ಬಾಲಿವುಡ್‍ಗೆ ಎಂಟ್ರಿ ಕೊಡಲಿದ್ದಾರೆ ಸೌತ್‍ನ ಸೂಪರ್‍ಸ್ಟಾರ್ ಮಹೇಶ್ ಬಾಬು

ಮುಂಬೈ: ಬಾಲಿವುಡ್ ನಟರಂತೆ ಸೌತ್ ಸಿನಿಮಾದ ನಟರು ಸಾಕಷ್ಟು ಜನಪ್ರಿಯಾರಾಗುತ್ತಿದ್ದಾರೆ. ಸೌತ್ ಸಿನಿಮಾದ ಕೆಲ ನಟರು ಬಾಲಿವುಡ್ ಸದ್ಯ ಒಬ್ಬರ ನಂತರ ಒಬ್ಬರು ಎಂಟ್ರಿ ಕೊಡುತ್ತಿದ್ದಾರೆ. ಆದರೆ ಈ ಬಾರಿ ತೆಲುಗಿನ ಮಹೇಶ್ ಬಾಬು ಬಾಲಿವುಡ್ ನಲ್ಲಿ ಎಂಟ್ರಿ ಕೊಡುತ್ತಿರುವುದು ವಿಶೇಷ.

ಇತ್ತೀಚಿಗೆ ಬಿಡುಗಡೆಯಾದ ಮಹೇಶ್ ಬಾಬು ಅವರ `ಸ್ಪೈಡರ್’ ಚಿತ್ರ ಬಾಕ್ಸ್ ಆಫಿಸ್ ನಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ಈಗ ಇದೇ ಚಿತ್ರ ಹಿಂದಿಯಲ್ಲಿ ರೀಮೆಕ್ ಆಗುತ್ತಿದ್ದು ಮಹೇಶ್ ಬಾಬು ಅವರೇ ನಟಿಸುತ್ತಿದ್ದಾರೆ ಎಂದು ಚಿತ್ರದ ನಿರ್ದೇಶಕ ಮುರುಗದಾಸ್ ಹೇಳಿದ್ದಾರೆ.

ಕೆಲವೇ ದಿನಗಳಲ್ಲಿ ಈ ವಿಷಯವನ್ನು ಅಧಿಕೃತವಾಗಿ ತಿಳಿಸುತ್ತೇವೆ ಎಂದು ಮುರುಗದಾಸ್ ತಿಳಿಸಿದ್ದಾರೆ. ಸ್ಪೈಡರ್ ತೆಲಗು ಮತ್ತು ತಮಿಳು ಭಾಷೆಯಲ್ಲಿ ಬಿಡುಗಡೆಗೊಂಡಿದೆ. ಹೀಗಾಗಿ ಸಿನಿಮಾವನ್ನು ಹಿಂದಿಗೆ ರಿಮೇಕ್ ಮಾಡಲಾಗುತ್ತಿದೆ. ಹಿಂದಿಯ ಸ್ಪೈಡರ್ ಬರೋಬ್ಬರಿ 125 ಕೋಟಿ. ರೂ. ಬಜೆಟ್ ನಲ್ಲಿ ನಿರ್ಮಾಣವಾಗಲಿದೆ.