ಉಡುಪಿಯ ಕಡಿಯಾಳಿಯಲ್ಲಿ ಸರಣಿ ಅಪಘಾತ- ಪವಾಡ ಸದೃಶವಾಗಿ ವ್ಯಕ್ತಿ ಪಾರು

ಉಡುಪಿ: ಜಿಲ್ಲೆಯ ಕಡಿಯಾಳಿಯಲ್ಲಿ ಸರಣಿ ಅಪಘಾತ ನಡೆದಿದೆ. ವೇಗವಾಗಿ ಬಂದ ಇಕೋ ಕಾರು ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದ ಎರಡು ಕಾರು ಒಂದು ಬೈಕ್‍ಗೆ ಡಿಕ್ಕಿಯಾಗಿದೆ.

ಬೈಕ್ ಹತ್ತಿ ಹೊರಟಿದ್ದ ವ್ಯಕ್ತಿಯ ಮೇಲೆ ಹರಿದು ಬಂದ ಕಾರು ಪಕ್ಕದಲ್ಲೇ ನಿಲ್ಲಿಸಿದ್ದ ಮತ್ತೊಂದು ಕಾರನ್ನು ತಳ್ಳಿ ಬಿಸಾಕಿದೆ. ಏನಾಗುತ್ತಿದೆ ಅಂತ ನೋಡುಷ್ಟರಲ್ಲಿ ಮತ್ತೊಂದು ಕಾರಿಗೆ ಡಿಕ್ಕಿಯಾಗಿದೆ. ಈ ದೃಶ್ಯ ಪಕ್ಕದಲ್ಲಿದ್ದ ಬಿಲ್ಡಿಂಗಿನ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಮಣಿಪಾಲ ಕಡೆಯಿಂದ ಇಕೋ ಕಾರು ವೇಗವಾಗಿ ಉಡುಪಿಗೆ ಬರುತ್ತಿತ್ತು. ಕಡಿಯಾಳಿ ಸಮೀಪ ಕಾರಿನ ಮುಂಭಾಗದ ಟಯರ್ ಪಂಕ್ಚರ್ ಆಗಿದೆ. ವೇಗವಾಗಿ ಬಂದ ಕಾರು ಬಲಭಾಗದಲ್ಲಿದ್ದ ಕಾರು ಒಂದೇ ಬಾರಿಗೆ ಎಡಕ್ಕೆ ತಿರುಗಿದೆ. ಚಾಲಕನ ನಿಯಂತ್ರಣ ತಪ್ಪಿ ಮೂರು ವಾಹನಗಳಿಗೆ ಡಿಕ್ಕಿ ಹೊಡೆದಿದೆ. ಸರಣಿ ಅಪಘಾತ ನಡೆಯುತ್ತಿದ್ದಂತೆ ಕಡಿಯಾಳಿ ಜಂಕ್ಷನ್‍ನಲ್ಲಿ ಸಂಚಾರ ಅಸ್ತವ್ಯಸ್ಥವಾಗಿತ್ತು. ಉಡುಪಿ ನಗರ ಠಾಣಾ ಸಂಚಾರಿ ಪೊಲೀಸರು ಸ್ಥಳಕ್ಕಾಗಮಿಸಿ ಸಂಚಾರ ವ್ಯವಸ್ಥೆ ಸುಗಮಗೊಳಿಸಿದರು.

ಘಟನೆಯಿಂದಾಗಿ ಇಕೋ ಕಾರಿನಲ್ಲಿದ್ದ ಇಬ್ಬರಿಗೆ ಗಾಯವಾಗಿದ್ದು, ಮುಂಭಾಗ ಬೈಕ್ ಹತ್ತಿದ್ದ ವ್ಯಕ್ತಿ ಪವಾಡ ಸದೃಶವಾಗಿ ಪಾರಾಗಿದ್ದಾರೆ. ಕಾರಿನೊಳಗಿದ್ದ ಮಕ್ಕಳು ಕೂಡ ಈ ಅಪಘಾತದಿಂದ ಬೆಚ್ಚಿಬಿದ್ದಿದ್ದಾರೆ ಅಂತಾ ಸ್ಥಳೀಯರು ಹೇಳಿದ್ದಾರೆ.

https://www.youtube.com/watch?v=ah06_ke1x6Y&feature=youtu.be