Connect with us

Latest

ಮಧ್ಯರಾತ್ರಿ ಬಸ್ಸಿಳಿದ ಯುವತಿ- ಆಟೋ ಹತ್ತೋವರೆಗೂ ಬಸ್ ನಿಲ್ಲಿಸಿ ಕಾದ ಕಂಡಕ್ಟರ್ -ಡ್ರೈವರ್

Published

on

ಮುಂಬೈ: ನಾವು ಪ್ರತಿದಿನ ಮಹಿಳೆಯರ ಮೇಲಿನ ದೌರ್ಜನ್ಯ ಮತ್ತು ಶೋಷಣೆಗಳ ಸುದ್ದಿಯನ್ನು ನೋಡುತ್ತಿರುತ್ತೇವೆ. ಇತ್ತ ಬಸ್ ಕಂಡಕ್ಟರ್ ಮತ್ತು ಡ್ರೈವರ್ ಗಳು ಕೂಡ ರಾತ್ರಿ ಯುವತಿಯೊಬ್ಬಳೆ ಬಸ್ ಇಳಿದ ತಕ್ಷಣ ಹೊರಟು ಹೋಗುತ್ತಾರೆ. ಆದರೆ ಇಂತಹವರ ಮಧ್ಯೆ ನಗರದ ಬಸ್ ಡ್ರೈವರ್ ಮತ್ತು ಕಂಡಕ್ಟರ್ ಯುವತಿಯೊಬ್ಬಳು ಬಸ್ ಇಳಿದು ಮನೆಗೆ ಆಟೋ ಹತ್ತೊವರೆಗೂ ಅಲ್ಲೆ ನಿಂತಿದ್ದು, ಬಳಿಕ ಹೋಗಿದ್ದಾರೆ.

ಯುವತಿ ತನಗಾಗಿ ಕಾದಿದ್ದ ಬಸ್ ಡ್ರೈವರ್ ಮತ್ತು ಕಂಡಕ್ಟರ್ ಬಗ್ಗೆ ಟ್ವೀಟ್ ಮಾಡಿ ನಡೆದ ಘಟನೆಯ ಬಗ್ಗೆ ಹೇಳಿಕೊಂಡಿದ್ದಾರೆ. “ಮೊದಲಿಗೆ ಯುವತಿ ಈ ಕಾರಣಕ್ಕೆ ನಾನು ಮುಂಬೈಯನ್ನ ಪ್ರೀತಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.

“ನಾನು ಪ್ರಯಾಣಿಸುತ್ತಿದ್ದ ಬಸ್ಸಿನಿಂದ ಮಧ್ಯರಾತ್ರಿ 1.30 ಕ್ಕೆ ಮುಂಬೈನ ಬಸ್ ನಿಲ್ದಾಣದಲ್ಲಿ ಇಳಿದುಕೊಂಡಿದ್ದೆ. ನಂತರ ನಾನು ಒಬ್ಬಳೇ ಇರುವುದು ಕಂಡು, ಬಸ್ ಹೋಗದೇ ಅಲ್ಲಿಯೇ ನಿಲ್ಲಿಸಿ ನಿಮ್ಮನ್ನು ಕರೆದೊಕೊಂಡು ಹೋಗಲು ಯಾರಾದರೂ ಬರುತ್ತಾರಾ ಎಂದು ಕೇಳಿದರು. ಈ ವೇಳೆ ಯಾರು ಬರಲ್ಲ ಎಂದು ಹೇಳಿದೆ. ನಂತರ ನಾನು ಒಬ್ಬಳೇ ಇರುತ್ತೇನೆ ಎಂಬ ಕಾರಣಕ್ಕೆ ಕಂಡಕ್ಟರ್ ಮತ್ತು ಡ್ರೈವರ್ ಬಸ್ ನಿಲ್ಲಿಸಿ ಅಲ್ಲೆ ನಿಂತಿದ್ದರು. ಬಳಿಕ ನಾನು ಆಟೋ ಹತ್ತಿ ಹೊರಟೆ, ನಾನು ಸುರಕ್ಷಿತವಾಗಿ ಹೊರಟ ನಂತರ ಅವರು ಅಲ್ಲಿಂದ ಹೊರಟರು” ಅಂತ ಟ್ವೀಟ್ ಮಾಡಿ ಧನ್ಯವಾದವನ್ನು ತಿಳಿಸಿದ್ದಾರೆ.

ಚಾಲಕ ಮತ್ತು ಕಂಡಕ್ಟರ್ ತಮ್ಮ ಕರ್ತವ್ಯವನ್ನಷ್ಟೇ ಮಾಡಿದ್ದರೆ, ಯುವತಿಗಾಗಿ ಕಾಯುವುದು ಅವರ ಕೆಲಸ ಆಗಿರಲಿಲ್ಲ. ಯುವತಿಯನ್ನು ಬಸ್ಸಿಂದ ಇಳಿಸಿ ಸೀದಾ ಹೋಗಬಹುದಿತ್ತು.  ಆದರೆ ಅವರು ಮಾನವೀಯತೆಯ ದೃಷ್ಟಿಯಿಂದ ನಿಂತಿದ್ದರು. ನಿಜಕ್ಕೂ ಡ್ರೈವರ್ ಮತ್ತು ಚಾಲಕನ ಕೆಲಸ ಮೆಚ್ಚುವಂತಹದ್ದು ಎಂದು ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

Click to comment

Leave a Reply

Your email address will not be published. Required fields are marked *