ಬರೋಬ್ಬರಿ 27 ವರ್ಷಗಳ ನಂತರ `ಬಾರ್ಡರ್’ (Border 2) ಸಿನಿಮಾದ ಸಿಕ್ವೇಲ್‌ಗೆ ಬಾಲಿವುಡ್‌ನಲ್ಲಿ ತಯಾರಾಗುತ್ತಿದೆ. ಸದ್ಯ ಈ ಟೀಂಗೆ ಒಬ್ಬೊಬ್ಬರಾಗಿ ಕಲಾವಿದರು ಸೇರಿಕೊಳ್ತಿದ್ದಾರೆ. ಸನ್ನಿ ಡಿಯೋಲ್, ಆಯುಷ್ಮಾನ್ ಖುರಾನ್ ನಟಿಸ್ತಿರುವ ಮಲ್ಟಿಸ್ಟಾರರ್ ಸಿನಿಮಾಗೆ ವರುಣ್ ಧವನ್ ಎಂಟ್ರಿಯಾಗಿದೆ. ಸನ್ನಿ ಡಿಯೋಲ್ ಜೊತೆ ವರುಣ್ ಧವನ್ ಹಾಗೂ ಆಯುಷ್ಮಾನ್ ಖುರಾನ್ ವಿಶೇಷ ಪಾತ್ರದಲ್ಲಿ ನಟಿಸಲಿದ್ದಾರೆ.
1997ರಲ್ಲಿ ತೆರೆಕಂಡ `ಬಾರ್ಡರ್’ ಚಿತ್ರಕ್ಕೆ ನಿರ್ದೇಶನ ಮಾಡುವುದರ ಜೊತೆಗೆ ನಿರ್ಮಾಣ ಮಾಡಿದ್ದರು ಜೆ.ಪಿ.ದತ್ತ. ಪಾರ್ಟ್-೧ ಸಿನಿಮಾದಲ್ಲಿ ಸನ್ನಿ ಡಿಯೋಲ್, ಸುನೀಲ್ ಶೆಟ್ಟಿ, ಜಾಕಿ ಶ್ರಾಫ್, ಅಕ್ಷಯ್ ಖನ್ನಾ, ಪುನೀತ್ ಇಸ್ಸಾರ್, ಸುದೇಶ್ ಬರ‍್ರಿ ಮುಂತಾದವ್ರು ನಟಿಸಿದ್ದರು. 90ರ ದಶಕದಲ್ಲಿ ಸಖತ್ ಸೌಂಡ್ ಮಾಡಿದ ದೇಶಭಕ್ತಿಯ `ಬಾರ್ಡರ್’ ಸಿನಿಮಾ ಇದೀಗ ಭಾಗ-2 ಬರ್ತಿದೆ. ಅಂದಹಾಗೆ ಈ ಸಿನಿಮಾ 2026ರಲ್ಲಿ ತೆರೆಗೆ ಬರುವ ಸಾಧ್ಯತೆಗಳಿವೆ.
ನಮ್ಮ ದೇಶ ಕಾಯುವ ಸೈನಿಕರು ಗಡಿಯಲ್ಲಿ ದೇಶದ ರಕ್ಷಣೆಗಾಗಿ ಪ್ರಾಣತ್ಯಾಗ ಮಾಡುವ `ಬಾರ್ಡರ್’ ಸಿನಿಮಾ ಜನಮಾನಸದಲ್ಲಿ ಅಚ್ಚಳಿಯದೇ ಉಳಿದಿದೆ. `ಬಾರ್ಡರ್’ ಪಾರ್ಟ್-2 ಸಿನಿಮಾ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಭಾರೀ ಮೊತ್ತದಲ್ಲಿ ತಯಾರಾಗೋಕೆ ಸಿದ್ಧತೆ ಮಾಡಿಕೊಂಡಿದ್ದು, ವರುಣ್ ಧವನ್‌ಗೆ ಭರ್ಜರಿ ಸ್ವಾಗತ ಮಾಡಿದೆ `ಬಾರ್ಡರ್-2′ ಚಿತ್ರತಂಡ.
