ಮುಂಬೈ: ಮಲ್ಟಿ ಕಮಾಡಿಟಿ ಎಕ್ಸ್ ಚೇಂಜ್ನಲ್ಲಿ (MCX) ಬೆಳ್ಳಿಯ (Silver) ಫ್ಯೂಚರ್ಗಳು ಮೊದಲ ಬಾರಿಗೆ ಪ್ರತಿ ಕೆಜಿಗೆ 2.50 ಲಕ್ಷ ರೂ. ತಲುಪಿ ನಂತರ ದಿಢೀರ್ 21 ಸಾವಿರ ರೂ. ಇಳಿಕೆಯಾಗಿದೆ.
ಮಾರ್ಚ್ 2026 ರ ವಿತರಣೆಗೆ ನಿಗದಿಯಾಗಿದ್ದ ಈ ಫ್ಯೂಚರ್ಗಳ ಬೆಲೆ ಮಾರ್ಕೆಟ್ ತೆರೆದ ಆರಂಭದಲ್ಲೇ 2,54,174 ರೂ.ಗೆ ಏರಿಕೆಯಾಗಿತ್ತು. ನಂತರ ಇಳಿಕೆಯಾಗುತ್ತಾ ಸಾಗಿ ಮಧ್ಯಾಹ್ನ 2:41ರ ವೇಳೆಗೆ 2,33,880 ರೂ. ತಲುಪಿತ್ತು.
ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬೆಳ್ಳಿ ಬೆಲೆಗಳು ಮೊದಲ ಬಾರಿಗೆ ಪ್ರತಿ ಔನ್ಸ್ಗೆ 80 ಡಾಲರ್ ಏರಿಕೆಯಾಗಿತ್ತು. ಭಾನುವಾರ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಮತ್ತು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ನಡುವೆ ಸಂಭಾವ್ಯ ಶಾಂತಿ ಒಪ್ಪಂದದ ಕುರಿತು ನಡೆಸಿದ ಮಾತುಕತೆ ಫಲಪ್ರದವಾಗಿದೆ ಎಂಬ ವರದಿಯ ಬಳಿಕ ಬೆಲೆ 5 ಡಾಲರ್ ಇಳಿಕೆಯಾಯಿತು. ಇದನ್ನೂ ಓದಿ: ರಷ್ಯಾ-ಉಕ್ರೇನ್ ಯುದ್ಧ ಕೊನೆಯಾಗುವ ಸಮಯ ಹತ್ತಿರದಲ್ಲಿದೆ: ಟ್ರಂಪ್
ಕಳೆದ ವರ್ಷಕ್ಕೆ ಹೋಲಿಸಿದರೆ ಬೆಳ್ಳಿ 181% ರಷ್ಟು ಏರಿಕೆ ಕಂಡಿದೆ. ಕೈಗಾರಿಕೆಯಲ್ಲಿ ಬೆಳ್ಳಿಯ ಬೇಡಿಕೆ ಹೆಚ್ಚಾಗುತ್ತಿದೆ. ಮುಖ್ಯವಾಗಿ ಸೌರ ಫಲಕಗಳು, ಎಲೆಕ್ಟ್ರಾನಿಕ್ಸ್, ವಿದ್ಯುತ್ ವಾಹನಗಳು ಬೆಳ್ಳಿ ಬಳಕೆ ಹೆಚ್ಚಿದೆ. ಇದನ್ನೂ ಓದಿ: ಓವರ್ಲೋಡ್ ಆಗಿದ್ದ ಟ್ರಕ್ ಪಲ್ಟಿ – ಬೊಲೆರೋ ಅಪ್ಪಚ್ಚಿ, ಚಾಲಕ ಸಾವು
1979-80ರಲ್ಲಿ, ಬೆಳ್ಳಿ ಪ್ರತಿ ಔನ್ಸ್ಗೆ 6 ಡಾಲರ್ನಿಂದ 49 ಡಾಲರ್ಗೆ ಏರಿತು ಮತ್ತು ನಂತರ ದರ 90% ಕ್ಕಿಂತ ಹೆಚ್ಚು ಕುಸಿಯಿತು. 2011 ರಲ್ಲಿ ಬೆಲೆಗಳು 48 ಡಾಲರ್ ಸಮೀಪಕ್ಕೆ ತಲುಪಿದವು ಮತ್ತು ನಂತರದ ವರ್ಷಗಳಲ್ಲಿ 75% ಕ್ಕಿಂತ ಹೆಚ್ಚು ಕುಸಿದಿದ್ದವು.
