ಚಾಮರಜನಗರ: ಸರಗೂರು ತಾಲೂಕಿನಲ್ಲಿ ವಿಚಿತ್ರ ಮುಖವುಳ್ಳ ಆಡು ಮರಿಯೊಂದು ಜನನವಾಗಿದ್ದು, ಈ ಅಪರೂಪದ ಮರಿಯನ್ನು ನೋಡಲು ಜನರು ಮುಗಿಬಿದ್ದಿದ್ದಾರೆ.
ತಾಲೂಕಿನ ಹುಲಿಕುರ ಗ್ರಾಮದಲ್ಲಿ ವಿಚಿತ್ರ ಆಡು ಮರಿ ಜನನವಾಗಿದೆ. ಹುಲಿಕುರ ಗ್ರಾಮದ ನಿವಾಸಿ ದಾಸಯ್ಯ ಅವರ ಮನೆಯಲ್ಲಿ ಸಾಕಿದ್ದ ಆಡಿಗೆ ಈ ಮರಿ ಹುಟ್ಟಿದೆ. ಶನಿವಾರದಂದು ಈ ಆಡು ಮರಿ ಜನಿಸಿತ್ತು. ಇದನ್ನು ನೊಡಿದ ತಕ್ಷಣ ಮನೆಮಂದಿ ಅಚ್ಚರಿಗೊಂಡಿದ್ದರು.
ಈ ಆಡು ಮರಿಗೆ ನೋಡಲು ಕೊಂಚ ಮಾನವನ ಮುಖ ಲಕ್ಷಣ ಹೋಲುತ್ತದೆ. ಆಡು ಮರಿಗೆ ದೊಡ್ಡದಾದ ಎರಡು ಕಣ್ಣುಗಳಿವೆ ಆದರೆ, ಎರಡಕ್ಕೂ ಒಂದೆ ರೆಪ್ಪೆ ಇದೆ. ಈ ವಿಚಿತ್ರ ಮರಿಯ ವಿಷಯ ತಿಳಿದ ಬಳಿಕ ಇದನ್ನು ನೋಡಲು ಜನರು ಮುಗಿಬಿದ್ದು ದಾಸಯ್ಯ ಅವರ ಮನೆ ಬಳಿ ಸೇರಿದ್ದರು. ಈ ವೇಳೆ ಆಡು ಮರಿಯ ಫೋಟೋ, ವಿಡಿಯೋವನ್ನು ಕೂಡ ಜನ ಸೆರೆಹಿಡಿದಿದ್ದಾರೆ. ಆದರೆ ವಿಪರ್ಯಾಸವೆಂದರೆ ನಿನ್ನೆ ಜನಿಸಿದ್ದ ಆಡು ಮರಿ ನಿನ್ನೆ ಮಧ್ಯರಾತ್ರಿಯೇ ಅಸುನೀಗಿದೆ.
