ಶ್ರೀನಗರ: ಜಮ್ಮು & ಮತ್ತು ಕಾಶ್ಮೀರದ ವಾಯುಪ್ರದೇಶದ ಮೂಲಕ ಸ್ಟಾರ್ಲಿಂಕ್ ಉಪಗ್ರಹಗಳು ಹಾದುಹೋಗಿದ್ದನ್ನು ಕಂಡು ಸ್ಥಳೀಯರು ಪಾಕ್‌ನ ಡ್ರೋನ್‌ ದಾಳಿ ಎಂದು ಭಯಭೀತರಾದ ಘಟನೆ ನಡೆದಿದೆ.
ಎಲಾನ್ ಮಸ್ಕ್ ಒಡೆತನದ ಸ್ಟಾರ್ಲಿಂಕ್ ಉಪಗ್ರಹಗಳು ಜಮ್ಮು ಮತ್ತು ಕಾಶ್ಮೀರದ ವಾಯುಪ್ರದೇಶದ ಮೂಲಕ ಹಾದುಹೋದವು. ಇದು ಡ್ರೋನ್‌ ಇರಬಹುದು ಎಂದು ಸ್ಥಳೀಯರು ತಪ್ಪಾಗಿ ಭಾವಿಸಿದ್ದಾರೆ ಎಂದು ವರದಿಯಾಗಿದೆ.
ಪಹಲ್ಗಾಮ್‌ ಭಯೋತ್ಪಾದಕ ದಾಳಿಗೆ ಪ್ರತೀಕಾರವಾಗಿ ಭಾರತ ಆಪರೇಷನ್‌ ಸಿಂಧೂರ ಕಾರ್ಯಾಚರಣೆ ನಡೆಸಿತು. ಇದು ಉಭಯ ದೇಶಗಳ ನಡುವೆ ಸಂಘರ್ಷಕ್ಕೆ ಕಾರಣವಾಯಿತು. ಪಾಕ್‌ ಗಡಿ ಭಾಗದಲ್ಲಿ ಡ್ರೋನ್‌ ದಾಳಿ ಮುಂದುವರಿಸಿತ್ತು. ಭಾರತ ಕೂಡ ತಕ್ಕ ಪ್ರತ್ಯುತ್ತರ ನೀಡಿತ್ತು. ಇದು ಭಾರತದ ಗಡಿ ಭಾಗದಲ್ಲಿ ಭಯದ ವಾತಾವರಣ ಸೃಷ್ಟಿಸಿತ್ತು.
