ವಿರಾಟ್ Vs ಬಾಬರ್ ರನ್‍ ಮೆಷಿನ್‌ಗಳ ಆಟಕ್ಕೆ ಸಾಕ್ಷಿಯಾಗಲಿದೆ T20 ವಿಶ್ವಕಪ್

Public TV
1 Min Read
VIRAT AND BABAR

ದುಬೈ: ಟಿ20 ವಿಶ್ವಕಪ್ ಚುಟುಕು ಸಮರದಲ್ಲಿ ಭಾರತ Vs ಪಾಕಿಸ್ತಾನ ಪಂದ್ಯವೆಂದರೆ ಅಭಿಮಾನಿಗಳ ಪಾಲಿನ ಸ್ವರ್ಗ. ಎರಡು ದೇಶಗಳ ಕ್ರಿಕೆಟ್ ಅಭಿಮಾನಿಗಳು ಈ ಕ್ಷಣಕ್ಕಾಗಿ ಕಾಯುತ್ತಿರುತ್ತಾರೆ. ಈ ಪಂದ್ಯದಲ್ಲಿ ಭಾರತ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಮತ್ತು ಪಾಕಿಸ್ತಾನ ತಂಡದ ನಾಯಕ ಬಾಬರ್ ಅಜಮ್ ಪ್ರಮುಖ ಆಕರ್ಷಣೆಯಾಗಿದ್ದು, ಈ ಇಬ್ಬರು ರನ್ ಮೆಷಿನ್‌ಗಳ ಹೋರಾಟ ನೋಡಲು ವಿಶ್ವವೇ ತುದಿಗಾಲಲ್ಲಿ ನಿಂತಿದೆ.

IND VS PAK 1 1

ಭಾರತ ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ನಾಯಕರ ನಡುವಿನ ಹೋರಾಟ ನಡೆಯುವುದಂತು ಖಂಡಿತ. ಯಾಕೆಂದರೆ ಟೀಂ ಇಂಡಿಯಾದಲ್ಲಿ ಕಿಂಗ್ ಕೊಹ್ಲಿ ರನ್ ಮೆಷಿನ್ ಆಗಿ ಗುರುತಿಸಿಕೊಂಡರೆ, ಪಾಕಿಸ್ತಾನ ತಂಡದಲ್ಲಿ ಬಾಬರ್ ಬ್ಯಾಟಿಂಗ್ ಮಾಂತ್ರಿಕರಾಗಿ ವಿಶ್ವದ ಗಮನಸೆಳೆದಿದ್ದಾರೆ. ಈ ಇಬ್ಬರಲ್ಲಿ ಯಾರು ನೆಲಕಚ್ಚಿ ಬ್ಯಾಟಿಂಗ್ ಮಾಡಲು ಆರಂಭಿಸಿದರೂ ರನ್ ಮಳೆ ಸುರಿಯಲಿದ್ದು, ಬಾಲ್ ಮೈದಾನದ ಅಷ್ಟ ದಿಕ್ಕುಗಳನ್ನು ಪರಿಚಯ ಮಾಡಿಕೊಂಡು ಬರುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಇದನ್ನೂ ಓದಿ: T20 ಕ್ರಿಕೆಟ್‍ನಲ್ಲಿ ಭಾರತ vs ಪಾಕಿಸ್ತಾನ ನಡುವೆ ಯಾರು ಬೆಸ್ಟ್?

IND VS PAK

ವಿರಾಟ್ ಕೊಹ್ಲಿ 89 ಟಿ20 ಪಂದ್ಯಗಳಿಂದ 28 ಅರ್ಧಶತಕ ಸಹಿತ 3,159 ರನ್ ಸಿಡಿಸಿದರೆ, ಬಾಬರ್ ಅಜಮ್ ಆಡಿರುವ 61 ಟಿ20 ಪಂದ್ಯಗಳಲ್ಲಿ 1 ಶತಕ, 20 ಅರ್ಧಶತಕ ಸಹಿತ 2,204 ರನ್ ಚಚ್ಚಿದ್ದಾರೆ. ಈ ಇಬ್ಬರು ರನ್ ಮಾಂತ್ರಿಕರ ಮೇಲೆ ಪಂದ್ಯ ನಿಂತಿದ್ದು, ಇವರಿಬ್ಬರೂ ಕೂಡ ಚುಟುಕು ಸಮರದಲ್ಲಿ ಹೊಡಿಬಡಿ ಆಟ ಆರಂಭಿಸಿದರೆ ಎದುರಾಳಿ ಬೌಲರ್‍ ಗಳು ಚಿಂದಿ ಆಗುವುದು ಪಕ್ಕಾ. ಹಾಗಾಗಿ ಈ ಇಬ್ಬರು ಆಟಗಾರರ ಬ್ಯಾಟಿಂಗ್ ನೋಡಲು ಅಭಿಮಾನಿಗಳು ಕಾತರರಾಗಿದ್ದಾರೆ. ಇದನ್ನೂ ಓದಿ: ಮೊದಲ ಟಿ20 ವಿಶ್ವಕಪ್ ಬಾಲ್‍ಔಟ್ ಮೂಲಕ ಪಾಕ್‍ಗೆ ಶಾಕ್ ಕೊಟ್ಟ ಭಾರತ

Share This Article
Leave a Comment

Leave a Reply

Your email address will not be published. Required fields are marked *