ಬಾಲಿವುಡ್ನ 50 ವರ್ಷಗಳ ಕ್ಲಾಸಿಕ್ ಚಿತ್ರ ‘ಶೋಲೇ’ (Sholay) ಡಿಸೆಂಬರ್ 12 ರಂದು ‘ಶೋಲೇ: ದ ಫೈನಲ್ ಕಟ್’ (Sholay The Final Cut) ಹೆಸರಿನಲ್ಲಿ ಚಿತ್ರಮಂದಿರಗಳಲ್ಲಿ ಮತ್ತೆ ರಿಲೀಸ್ ಆಗಲಿದೆ. ಈ ಚಿತ್ರವನ್ನು ಡಾಲ್ಬಿ 5.1 ಜೊತೆಗೆ 4K ರೆಸ್ಟೋರೇಷನ್ನಲ್ಲಿ ಮರುಸ್ಥಾಪಿಸಲಾಗಿದೆ. ಸಿನಿಮಾದ ನೂತನ ಆವೃತ್ತಿಯ ಟ್ರೈಲರ್ ರಿಲೀಸ್ ಮಾಡಲಾಗಿದೆ.
‘SHOLAY’ RETURNS TO CINEMAS ON 12 DEC 2025 – THIS TIME IN ITS UNCUT, ORIGINAL VERSION… Presenting the trailer of #Sholay: The Final Cut.
Restored in 4K with Dolby 5.1, the film releases on 12 Dec 2025 – marking the first-ever theatrical presentation of the original uncut… pic.twitter.com/ahiv7ifTlp
— taran adarsh (@taran_adarsh) December 5, 2025
ನಿರ್ದೇಶಕ ರಮೇಶ್ ಸಿಪ್ಪಿಯವರು ಆಲೋಚನೆಯಂತೆ ಗಬ್ಬರ್ ಸಿಂಗ್ನ ಕೊನೆಯ ದೃಶ್ಯ ಸಂಪೂರ್ಣವಾಗಿ ಪ್ರೇಕ್ಷಕರಿಗೆ ನೋಡಲು ಈಗ ಸಿಗಲಿದೆ. 1975 ರಲ್ಲಿ ತುರ್ತು ಪರಿಸ್ಥಿತಿಯಿಂದಾಗಿ ಕ್ಲೈಮ್ಯಾಕ್ಸ್ ಬದಲಾಯಿಸಲಾಗಿತ್ತು. ಈಗ ಐದು ದಶಕಗಳ ನಂತರ ಮೂಲ ಕ್ಲೈಮ್ಯಾಕ್ಸ್ನ್ನು ಪ್ರೇಕ್ಷಕರು ನೋಡಲಿದ್ದಾರೆ. ಡಿ.12 ರಂದು ದೇಶಾದ್ಯಂತ 1,500 ಚಿತ್ರಮಂದಿರಗಳಲ್ಲಿ ಈ ಚಿತ್ರ ಬಿಡುಗಡೆಯಾಗಲಿದೆ. ಇದನ್ನೂ ಓದಿ: ಅಮಿತಾಭ್ ನಟನೆಯ ‘ಶೋಲೆ’ ಸಿನಿಮಾಗೆ ಕಮಲ್ ಹಾಸನ್ ಸಹಾಯಕ ನಿರ್ದೇಶಕ
ಫಿಲ್ಮ್ ಹೆರಿಟೇಜ್ ಫೌಂಡೇಶನ್ನ ಸಹಯೋಗದೊಂದಿಗೆ ಸಿಪ್ಪಿ ಫಿಲ್ಮ್ಸ್ ಈ ಚಿತ್ರದ ರೆಸ್ಟೋರೇಷನ್ ಮಾಡಿದೆ.
ಈ ಚಿತ್ರದಲ್ಲಿ ರಮೇಶ್ ಸಿಪ್ಪಿ ನಿರ್ದೇಶಿಸಿ ಅವರ ತಂದೆ ಜಿ.ಪಿ. ಸಿಪ್ಪಿ ನಿರ್ಮಿಸಿದ “ಶೋಲೆ” ಚಿತ್ರದಲ್ಲಿ ಧರ್ಮೇಂದ್ರ, ಅಮಿತಾಭ್ ಬಚ್ಚನ್ (Amitabh Bachchan), ಹಿರಿಯ ನಟಿಯರಾದ ಹೇಮಾ ಮಾಲಿನಿ ಮತ್ತು ಜಯಾ ಭಾದುರಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದನ್ನೂ ಓದಿ: 1960ರಲ್ಲಿ ಧರ್ಮೇಂದ್ರ ಖರೀದಿಸಿದ ಮೊದಲ ಕಾರಿನ ಬೆಲೆ ಎಷ್ಟು ಗೊತ್ತಾ?
