾಲೂಕು ಎಂಬ ಮಾಹಿತಿ ಲಭ್ಯವಾಗಿಲ್ಲ. ಈಗಾಗಲೇ ಇಂತಹ ವಿಡಿಯೋ ಮಾಡಬಾರದು ಎಂದು ಸಚಿವ ಸುರೇಶ್ ಕುಮಾರ್ ಆದೇಶ ಹೊರಡಿಸಿದ್ದಾರೆ. ಹೀಗಿದ್ದರೂ ಈಗ ವಿಡಿಯೋ ವೈರಲ್ ಆಗಿದೆ. ಇದನ್ನೂ ಓದಿ: ಪಕ್ಕೆಲುಬು ಶಿಕ್ಷಕನ ‘ಪಕ್ಕೆಲುಬು’ ಮುರಿದ ಸಚಿವ ಸುರೇಶ್ ಕುಮಾರ್
