ಕೊಹ್ಲಿಯಂತೆ ವರುಣ್ ಧವನ್ ಹೇರ್ ಸ್ಟೈಲ್!

ಮುಂಬೈ: ಬಾಲಿವುಡ್‍ನ ಗುಳಿಕೆನ್ನೆ ಹುಡುಗ ವರುಣ್ ಧವನ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಹಾಗೆ ಹೇರ್ ಸ್ಟೈಲ್ ಮಾಡಿಸಿಕೊಂಡಿದ್ದಾರೆ.

ವರುಣ್ ತಮ್ಮ ಮುಂಬರುವ `ಬದ್ರಿನಾಥ್ ಕಿ ದುಲ್ಹನಿಯಾ’ ಚಿತ್ರದಲ್ಲಿ ಕೊಹ್ಲಿ ಹಾಗೆ ಕೂಲ್ ಬಾಯ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಫೋಟೋ ಒಂದನ್ನು ವರುಣ್ ಟ್ವೀಟ್ ಮಾಡಿದ್ದಾರೆ. ಫೋಟೋದಲ್ಲಿ ಕೊಹ್ಲಿ ಮತ್ತು ವರುಣ್ ಹೇರ್ ಸ್ಟೈಲ್ ಇಬ್ಬರದು ಒಂದೇ ತೆರನಾಗಿ ಕಾಣಿಸಿದೆ.

ನನ್ನು ಮುಂದಿನ ಚಿತ್ರ ಕೊಹ್ಲಿ ಅಭಿಮಾನಿಗಳಿಗೋಸ್ಕರ ನಿರ್ಮಾಣವಾಗುತ್ತಿದೆ. ಕೊಹ್ಲಿ ಅವರೇ ಸ್ವತಃ ಬಂದು ನನ್ನ ಹೇರ್ ಸ್ಟೈಲ್ ಬದಲಾಯಿಸಲು ಸಹಾಯ ಮಾಡಿದ್ದಾರೆ. ಇಂದು ಕೊಹ್ಲಿ ರಾಷ್ಟ್ರೀಯ ಕ್ರಿಕೆಟ್ ತಂಡ ನಾಯಕನಾದರೂ ಅವರು ತುಂಬಾ ಸಹೃದಯಿ ಆಗಿದ್ದಾರೆ. ನಾಲ್ಕು ವರ್ಷಗಳ ಹಿಂದೆ ಇದ್ದ ಕೊಹ್ಲಿ ಇಂದಿಗೂ ಹಾಗೆ ಇದ್ದಾರೆ ಎಂದು ವರುಣ್ ಧವನ್ ಟ್ವೀಟ್ ಮಾಡಿದ್ದಾರೆ.

ಬದ್ರಿನಾಥ್ ಕಿ ದುಲ್ಹನಿಯಾ ಚಿತ್ರದಲ್ಲಿ ವರುಣ್ ದವನ್‍ಗೆ ನಾಯಕಿಯಾಗಿ ಡಿಯರ್ ಜಿಂದಗಿ ಹುಡುಗಿ ಆಲಿಯಾ ಭಟ್ ಕಾಣಿಸಿಕೊಳ್ಳಿಲಿದ್ದಾರೆ. ಈ ಮೊದಲು ಇದೇ ಜೋಡಿ `ಹಮ್ಟಿ ಶರ್ಮಾ ಕಿ ದುಲ್ಹನಿಯಾ’ದಲ್ಲಿ ನಟಿಸಿದ್ದರು. ವರುಣ್ ಧವನ್‍ರ ಬದ್ರಿನಾಥ್ ಕಿ ದುಲ್ಹನಿಯಾ ಇದೇ ತಿಂಗಳು 10 ರಂದು ತೆರೆಕಾಣಲಿದೆ.