ಅಹಮದಾಬಾದ್: ಟೀ ಇಂಡಿಯಾದ (Team India) ಸ್ಪಿನ್ನರ್ ವರುಣ್ ಚಕ್ರವರ್ತಿ(Varun Chakravarthy) ಅವರು ಟೀ ಕುಡಿಯುವ ಫೋಟೋವನ್ನು ಅಪ್ಲೋಡ್ ಮಾಡುವ ಮೂಲಕ ಪಾಕಿಸ್ತಾನವನ್ನು (Pakistan) ಮತ್ತೆ ಟ್ರೋಲ್ ಮಾಡಿದ್ದಾರೆ.
ಎಡಗೈಯಲ್ಲಿ ಟಿ20 ವಿಶ್ವಕಪ್ (T20 World Cup) ಬಲಗೈಯಲ್ಲಿ ಟೀ ಕುಡಿಯುವ ಫೋಟೋವನ್ನು ವರುಣ್ ಚಕ್ರವರ್ತಿ ಅಪ್ಲೋಡ್ ಮಾಡಿದ್ದಾರೆ.
ವರುಣ್ ಚಕ್ರವರ್ತಿ ಪಾಕಿಸ್ತಾನವನ್ನು ಈ ರೀತಿ ಟ್ರೋಲ್ ಮಾಡುವುದು ಹೊಸದೆನಲ್ಲ. ಈ ಹಿಂದೆ ಏಷ್ಯಾ ಕಪ್ನಲ್ಲೂ (Asia Cup) ಪಾಕಿಸ್ತಾನವನ್ನು ಭಾರತ ಸೋಲಿಸಿ ಪ್ರಶಸ್ತಿ ಜಯಸಿತ್ತು. ಸೋಲಿಸಿದ ಬಳಿಕ ಏಷ್ಯಾ ಕ್ರಿಕೆಟ್ ಕೌನ್ಸಿಲ್ ಮುಖ್ಯಸ್ಥ ಮೊಹ್ಸಿನ್ ನಖ್ವಿ ಭಾರತ ತಂಡಕ್ಕೆ ಕಪ್ ನೀಡದೇ ಹೈಡ್ರಾಮಾ ಮಾಡಿದ್ದರು.
ಅಂದು ರಾತ್ರಿ ವರುಣ್ ಚಕ್ರವರ್ತಿ ಹಾಸಿಗೆಯಲ್ಲಿ ಮಲಗಿಕೊಂಡು ಬರಿ ಟೀ ಕಪ್ ಇರುವ ಫೋಟೋವನ್ನು ಅಪ್ಲೋಡ್ ಮಾಡಿ ಪಾಕಿಸ್ತಾನವನ್ನು ಕಿಚಾಯಿಸಿದ್ದರು. ಇದನ್ನೂ ಓದಿ: ಟೀಂ ಇಂಡಿಯಾ ಗೆಲುವಿನ ಬೆನ್ನಲ್ಲೇ ಹನುಮಾನ್ ದೇವಾಲಯಕ್ಕೆ ಸೂರ್ಯ, ಗಂಭೀರ್, ಜಯ್ ಶಾ ಭೇಟಿ
ಟ್ರೋಲ್ ಹಿಂದಿನ ಕಥೆ ಏನು?
2019 ರಲ್ಲಿ ಭಾರತೀಯ ವಾಯುಸೇನೆಯ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರ ಮಿಗ್-21 ವಿಮಾನವು ಪಾಕಿಸ್ತಾನದ ಭೂಭಾಗದಲ್ಲಿ ಪತನಗೊಂಡ ಬಳಿಕ ಅವರನ್ನು ಪಾಕ್ ಸೇನೆ ವಶಕ್ಕೆ ಪಡೆದಿತ್ತು. ಆ ಸಮಯದಲ್ಲಿ ಅವರು ಚಹಾ ಕುಡಿಯುತ್ತಿರುವ ವಿಡಿಯೋವೊಂದನ್ನು ಪಾಕಿಸ್ತಾನ ಬಿಡುಗಡೆ ಮಾಡಿತ್ತು.
ಆ ವಿಡಿಯೋದಲ್ಲಿ ಚಹಾದ ಬಗ್ಗೆ ಕೇಳಿದ ಪ್ರಶ್ನೆಗೆ ಅಭಿನಂದನ್ ಅವರು, The tea is fantastic, thank you(ಚಹಾ ಅದ್ಭುತವಾಗಿದೆ, ಧನ್ಯವಾದಗಳು) ಎಂದು ಉತ್ತರಿಸಿದ್ದರು. ಇದನ್ನೂ ಓದಿ: ಬಾವನ ಸಾವಿನ ನೋವಿನಲ್ಲಿದ್ದರೂ ಟೀಂ ಇಂಡಿಯಾಗೆ ವಿಶ್ವಕಪ್ ಗೆಲುವಿನ ಸಂಭ್ರಮ ನೀಡಿದ ಇಶಾನ್ ಕಿಶನ್
ಪಾಕಿಸ್ತಾನ ಉದ್ದೇಶಪೂರ್ವಕವಾಗಿ ಈ ವಿಡಿಯೋವನ್ನು ಅಪ್ಲೋಡ್ ಮಾಡಿ ಭಾರತವನ್ನು ಕೆಣಕಲು ಪ್ರಯತ್ನಿಸಿತ್ತು. ಇದಕ್ಕೆ ಭಾರತದ ನೆಟ್ಟಿಗರು ಇದು ಧೈರ್ಯದ ಸಂಕೇತ ಎಂದು ಹೆಮ್ಮೆಯಿಂದ ಹೇಳಿ ಪಾಕಿಗೆ ತಿರುಗೇಟು ನೀಡಲು ಆರಂಭಿಸಿದರು.
ವಿಶೇಷವಾಗಿ ಕ್ರಿಕೆಟ್ ಪಂದ್ಯಗಳಲ್ಲಿ ಪಾಕ್ ಸೋತಾಗ ಅಥವಾ ಪಾಕಿಸ್ತಾನವು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದಾಗ ಫೆಂಟಾಸ್ಟಿಕ್ ಟೀ ಡೈಲಾಗ್ ಬರೆದು ಭಾರತೀಯರನ್ನು ಪಾಕಿಸ್ತಾನವನ್ನು ಟ್ರೋಲ್ ಮಾಡುತ್ತಿದ್ದಾರೆ.
ಪಾಕಿಸ್ತಾನದ ಆರ್ಥಿಕ ಸ್ಥಿತಿ ಹದಗೆಟ್ಟಾಗ ಅಲ್ಲಿನ ಸಚಿವರೊಬ್ಬರು ದೇಶದ ಜನರಿಗೆ “ಚಹಾ ಕುಡಿಯುವುದನ್ನು ಕಡಿಮೆ ಮಾಡಿ” ಎಂದು ಮನವಿ ಮಾಡಿದ್ದರು. ಇದು ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟ್ರೋಲ್ಗೆ ಕಾರಣವಾಗಿತ್ತು.
