ಬೋಲ್ಡ್ ದೃಶ್ಯಗಳೇ ಸಮಂತಾ ದಾಂಪತ್ಯಕ್ಕೆ ಮುಳುವಾಯ್ತು!

Public TV
2 Min Read
Nagachaitanya Samantha Prabhu 2

ಚೆನ್ನೈ: ಟಾಲಿವುಡ್ ಕ್ಯೂಟ್ ಜೋಡಿ ಸಮಂತಾ ರುತ್ ಪ್ರಭು ಮತ್ತು ನಾಗಚೈತನ್ಯ ಪ್ರೀತಿಸಿ ಮದುವೆಯಾಗಿದ್ದರು. ಅವರನ್ನು ನೋಡಿದ ಎಲ್ಲ ಅಭಿಮಾನಿಗಳು ಸಖತ್ ಜೋಡಿ ಎಂದು ಹೇಳುತ್ತಿದ್ದರು. ಆದರೆ ಈಗ ಇವರಿಬ್ಬರು ಬೇರೆ-ಬೇರೆಯಾಗಿ ಎಲ್ಲರ ಅಚ್ಚರಿಗೆ ಕಾರಣವಾಗಿದೆ. ಇವರ ವಿಚ್ಛೇದನಕ್ಕೆ ಅಭಿಮಾನಿಗಳು ಇನ್ನೂ ಕಾರಣ ಹುಡುಕುತ್ತಿದ್ದು, ಈಗ ಸಮಂತಾ ಅವರ ಬೋಲ್ಡ್ ದೃಶ್ಯಗಳೇ ಇದಕ್ಕೆ ಕಾರಣ ಎಂದು ಮೂಲಗಳ ಪ್ರಕಾರ ತಿಳಿದು ಬರುತ್ತಿದೆ.

Samantha 2

ಸಮಂತಾ ರುತ್ ಪ್ರಭು ಅವರ ಪ್ರಾಜೆಕ್ಟ್‍ಗಳಲ್ಲಿ ಬೋಲ್ಡ್ ದೃಶ್ಯಗಳು ಮತ್ತು ಐಟಂ ಸಾಂಗ್ ಗೆ ಹೆಜ್ಜೆ ಹಾಕಿದ್ದರಿಂದಲೇ ದಾಂಪತ್ಯ ಜೀವನದಲ್ಲಿ ಒಡಕು ಸಂಭವಿಸಿದೆ ಎನ್ನಲಾಗುತ್ತಿದೆ. 2018 ರಲ್ಲಿ ಈ ಜೋಡಿ ಮದುವೆಯಾಗಿದ್ದು, ಕೆಲವೇ ತಿಂಗಳುಗಳ ನಂತರ ಸಮಂತಾ ‘ರಂಗಸ್ಥಳಂ’ ಸಿನಿಮಾದಲ್ಲಿ ರಾಮ್ ಚರಣ್ ಜೊತೆಗಿನ ಲಿಪ್-ಲಾಕ್ ದೃಶ್ಯ ಮಾಡಿದ್ದರು. ಇದಕ್ಕೆ ಅವರು ಹೆಚ್ಚು ಟ್ರೋಲ್ ಸಹ ಆಗಿದ್ದರು. ಇದನ್ನೂ ಓದಿ:  ಐಟಂ ಸಾಂಗ್ ಫುಲ್ ಕ್ಲಿಕ್ -‘ಪುಷ್ಪ’ದಲ್ಲಿ ಸಮಂತಾ ಫುಲ್ ಮಿಂಚಿಂಗ್

samantha

ಇದಲ್ಲದೆ, ‘ದಿ ಫ್ಯಾಮಿಲಿ ಮ್ಯಾನ್ 2’ ವೆಬ್ ಸರಣಿಯಲ್ಲಿ ಸಮಂತಾ ಅವರು ಬೋಲ್ಡ್ ದೃಶ್ಯಗಳಲ್ಲಿ ಅಭಿನಯಿಸಿದ್ದರು. ಈ ಬಗ್ಗೆ ನಾಗಚೈತನ್ಯ ಮಾತ್ರವಲ್ಲ, ಅವರ ಪೋಷಕರು ನಾಗಾರ್ಜುನ ಅಕ್ಕಿನೇನಿ ಮತ್ತು ಇತರರು ಸಹ ಸಮಂತಾ ಸಿನಿಮಾಗಳಲ್ಲಿ ಬೋಲ್ಡ್ ದೃಶ್ಯಗಳು ಮತ್ತು ಐಟಂ ಸಾಂಗ್ ಮಾಡುವುದನ್ನು ಇಷ್ಟಪಡುತ್ತಿರಲಿಲ್ಲ. ‘ದಿ ಫ್ಯಾಮಿಲಿ ಮ್ಯಾನ್ 2’ ನಲ್ಲಿ ಸಮಂತಾ ಅವರ ಲೈಂಗಿಕ ದೃಶ್ಯವನ್ನು ನೋಡಿ ನಾಗಚೈತನ್ಯ ಮತ್ತು ಅವರ ಕುಟುಂಬ ಸಂಪೂರ್ಣವಾಗಿ ಆಘಾತಕ್ಕೊಳಗಾಗಿತ್ತು. ಬೋಲ್ಡ್ ದೃಶ್ಯದ ಬಗ್ಗೆ ನಮಗೆ ಮೊದಲೇ ತಿಳಿಸಿಲ್ಲ ಯಾಕೆ ಎಂದು ಕುಟುಂಬ ಸಮಂತಾ ಅವರನ್ನು ಪ್ರಶ್ನಿಸಿತ್ತು ಎಂದು ವರದಿಯಾಗಿದೆ.

samantha akkineni

ಈ ರೀತಿಯ ದೃಶ್ಯಗಳಿಂದ ಸಾರ್ವಜನಿಕವಾಗಿ ನಮ್ಮ ಕುಟುಂಬದ ಇಮೇಜ್ ಹಾಳಾಗುತ್ತದೆ ಎಂದು ಸಮಂತಾಗೆ ವಿವರಿಸಲಾಗಿತ್ತು. ಆದರೂ ಎರಡು ಕಡೆಯ ಮಾತುಕತೆಗಳು ನಿಂತು ಹೋಗಿದ್ದರಿಂದ ಸಮಂತಾ ಸಂಬಂಧದಿಂದ ಹೊರಬಂದಿದ್ದಾರೆ ಎಂದು ತಿಳಿದುಬಂದಿದೆ. ಇದನ್ನೂ ಓದಿ: ಸರ್ಕಾರದ ಯೋಜನೆಯ ಪ್ರಯೋಜನ ಪಡೆಯಲು ಅಣ್ಣ-ತಂಗಿಯನ್ನೇ ಮದುವೆಯಾದ!

samantha akkineni

ಮದುವೆ ಮುರಿದು ಬಿದ್ದಾಗ ಹೆಣ್ಣನ್ನೆ ಜವಾಬ್ದಾರರನ್ನಾಗಿ ಮಾಡುವುದು ಏಕೆ ಎಂದು ತನ್ನನ್ನು ಟ್ರೋಲ್ ಮಾಡಿದವರ ವಿರುದ್ಧ ವಾಗ್ದಾಳಿ ನಡೆಸಿದ್ದರು.

Share This Article
Leave a Comment

Leave a Reply

Your email address will not be published. Required fields are marked *