ಚಿರಂಜೀವಿ ಜೊತೆ ನಟಿಸುವ ಬಂಪರ್ ಅವಕಾಶ ಕಳೆದುಕೊಂಡ ಸಮಂತಾ

ಸಮಂತಾ (Samantha) ಕೆಲವೇ ಕೆಲವು ತಿಂಗಳ ಹಿಂದೆ ಈ ಮಹಾ ನಿರ್ಧಾರ ಕೈಗೊಂಡಿದ್ದಾರೆ ಆ ದಿವ್ಯ ಅವಕಾಶ ತಪ್ಪಿಸಿಕೊಳ್ಳುತ್ತಿರಲಿಲ್ಲ. ಆ ಹುಡುಗಿಯ ಕಮ್‌ಬ್ಯಾಕ್ ಅದ್ದೂರಿಯಾಗಿರುತ್ತಿತ್ತು. ಆದರೆ ಸಮಯ ಕಾಯಬೇಕಲ್ವಾ? ಸಮಂತಾ ಇಷ್ಟೇ ಇಷ್ಟು ಅಂತರದಲ್ಲಿ ಮೆಗಾಸ್ಟಾರ್ ಚಿರಂಜೀವಿ (Megastar Chiranjeevi) ಜೊತೆ ಅಭಿನಯಿಸುವ, ಅದೂ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ಜಂಟಿಯಾಗುವ ಅದೃಷ್ಟ ಕಳೆದುಕೊಂಡಿದ್ದಾರೆ. ಅದ್ಯಾವ ನಿರ್ಧಾರ ಸಮಂತಾ ಹಾದಿ ತಪ್ಪಿಸಿತು? ಚಿರು ಮತ್ತೆ ಇವರನ್ನು ಕರೆಯದಿರಲು ಕಾರಣವೇನು? ಇಲ್ಲಿದೆ ಅಸಲಿ ಸಂಗತಿ.

ಸಮಂತಾ ಕಳೆದ ಒಂದು ವರ್ಷದಿಂದ ನಾಪತ್ತೆಯಾಗಿದ್ದಾರೆ. ಅಫ್‌ಕೋರ್ಸ್ ಎಲ್ಲ ಕಡೆ ಕಾಣಿಸಿಕೊಂಡಿದ್ದಾರೆ. ಆದರೆ ಬಣ್ಣದ ಲೋಕದಿಂದ ಮಾತ್ರ ಮರೆಯಾಗಿದ್ದಾರೆ. ಅದಕ್ಕೆ ಕಾರಣ ಮಯೋಸೀಟೀಸ್ ಖಾಯಿಲೆ. ಈ ಖಾಯಿಲೆಯಿಂದ ಅನಿವಾರ್ಯವಾಗಿ ಸಿನಿಮಾದಿಂದ ದೂರ ದೂರ. ಚಿಕಿತ್ಸೆ ಪಡೆದರು. ಒಂದೇ ಮಾತಿನಲ್ಲಿ ಹೇಳಬೇಕೆಂದರೆ ಕೋಟಿ ಕೋಟಿ ಹಣ ಇದ್ದರೂ ಆರೋಗ್ಯ ಕೈ ಕೊಟ್ಟರೆ ಏನಾಗುತ್ತದೋ ಅದೇ ನೋವು ತಿಂದರು. ಈಗ ಮತ್ತೆ ಕಮ್ ಬ್ಯಾಕ್ ಬಗ್ಗೆ ಸಿಹಿಸುದ್ದಿ ಕೊಟ್ಟಿದ್ದಾರೆ. ಇದನ್ನೇ ಎರಡು ತಿಂಗಳ ಹಿಂದೆ ಹೇಳಿದ್ದರೆ ಮೆಗಾಸ್ಟಾರ್ ಚಿರಂಜೀವಿ ಜೊತೆ ಮೊದಲ ಬಾರಿಗೆ ಬೆಳ್ಳಿತೆರೆ ಮೇಲೆ ಮೆರವಣಿಗೆ ಹೊರಡುತ್ತಿದ್ದರು. ಆದರೆ ಅದೃಷ್ಟ ಕೈಹಿಡಿಯಲಿಲ್ಲ.

ಮೆಗಾಸ್ಟಾರ್ ಚಿರಂಜೀವಿ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅದೇ ಫ್ಯಾಂಟಸಿ ಕತೆಯ ವಿಶ್ವಂಭರ ಸಿನಿಮಾ. ಕೋಟಿ ಕೋಟಿ ಸುರಿಯುತ್ತಿದ್ದಾರೆ. ನಾಯಕಿಯಾಗಿ ಮೊದಲು ಸಮಂತಾರನ್ನು ಆಯ್ಕೆ ಮಾಡಲಾಗಿತ್ತು. ಆದರೆ ಆಗಿನ್ನೂ ಚೇತರಿಸಿಕೊಳ್ಳುತ್ತಿದ್ದ ಸಮಂತಾ ನೋ ಎಂದರು. ನಂತರ ಅನುಷ್ಕಾ ಶೆಟ್ಟಿ ನೋ ಎಂದರು. ಕೊನೆಗೆ ತ್ರಿಶಾ ಜೊತೆ ಡೇಟ್ ಪಕ್ಕಾ ಮಾಡಿಕೊಳ್ಳಲಾಯಿತು. ಇದನ್ನೂ ಓದಿ:‘ಸೂರರೈ ಪೋಟ್ರು’ ರಿಮೇಕ್‌ನಲ್ಲಿ ಅಕ್ಷಯ್ ಕುಮಾರ್- ಜು.12ಕ್ಕೆ ಚಿತ್ರ ರಿಲೀಸ್

ಗಾಡಿ ಇನ್ನೇನು ಹೊರಡಲು ಸಜ್ಜಾಗಿದೆ. ಹೀರೋ- ಹೀರೋಯಿನ್ ಸೀಟಿನಲ್ಲಿ ಕುಳಿತಿದ್ದಾರೆ. ಈ ಸಮಯದಲ್ಲಿ ಸಮಂತಾ ನಾನೂ ಬರುತ್ತೀನಿ ಎನ್ನಲಾಗುತ್ತಾ? ಸಾರಿ ಎಂದು ಟಾಟಾ ಮಾಡುತ್ತಾರೆ ಒಳಗಿದ್ದವರು. ಅದೇ ಸ್ಯಾಮ್‌ಗೂ ಆಗಿದೆ. ಕೆಲವು ನಿರ್ಧಾರ ಸಮಯಕ್ಕೆ ಸರಿಯಾಗಿ ಮಾಡಬೇಕು. ಇಲ್ಲದಿದ್ದರೆ ನೋ ಎಂಟ್ರಿ. ಮುಂದಿನ ದಿನಗಳಲ್ಲಿ ಸಮಂತಾಗೆ ಮತ್ತೆ ಚಿರಂಜೀವಿ ಜೊತೆ ನಟಿಸುವ ಅವಕಾಶ ಸಿಗುತ್ತಾ? ಕಾಯಬೇಕಿದೆ.

ವಿವಾದ, ಅನಾರೋಗ್ಯ, ಯಶಸ್ಸು ಎಲ್ಲವೂ ಅನುಭವಿಸಿರುವ ಜೀವ ಸಮಂತಾ. ನಾಗಚೈತನ್ಯ ಜೊತೆಗಿನ ದಾಂಪತ್ಯಕ್ಕೆ ಅಂತ್ಯ ಹಾಡಿದ ಮೇಲೆ ಸಮಂತಾ ಸಾಕಷ್ಟು ಟೀಕೆಗಳಿಗೆ ಗುರಿಯಾಗಿದ್ದರು. ಎಲ್ಲಾ ವಿಚಾರಕ್ಕೂ ಸಮಂತಾ ಕಡೆಯೇ ಬೆಟ್ಟು ಮಾಡಿ ತೋರಿಸುತ್ತಿದ್ದರು. ಸಹವಾಸವೇ ಬೇಡ ಅಂತ ವೃತ್ತಿರಂಗದಲ್ಲಿ ಬ್ಯುಸಿಯಾದರು. ‘ಪುಷ್ಪ’ ಚಿತ್ರದಲ್ಲಿ ಸೊಂಟ ಬಳುಕಿಸಿದ ಮೇಲೆ ಸಮಂತಾ ಲಕ್ ಬದಲಾಯ್ತು.

ಆದರೆ ‘ಯಶೋದ’ ಮತ್ತು ‘ಖುಷಿ’ ಸಿನಿಮಾ ಆದ್ಮೇಲೆ ಬಿಗ್ ಸ್ಕ್ರೀನ್ ಮೇಲೆ ಕಾಣಿಸಿಕೊಂಡಿರಲಿಲ್ಲ. ಎರಡೂ ಹೀನಾಯವಾಗಿ ಸೋತ ಚಿತ್ರಗಳು. ಸೋಲಿನ ಹೊಡೆತಕ್ಕೆ ಅನಾರೋಗ್ಯದ ಆಘಾತ ಎರಡನ್ನೂ ಸಹಿಕೊಳ್ಳೋಕೆ ಸ್ಯಾಮ್‌ಗೆ 6 ತಿಂಗಳು ಹಿಡಿಯಿತು. ಇದೀಗ ಮತ್ತೆ ಕೆಲಸಕ್ಕೆ ಮರಳಿದ್ದಾರೆ. ಇದನ್ನೂ ಓದಿ:‘ಸಾರಾಂಶ’ದ ಪಾತ್ರದಲ್ಲಿ ತನ್ನೊಳಗೆ ತಾನೇ ಆವರಿಸಿಕೊಂಡ ನಟಿ ಶ್ರುತಿ

ಸದ್ಯ ಸಮಂತಾಗೆ ಟಾಲಿವುಡ್ (Tollywood) ಮಾತ್ರವಲ್ಲ ಬಾಲಿವುಡ್‌ನಿಂದಲೂ ಬಂಪರ್ ಅವಕಾಶಗಳು ಅರಸಿ ಬರುತ್ತಿವೆ. ಹಾಗಾಗಿ ಸಮಂತಾ ಸಿನಿಮಾ ಮತ್ತು ಲುಕ್ ಹೇಗಿರಲಿದೆ ಎಂಬ ಚರ್ಚೆ ಕೂಡ ನಡೆದಿದೆ. ಹೊಸ ಕೆಲಸ ಅವರನ್ನು ಕೈ ಹಿಡಿಯಲಿ ಎನ್ನುತ್ತಿದ್ದಾರೆ ಸ್ಯಾಮ್ ಫ್ಯಾನ್ಸ್.