ಅವಲಕ್ಕಿಯನ್ನ ಉಪ್ಪಿಟ್ಟು ಎಂದು ಕನ್‍ಫ್ಯೂಸ್ ಆಗಿ ಟ್ರೋಲ್ ಆದ ನಟಿ ಶಬಾನಾ ಅಜ್ಮಿ

ಮುಂಬೈ: ಹಿರಿಯ ನಟಿ ಶಬಾನಾ ಅಜ್ಮಿ ಇತ್ತೀಚೆಗೆ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಒಂದು ಫೋಟೋವನ್ನು ಪೋಸ್ಟ್ ಮಾಡಿ ಟ್ರೋಲ್‍ಗೆ ಒಳಗಾಗಿದ್ದಾರೆ. ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಪೋಹಾ (ಅವಲಕ್ಕಿ) ಬದಲು ಉಪ್ಮಾ(ಉಪ್ಪಿಟ್ಟು) ಎಂದು ಬರೆದಿದಕ್ಕೆ ಜನರು ಶಬಾನಾ ಅವರಿಗೆ ಕಾಲೆಳೆದಿದ್ದಾರೆ.

ಇತ್ತೀಚೆಗೆ ಶಬಾನಾ ಫ್ಲಾರೇನ್ಸ್‍ನಲ್ಲಿ ಗುಜ್ಜು ಸಮುದಾಯದವರು ಮಾಡಿಕೊಟ್ಟ ಪೋಹಾ (ಅವಲಕ್ಕಿ)ವನ್ನು ತಿಂದು, ಆ ಫೋಟೋವನ್ನು ಟ್ವಿಟ್ಟರ್‍ನಲ್ಲಿ ಪೋಸ್ಟ್ ಮಾಡಿದ್ದರು. ಅದಕ್ಕೆ “ಫ್ಲಾರೆನ್ಸ್‍ನಲ್ಲಿ ಕೇಟ್ಕಿ ತಿಂಡಿಗಾಗಿ ಉಪ್ಮಾ ಮಾಡಿಕೊಟ್ಟರು. ನನಗೆ ಇದು ತುಂಬಾ ಇಷ್ಟವಾಯ್ತು” ಎಂದು ಬರೆದು ಟ್ವಿಟ್ಟರ್‍ನಲ್ಲಿ ಪೋಸ್ಟ್ ಮಾಡಿದ್ದರು.

ಅವಲಕ್ಕಿ ಮತ್ತು ಉಪ್ಪಿಟ್ಟಿನ ಬಗ್ಗೆ ಕನ್‍ಫ್ಯೂಸ್ ಆಗಿದ್ದ ಶಬಾನಾಗೆ ಟ್ವಿಟ್ಟರ್‍ನಲ್ಲಿ ಜನ ನಿಜವಾದ ರುಚಿ ತೋರಿಸಿದ್ರು. ಇಲ್ಲಿದೆ ಕೆಲವು ಟ್ವೀಟ್‍ಗಳು;

Upma cooked by Ketki for breakfast in Florence!Thats what u expect was the demand of the gujju ladies im with.No sirree it was mine Love it???? pic.twitter.com/ISicmbt4Ue

— Azmi Shabana (@AzmiShabana) October 9, 2017