ಇತ್ತೀಚಿನ ದಿನಗಳಲ್ಲಿ ಜಂಕ್ ಫುಡ್, ಪಾಸ್ಟ್ ಪುಢ್ ಅಂತಾ ಹೊಟ್ಟೆ ಹಾಳು ಮಾಡಿಕೊಳ್ಳೋದೇ ಹೆಚ್ಚು. ಇಂತಹ ಸಮಯದಲ್ಲಿ ಮನೆಯಲ್ಲೇ ಆರೋಗ್ಯಕರವಾದ ಹಾಗೂ ಬಾಯಿ ಚಪ್ಪರಿಸುವಂತಹ ಸ್ಪೆಷಲ್ ಬೆಂಡೆಕಾಯಿ ಪಾಪ್‌ಕಾರ್ನ್ ತಯಾರಿಸಿ. ಬೆಂಡೆಕಾಯಿಯು ಆರೋಗ್ಯಕ್ಕೂ ಒಳ್ಳೆಯದ್ದು, ಆದ್ದರಿಂದ ಹೊಸ ರೀತಿಯಲ್ಲಿ ಬೆಂಡೆಕಾಯಿ ಪಾಪ್‌ಕಾರ್ನ್ ಮಾಡಿ, ಮಕ್ಕಳಿಗೆ ಸವಿಯಲು ನೀಡಿ.
ಬೇಕಾಗುವ ಪದಾರ್ಥಗಳು:
ಬೆಂಡೆಕಾಯಿ – 15ರಿಂದ 20
ಅರಿಶಿಣದ ಪುಡಿ – ಅರ್ಧ ಚಮಚ
ಮೆಣಸಿನ ಪುಡಿ – 2 ಚಮಚ
ಗರಂ ಮಸಾಲೆ – ಅರ್ಧ ಚಮಚ
ಕಾರ್ನ್ ಫ್ಲೋರ್ – 1 ಚಮಚ
ಮೈದಾ ಹಿಟ್ಟು – 1 ಕಪ್
ಬ್ರೆಡ್ ಕ್ರಂಬ್ಸ್- 1-2 ಕಪ್
ಉಪ್ಪು
ಎಣ್ಣೆ
ಮಾಡುವ ವಿಧಾನ:
* ಮೊದಲಿಗೆ ಬೆಂಡೆಕಾಯಿಯನ್ನು 1 ಇಂಚು ಉದ್ದಕ್ಕೆ ಕತ್ತರಿಸಿ. ನೀರು ಇಲ್ಲದಂತೆ ಚೆನ್ನಾಗಿ ಒರೆಸಿಕೊಳ್ಳಬೇಕು.
* ಬಳಿಕ ಅರಿಶಿನ, 1 ಚಮಚ ಮೆಣಸಿನ ಪುಡಿ, ಗರಂ ಮಸಾಲಾ, ರುಚಿಕೆ ತಕ್ಕಷ್ಟು ಉಪ್ಪು ಹಾಗೂ 2 ಚಮಚ ಕಾರ್ನ್ ಫ್ಲೋರ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು.
* ನಂತರ 15 ನಿಮಿಷ ಮಸಾಲೆ ಹಿಡಿಯಲು ಬಿಡಬೇಕು.
* ಒಂದು ಪಾತ್ರೆ ತೆಗೆದುಕೊಂಡು 1 ಕಪ್ ಮೈದಾ, ಹಾಗೂ ಮುಕ್ಕಾಲು ಕಪ್ ಕಾರ್ನ್ ಫ್ಲೋರ್, 1 ಚಮಚ ಖಾರದಪುಡಿ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ನೀರು ಹಾಕಿ ಉಂಡೆಗಳಿಲ್ಲದಂತೆ ಹಿಟ್ಟನ್ನು ಕಲಸಬೇಕು.
* ಬಳಿಕ ಮಸಾಲೆ ಮಿಶ್ರಿತ ಬೆಂಡೆಕಾಯಿಗಳನ್ನು ಅದ್ದಿ ತೆಗೆದು, ಬ್ರೆಡ್ ಕ್ರಂಪ್ಸ್ನ ಮೇಲೆ ರೋಲ್ ಮಾಡಿಬೇಕು.
* ಇನ್ನು ಈ ಬೆಂಡೆಕಾಯಿಯನ್ನು ಎಣ್ಣೆಯಲ್ಲಿ ಬಿಡಬೇಕು. ಬೆಂಡೆಕಾಯಿಗಳು ಚಿನ್ನದ ಬಣ್ಣ ಬರುವವರೆಗೆ ಕರಿದರೆ ರುಚಿಕರವಾದ ಬೆಂಡೆಕಾಯಿ ಪಾಪ್ ಕಾರ್ನ್ ಸವಿಯಲು ಸಿದ್ಧ.
