ಬೆಂಗಳೂರು: ಪಕ್ಷೇತರ ಅಭ್ಯರ್ಥಿ ಸುಮಲತಾ ಅಂಬರೀಶ್ ಅವರು ಬುಧವಾರ ಸೀಕ್ರೆಟ್ ಮೀಟಿಂಗ್ ಮಾಡಿದ್ದು, ಅವರ ರಹಸ್ಯ ಮೀಟಿಂಗ್ ವಿಡಿಯೋ ಲೀಕ್ ಆಗಿದೆ. ಆದರೆ ಹೋಟೆಲ್‍ವೊಂದರ ಸಿಸಿಟಿವಿ ವಿಡಿಯೋ ಅಷ್ಟು ಸುಲಭವಾಗಿ ಹೇಗೆ ಲೀಕ್ ಆಯಿತು ಎಂಬುವುದೇ ಪ್ರಶ್ನೆಯಾಗಿದೆ.
ಹೌದು.. ಸಿಎಂ ಕುಮಾರಸ್ವಾಮಿ ಅವರೇ ಸುಮಲತಾ ಅವರ ಸೀಕ್ರೆಟ್ ಮೀಟಿಂಗ್‍ನ ವಿಡಿಯೋ ಲೀಕ್ ಮಾಡಿಸಿದ್ದು, ಒಂದೇ ಏಟಿಗೆ ಎರಡು ಹಕ್ಕಿ ಹೊಡೆಯಲು ಪ್ಲಾನ್ ಮಾಡಿ ವಿಡಿಯೋ ಲೀಕ್ ಮಾಡಿಸಿದ್ದಾರೆ. ಅಂದರೆ ಮಾಜಿ ಪ್ರಧಾನಿ ಮತ್ತು ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರು ದೂರದ ರೆಸಾರ್ಟ್‌ನಲ್ಲಿ ಕೂತು ವಿಶ್ರಾಂತಿ ಪಡೆಯುತ್ತಾ ಸುಮ್ಮನ್ನೆ ಕುಳಿತಿಲ್ಲ. ಅವರೇ ರೆಸಾರ್ಟ್‌ನಲ್ಲಿ ಕುಳಿತು ವಿಡಿಯೋ ದಾಳ ಉರುಳಿಸಿದ್ದಾರೆ ಎನ್ನಲಾಗಿದೆ.
Advertisement
Advertisement
ಸುಮಲತಾ ಜೊತೆ ಚಲುವರಾಯಸ್ವಾಮಿ ಅಂಡ್ ಟೀಮ್ ಸಭೆ ನಡೆಸಿದ ವಿಡಿಯೋ ಲೀಕ್ ಮಾಡಿಸುವ ಮೂಲಕ ಚಲುವರಾಯಸ್ವಾಮಿ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಕಾಂಗ್ರೆಸ್ ನಾಯಕರ ಮೇಲೆ ಒತ್ತಡ ಹೇರಲು ಸಿಎಂ ಪ್ಲಾನ್ ಮಾಡಿದ್ದಾರೆ. ಜೊತೆಗೆ ಸುಮಲತಾ ಪರ ಸಿದ್ದರಾಮಯ್ಯ ತೆರೆಮರೆ ಆಟ ಆಡಿದ್ದಾರೆ ಎಂಬುದನ್ನ ಕಾಂಗ್ರೆಸ್ ಹೈಕಮಾಂಡ್‍ಗೆ ಮನವರಿಕೆ ಮಾಡಿಸಿ ಸಿದ್ದರಾಮಯ್ಯ ಅವರ ಪ್ರಾಬಲ್ಯ ತಗ್ಗಿಸಲು ಮುಂದಾಗಿದ್ದಾರೆ ಎನ್ನಲಾಗಿದೆ.
Advertisement
ಹೀಗೆ ತಮ್ಮ ಮಂಡ್ಯ ಜಿಲ್ಲಾ ರಾಜಕೀಯ ವಿರೋಧಿಗಳನ್ನ ಒಂದೇ ಏಟಿಗೆ ರಾಜಕೀಯವಾಗಿ ಮುಗಿಸುವುದು ಸಿಎಂ ಕುಮಾರಸ್ವಾಮಿ ಮಾಸ್ಟರ್ ಪ್ಲಾನ್ ಮಾಡಿದ್ದು, ಇದೇ ವಿಡಿಯೋ ಆಧರಿಸಿ ಸಿದ್ದರಾಮಯ್ಯರನ್ನ ಸೈಡ್ ಲೈನ್ ಮಾಡಿಸಿ ಸರ್ಕಾರ ಸುಭದ್ರ ಮಾಡಿಕೊಳ್ಳಲು ಸಿಎಂ ಕುಮಾರಸ್ವಾಮಿ ಮುಂದಾಗಿದ್ದಾರೆ ಎಂದು ಮೂಲಗಳಿಂದ ತಿಳಿದು ಬಂದಿದೆ.
Advertisement
ಬುಧವಾರ ಸುಮಲತಾರ ಸಭೆ ಸಂದರ್ಭದಲ್ಲೇ ಗುಪ್ತಚರ ಇಲಾಖೆ ಅಧಿಕಾರಿಗಳು ಹೋಟೆಲ್‍ಗೆ ಬಂದಿದ್ದಾರೆ. ಅದರ ಮಾಹಿತಿ ತಿಳಿದರೂ ಸುಮಲತಾ ಅಂಡ್ ಟೀಮ್ ಸಭೆ ನಡೆಸಿದೆ. ಸಭೆ ಮುಗಿಸಿ ಹೊರಡುತ್ತಿದ್ದಂತೆ ಹೋಟೆಲ್‍ನಿಂದ ಸಿಸಿ ಕ್ಯಾಮರಾ ವಿಡಿಯೋವನ್ನ ಪೊಲೀಸ್ ಅಧಿಕಾರಿಗಳ ಮೂಲಕ ಸಿಎಂ ಹೆಚ್‍ಡಿಕೆ ತೆಗೆಸಿದ್ದು, ಬಳಿಕ ವ್ಯವಸ್ಥಿತವಾಗಿ ಮಾಧ್ಯಮಗಳ ಕೈ ಸೇರುವಂತೆ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ.
ಈ ಮೂಲಕ ತಮ್ಮ ಮಗನ ಸೋಲಿಸಲು ಯತ್ನಿಸಿದ ಮಂಡ್ಯದ ಕಾಂಗ್ರೆಸ್ ನಾಯಕರ ತಲೆದಂಡಕ್ಕೆ ಬಲೆ ಹೆಣಿದಿದ್ದು, ಅಲ್ಲದೇ ಸಿದ್ದರಾಮಯ್ಯರನ್ನ ಶತಾಯಗತಾಯ ಸೈಡ್ ಲೈನ್ ಮಾಡಲು ಸಿಎಂ ಕುಮಾರಸ್ವಾಮಿ ಸ್ಕೆಚ್ ಹಾಕಿ ಆಪರೇಟ್ ಮಾಡಿದ್ದಾರೆ ಎನ್ನಲಾಗಿದೆ. ಈ ಬೆಳವಣಿಗೆ ನಂತರ ಕೆಪಿಸಿಸಿ ಹಾಗೂ ಎಐಸಿಸಿ ಮಟ್ಟದಲ್ಲಿ ಯಾವ ರೀತಿಯ ಪ್ರತಿಕ್ರಿಯೆ ಸಿಗುತ್ತೆ ಎಂಬುದು ಕುತೂಹಲ ಮೂಡಿಸಿದೆ.
