ಬೆಂಗಳೂರು: ಅಭಿವೃದ್ಧಿ ಮಾಡಲಿ ಅಂತ ಪ್ರತಿ ವರ್ಷ ಕಟ್ಟುತ್ತಿರುವ ತೆರಿಗೆಯನ್ನ ಬಿಬಿಎಂಪಿ ಸಂಬಂಧಿಸಿದ ಇಲಾಖೆಗಳಿಗೆ ಪಾವತಿಸಿಯೇ ಇಲ್ಲ. ಆ ಮೂಲಕ ರಾಜ್ಯ ಸರ್ಕಾರ ಹಾಗೂ ಬೆಂಗಳೂರಿಗರಿಗೆ ಪಾಲಿಕೆ ವಂಚನೆ ಎಸಗಿದೆ.
ಬೆಂಗಳೂರನ್ನ ಅಭಿವೃದ್ಧಿ ಮಾಡುವುದು ಬಿಬಿಎಂಪಿಯ ಆದ್ಯ ಕರ್ತವ್ಯ. ಇದಕ್ಕಾಗಿ ಸಾರ್ವಜನಿಕರಿಂದ ಇಂತಿಷ್ಟು ತೆರಿಗೆ ಅಂತನೂ ಸಂಗ್ರಹ ಮಾಡುತ್ತಿದೆ. ಆ ಮೂಲಕ ರಸ್ತೆ, ನೀರು, ಬೆಳಕು ನೀಡುವ ಕೆಲಸ ಮಾಡುತ್ತಿದೆ. ಇದರ ಜೊತೆಗೆ ಹೆಲ್ತ್ ಸೆಸ್, ಬೆಗ್ಗರ್ ಸೆಸ್, ಲೈಬ್ರರಿ ಸೆಸ್ ಅಂತನೂ ಹಣ ಸಂಗ್ರಹಿಸುತ್ತಿದೆ. ಆದರೆ ಹೀಗೆ ಸಂಗ್ರಹ ಮಾಡಿದ ಹಣ ಸಂಬಂಧಪಟ್ಟ ಇಲಾಖೆಗೆ ನೀಡದೆ ಪಾಲಿಕೆ ವಂಚನೆ ಮಾಡಿದೆ.
Advertisement
Advertisement
ಹೌದು ಇತ್ತೀಚೆಗೆ ಬಿಡುಗಡೆಯಾದ ಆಡಿಟ್ ವರದಿಯಲ್ಲಿ ಈ ಅಂಶ ಉಲ್ಲೇಖವಾಗಿದ್ದು, ಕಳೆದ ಐದು ವರ್ಷದಲ್ಲಿ ಬರೋಬ್ಬರಿ 1293 ಕೋಟಿ ರೂಪಾಯಿ ಬಾಕಿ ಉಳಿಸಿಕೊಂಡಿದೆ.
Advertisement
ಬಿಬಿಎಂಪಿ ಉಳಿಸಿಕೊಂಡ ತೆರಿಗೆ ಬಾಕಿ
* ಹೆಲ್ತ್ ಸೆಸ್ – 950.79 ಕೋಟಿ
* ಲೈಬ್ರರಿ ಸೆಸ್ – 231.42 ಕೋಟಿ
* ಬೆಗ್ಗರ್ ಸೆಸ್ – 111.37 ಕೋಟಿ
* ಬಾಕಿಯಿರೋ ಹಣ – 1293 ಕೋಟಿ
Advertisement
ಬಿಬಿಎಂಪಿ ಕಳೆದ 5 ವರ್ಷಗಳಲ್ಲಿ ವಿವಿಧ ಇಲಾಖೆಗಳಿಗೆ ಪಾವತಿಸಬೇಕಾದ ಹಣವನ್ನ ಪಾವತಿಸಿಲ್ಲ. ಸಂಗ್ರಹ ಮಾಡಲಾಗಿರುವ 950 ಕೋಟಿ ರೂಪಾಯಿ ಹೆಲ್ತ್ ಸೆಸ್ ನಲ್ಲಿ ಒಂದೇ ಒಂದು ರೂಪಾಯಿಯನ್ನ ಆಯಾ ಇಲಾಖೆಗೆ ಪಾವತಿಸಿಲ್ಲ. ಲೈಬ್ರರಿ ಸೆಸ್ 380 ಕೋಟಿ ರೂಪಾಯಿ ಸಂಗ್ರಹಿಸಲಾಗಿದ್ದು, ಅದರಲ್ಲಿ 231 ಕೋಟಿ ಬಾಕಿ ಉಳಿಸಿಕೊಂಡಿದೆ. 190 ಕೋಟಿ ರೂಪಾಯಿ ಬೆಗ್ಗರ್ ಸೆಸ್ ನಲ್ಲಿ 111 ಕೋಟಿ ಪಾವತಿಸಿಲ್ಲ. ಒಟ್ಟಾರೆ ಬಿಬಿಎಂಪಿ 1,293 ಕೋಟಿಯಷ್ಟು ಹಣವನ್ನ ಸಂಬಂಧಿಸಿದ ಇಲಾಖೆಗಳಿಗೆ ಪಾವತಿಸಿಲ್ಲ ಎಂದು ಬಿಬಿಎಂಪಿ ವಿಪಕ್ಷದ ನಾಯಕ ಪದ್ಮನಾಭರೆಡ್ಡಿ ತಿಳಿಸಿದ್ದಾರೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಬಿಬಿಎಂಪಿ ಆಡಳಿತ ಪಕ್ಷದ ನಾಯಕ ಶಿವರಾಜ್, ಅಷ್ಟೊಂದು ಹಣ ಬಾಕಿ ಉಳಿಸಿಕೊಂಡಿಲ್ಲ ಅಂತ ತೇಪೆ ಹಚ್ಚೋಕೆ ನೋಡುತ್ತಿದ್ದಾರೆ. ವರದಿ ತರಿಸಿ ಅಧಿಕಾರಿಗಳ ಜೊತೆ ಮಾತನಾಡುತ್ತೇನೆ ಎಂದು ಹೇಳಿದ್ದಾರೆ.
ಸರ್ಕಾರಕ್ಕೆ ತೆರಿಗೆ ಕಟ್ಟುವ ಮಾತೇ ಇಲ್ಲ. ಬಿಬಿಎಂಪಿ ಸಹ ಶಾಲಾ ಕಾಲೇಜು ಹಾಗೂ ಆಸ್ಪತ್ರೆಗಳನ್ನು ನಡೆಸುತ್ತಿಲ್ಲವಾ ಅಂತ ಬಿಬಿಎಂಪಿ ಆಯುಕ್ತ ಮಂಜುನಾಥ್ ಪ್ರಸಾದ್ ಹೇಳಿದ್ದಾರೆ.
ಸರ್ಕಾರದಿಂದ ಹಣ ಬಂದಿಲ್ಲ. ಹೀಗಾಗಿ ಅಭಿವೃದ್ಧಿ ಆಗುತ್ತಿಲ್ಲ ಅಂತ ಹೇಳುವ ಪಾಲಿಕೆ ಈಗಲಾದರೂ ತೆರಿಗೆದಾರರಿಂದ ಸಂಗ್ರಹಿಸಿದ ಹಣವನ್ನ ಸದ್ಬಳಕೆ ಮಾಡಿಕೊಳ್ಳಬೇಕು ಎಂಬ ಮಾತು ಕೇಳಿ ಬರುತ್ತಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
