ಕನ್ನಡಿಗ ಪ್ರಶಾಂತ್ ನೀಲ್ ನಿರ್ದೇಶನದ ಸಲಾರ್ ಸಿನಿಮಾದ ಶೂಟಿಂಗ್ ಮತ್ತೆ ಶುರುವಾಗಿದೆ. ಮಳೆ ಮತ್ತು ಇತರ ಕಾರಣಗಳಿಂದಾಗಿ ಒಂದು ವಾರಗಳ ಕಾಲ ಶೂಟಿಂಗ್ ನಿಂದ ಬಿಡುಗಡೆ ಪಡೆದುಕೊಂಡಿದ್ದ ಚಿತ್ರತಂಡ ಮತ್ತೆ ಈಗ ಚಿತ್ರೀಕರಣವನ್ನು ಆರಂಭಿಸಿದೆ. ಈ ಬಾರಿ ಆಕ್ಷನ್ ದೃಶ್ಯವೊಂದನ್ನು ಸೆರೆ ಹಿಡಿಯಲು ನಿರ್ದೇಶಕ ಪ್ರಶಾಂತ್ ನೀಲ್ ಪ್ಲ್ಯಾನ್ ಮಾಡಿದ್ದಾರೆ ಎನ್ನಲಾಗುತ್ತಿದೆ.
ಸಲಾರ್ ಸಿನಿಮಾದ ಬಹುತೇಕ ಶೂಟಿಂಗ್ ಮುಗಿಯುತ್ತಿದ್ದು, ಇದೀಗ ಸಾಹಸ ಸನ್ನಿವೇಶವನ್ನು ಚಿತ್ರೀಕರಣ ಮಾಡುತ್ತಿದ್ದಾರಂತೆ. ಇದೊಂದು ಪ್ರಮುಖ ಆಕ್ಷನ್ ಸನ್ನಿವೇಶ ಎನ್ನಲಾಗುತ್ತಿದೆ. ಈ ದೃಶ್ಯಕ್ಕಾಗಿ ಪ್ರಭಾಸ್ ಕೂಡ ಭರ್ಜರಿ ತಾಲೀಮು ಕೂಡ ನಡೆಸಿದ್ದಾರೆ ಎನ್ನಲಾಗುತ್ತಿದೆ. ಪಕ್ಕಾ ತಯಾರಿಯೊಂದಿಗೆ ಪ್ರಭಾಸ್ ಕ್ಯಾಮೆರಾ ಮುಂದೆ ನಿಂತಿದ್ದಾರೆ. ನಿನ್ನೆಯಿಂದ ಈ ಸನ್ನಿವೇಶವನ್ನು ಶೂಟ್ ಮಾಡುತ್ತಿದ್ದಾರಂತೆ ಪ್ರಶಾಂತ್ ನೀಲ್. ಇದನ್ನೂ ಓದಿ:ಸ್ಟಾರ್ ನಟನ ಜೊತೆ ಮದುವೆಯಾಗಲಿದ್ದಾರಾ ‘ಮೈನಾ’ ಹುಡುಗಿ ನಿತ್ಯಾ ಮೆನನ್?
ಪ್ರಶಾಂತ್ ನೀಲ್ ಅವರಿಗೆ ಇನ್ನೂ ಎರಡು ಚಿತ್ರಗಳ ಒತ್ತಡವಿರುವುದರಿಂದ ಈ ಸಿನಿಮಾವನ್ನು ಅಂದುಕೊಂಡ ವೇಳೆಗೆ ಮುಗಿಸಲೇಬೇಕಾಗಿದೆಯಂತೆ. ಹಾಗಾಗಿ ಪಕ್ಕಾ ಪ್ಲ್ಯಾನ್ ನೊಂದಿಗೆ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದಾರಂತೆ. ಈ ಸಿನಿಮಾ ಮುಗಿಯುತ್ತಿದ್ದಂತೆಯೇ ಕೆಜಿಎಫ್ 3 ಮಾಡುವ ಪ್ಲ್ಯಾನ್ ಕೂಡ ಇದೆಯಂತೆ. ಆದರೆ, ಈ ನಡುವೆ ಜ್ಯೂನಿಯರ್ ಎನ್.ಟಿ. ಆರ್ ಗೂ ಸಿನಿಮಾ ಮಾಡಲು ಅವರು ಹೊರಟಿದ್ದಾರೆ. ಹಾಗಾಗಿ ಎರಡು ಸಿನಿಮಾದಲ್ಲಿ ಒಂದನ್ನು ಮುಂದಿನ ವರ್ಷ ಕೈಗೆತ್ತಿಕೊಳ್ಳುವ ಅನಿವಾರ್ಯತೆ ಅವರದ್ದು.
Live Tv
[brid partner=56869869 player=32851 video=960834 autoplay=true]
