ಸಿಲಿಕಾನ್ ಸಿಟಿಯಲ್ಲಿ ಉಚಿತ ವೈಫೈಗೆ ಚಿಂತನೆ- ಡಿಸಿಎಂ

Public TV
1 Min Read
dcm Ashwat Narayan

ಬೆಂಗಳೂರು: ನಗರದ ಎಲ್ಲ ಕಡೆ ವೈಫೈ ಹಾಟ್ ಸ್ಪಾಟ್ ಮೂಲಕ ಪ್ರತಿ ದಿನ ಒಂದು ಜಿಬಿ ಉಚಿತ ಇಂಟರ್ ನೆಟ್ ಸೇವೆ ಒದಗಿಸಬೇಕೆಂಬ ಉದ್ದೇಶ ಇದೆ ಎಂದು ಉಪಮುಖ್ಯಮಂತ್ರಿ ಡಾ.ಅಶ್ವಥ್ ನಾರಾಯಣ ತಿಳಿಸಿದ್ದಾರೆ.

ಬೆಂಗಳೂರು ಟೆಕ್ ಸಮ್ಮಿಟ್ ಇಂದು ಕಡೆಯ ದಿನವಾದ ಹಿನ್ನೆಲೆ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿ, ವೈಫೈ ಹಾಟ್ ಸ್ಪಾಟ್ ಮೂಲಕ ಬೆಂಗಳೂರಿನ ಎಲ್ಲ ಕಡೆ ಪ್ರತಿ ದಿನ ಒಂದು ಗಂಟೆ ಉಚಿತ ಇಂಟರ್ ನೆಟ್ ಸೇವೆ ಒದಗಿಸಲು ಚಿಂತಿಸಲಾಗುತ್ತಿದೆ. ಈ ಯೋಜನೆಗೆ 100 ಕೋಟಿ ರೂ. ವೆಚ್ಚವಾಗಲಿದ್ದು, ಈ ಕುರಿತು ರಾಜ್ಯ ಸರ್ಕಾರ ಆಕ್ಟ್(ACT) ಕಂಪನಿ ಜೊತೆ ಮಾತನಾಡಿದೆ. ನಗರದಲ್ಲಿ ಈ ಸೌಲಭ್ಯ ಅಗತ್ಯವಿದೆ ಎಂದರು.

Bengaluru City 1

ಇನ್ನೂ ಚರ್ಚೆಯ ಹಂತದಲ್ಲಿದ್ದು, ಕಾನೂನು ಕ್ರಮಗಳನ್ನು ಅನುಸರಿಸಿ ಕೆಲವೇ ತಿಂಗಳುಗಳಲ್ಲಿ ನಗರಾದ್ಯಂತ ವೈಫೈ ಇಂಟರ್ ನೆಟ್ ಜಾರಿಗೆ ತರುತ್ತೇವೆ. ಈ ಯೋಜನೆ ಪೂರ್ಣ ಆಗಲು ವಂಭತ್ತು ತಿಂಗಳು ಬೇಕಾಗುತ್ತದೆ. ಇದಕ್ಕಾಗಿ ಆಕ್ಟ್ ಕಂಪನಿಯವರು ಮುಂದೆ ಬಂದಿದ್ದಾರೆ. ಯೋಜನೆಗೆ ತಗಲುವ 100 ಕೋಟಿ ರೂ. ವೆಚ್ಚವನ್ನು ಕಂಪನಿಯವರೇ ಭರಿಸುತ್ತಾರೆ. ಆದರೆ ಇದಕ್ಕಾಗಿ ವಿದ್ಯುತ್ ಅಗತ್ಯವಿದ್ದು, ಇದನ್ನು ಮಾತ್ರ ಅವರು ಕೇಳುತ್ತಿದ್ದಾರೆ. ವಿದ್ಯುತ್ ಪೂರೈಸುವ ಪ್ರಕ್ರಿಯೆ ನಡೆಯಬೇಕಿದೆ ಎಂದರು.

Share This Article
Leave a Comment

Leave a Reply

Your email address will not be published. Required fields are marked *