ಬೆಳಗಾವಿ: ಬೆಳಗಾವಿ ಜಿಲ್ಲೆಯ ಸವದತ್ತಿ ಯಲ್ಲಮ್ಮ ದೇವಿ ಹುಂಡಿಯಲ್ಲಿ ಚಿನ್ನ, ಬೆಳ್ಳಿ ಸೇರಿ ಒಂದು ಕೋಟಿ ನಲವತ್ತಾರು ಲಕ್ಷ ರೂ.ಗಿಂತಲೂ ಹೆಚ್ಚು ಹಣ ಸಂಗ್ರಹವಾಗಿದೆ.
ಫೆಬ್ರವರಿ 1 ರಿಂದ ಮಾರ್ಚ್ 15ರ ಅವಧಿಯಲ್ಲಿ ದಾಖಲೆಯ ಕಾಣಿಕೆ ಸಂಗ್ರಹವಾಗಿದೆ. ನಾಲ್ಕು ದಿನದ ಹುಂಡಿ ಎಣಿಕೆಯಲ್ಲಿ 1,30,96,190 ಹಣ, 12,45,610 ಬಂಗಾರ ಮತ್ತು 3,08,895 ರೂ ಬೆಳ್ಳಿ ಸೇರಿ ಒಟ್ಟು 1,46,50,695 ಹಣ ಸಂಗ್ರಹವಾಗಿದೆ. ಅಲ್ಲದೇ ಹಣ, ಚಿನ್ನಾಭರಣ ಜೊತೆ ಚಿತ್ರ ವಿಚಿತ್ರ ಹರಕೆ ಚೀಟಿಗಳು ಪತ್ತೆಯಾಗಿವೆ. ಇದನ್ನೂ ಓದಿ: ಮನೆ ಮುಂದೆ ಬುಲ್ಡೋಜರ್ ಪ್ರತ್ಯಕ್ಷ – ಪರಾರಿಯಾಗಿದ್ದ ಯುಪಿ ರೇಪ್ ಆರೋಪಿ ಶರಣು
ನನ್ನ ಮಗಳಿಗೆ ನಮಗಿಂತ ನೂರು ಪಟ್ಟು ಅಧಿಕ ಆಸ್ತಿ ಇರುವ ಯುವಕನ ಜೊತೆ ಕಲ್ಯಾಣ ಪ್ರಾಪ್ತಗೊಳಿಸು ಎಂದು ಭಕ್ತರು ಹಣದ ಜೊತೆ ಹರಕೆ ಚೀಟಿ ಹಾಕಿದ್ದಾರೆ. ಮತ್ತೋರ್ವ ಮಹಿಳೆ ತಾಯಿ ಯಲ್ಲಮ್ಮ ನನ್ನ ಗಂಡನ ಕುಡಿತದ ಚಟ ಬಿಡಿಸು, ಕುಡುಕರ ಜೊತೆ ನನ್ನ ಗಂಡ ಸ್ನೇಹ ಮಾಡದಂತೆ ನೋಡಿಕೋ ಎಂದು ಬೇಡಿಕೊಂಡಿದ್ದಾಳೆ. ಮಾರ್ಚ್ 28, 29 ರಂದು ಎರಡು ದಿನಗಳ ಕಾಲ ಸವದತ್ತಿ ಯಲ್ಲಮ್ಮ ದೇವಿ ದೇವಸ್ಥಾನದ ಹುಂಡಿ ಎಣಿಕೆ ಕಾರ್ಯ ಮುಂದುವರೆಯಲಿದೆ. ಇದನ್ನೂ ಓದಿ: ಮಾತುಬಾರದ ಬಾಲಕನ ಕೊಂದು ಗೋಣಿ ಚೀಲದಲ್ಲಿ ತುಂಬಿ ಎಸೆದ್ರು
