Connect with us

Bollywood

ರಣ್‍ವೀರ್ ದೀಪಿಕಾರನ್ನು ಮದ್ವೆ ಆಗಿಲ್ಲ: ಸೈಫ್ ಪುತ್ರಿ ಸಾರಾ

Published

on

ಮುಂಬೈ: ನವೆಂಬರ್ 14ರಂದು ಇಟಲಿಯಲ್ಲಿ ಆಪ್ತ ಬಂಧುಗಳ ಸಮ್ಮುಖದಲ್ಲಿ ಮದುವೆ ಆಗಿದ್ದಾರೆ. ಮದುವೆ ಬಳಿಕ ರಣ್‍ವೀರ್ ತಮ್ಮ ಮುಂಬರುವ ಸಿಂಬಾ ಸಿನಿಮಾ ಪ್ರಚಾರದಲ್ಲಿ ಚಿತ್ರತಂಡದೊಂದಿಗೆ ಬ್ಯುಸಿಯಾಗಿದ್ದಾರೆ. ಇಂದು ನಡೆದ ಸಿನಿಮಾ ಪ್ರಚಾರದಲ್ಲಿ ಭಾಗಿಯಾಗಿದ್ದ ಸಿಂಬಾ ನಾಯಕಿ ಸಾರಾ ಅಲಿಖಾನ್, ರಣ್‍ವೀರ್ ಸರ್ ದೀಪಿಕಾರನ್ನು ಮದುವೆ ಆಗಿಲ್ಲ. ಸಿಂಹಿಣಿಯನ್ನು ಮದುವೆ ಆಗಿದ್ದಾರೆ. ಹುಷಾರ್ ಸರ್ ಎಂದು ಹೇಳುವ ಮೂಲಕ ಕಾಲೆಳೆದಿದ್ದಾರೆ.

ಈಗಾಗಲೇ ರಣ್‍ವೀರ್ ಅವರನ್ನು ಮದುವೆ ಎಂಬ ಬಂಧನದಲ್ಲಿ ಎನ್‍ಕೌಂಟರ್ ಮಾಡಲಾಗಿದೆ. ನನ್ನ ಕಡೆಯಿಂದಲೂ ದೀಪಿಕಾ ಮತ್ತು ರಣ್‍ವೀರ್ ಸಿಂಗ್ ಅವರಿಗೆ ಮದುವೆ ಶುಭಾಶಯಗಳು ಎಂದು ಮಾಧ್ಯಮಗಳ ಮುಂದೆ ಹೇಳಿದ್ದಾರೆ. ಇದನ್ನೂ ಓದಿ: ಮಗಳ ಎದುರೇ ಪತ್ನಿ ಜೊತೆಗಿನ ಸೆಕ್ಸ್ ಲೈಫ್ ರಿವೀಲ್ ಮಾಡಿದ ಸೈಫ್!

ರೋಹಿತ್ ಶೆಟ್ಟಿ ಆ್ಯಕ್ಷನ್ ಸಿನಿಮಾಗಳ ಕಿಂಗ್. ಶೂಟಿಂಗ್ ಸೆಟ್ ನಲ್ಲಿ ಪ್ರತಿಯೊಬ್ಬರೊಂದಿಗೆ ರೋಹಿತ್ ಸರ್ ತುಂಬಾ ಲವಲವಿಕೆಯಿಂದ ಇರುತ್ತಿದ್ದರು. ಇದೂವರೆಗೆ ನಾನು ಇಂತಹ ಒಳ್ಳೆಯ ವ್ಯಕ್ತಿಯನ್ನು ನೋಡಿಲ್ಲ. ಇಡೀ ಚಿತ್ರತಂಡವನ್ನು ತಮ್ಮ ಮಾತುಗಳಿಂದಲೇ ಎಲ್ಲರನ್ನು ಸೆಳೆಯುತ್ತಾರೆ. ಹೀಗಾಗಿ ರೋಹಿತ್ ಅವರ ಸಿನಿಮಾಗಳು ಯಶಸ್ವಿಯಾಗುತ್ತವೆ. ಇಂದು ನಾನು ಸಿಂಬಾ ಚಿತ್ರದ ಒಂದು ಭಾಗವಾಗಿದ್ದಕ್ಕೆ ಹೆಮ್ಮೆ ಅನ್ನಿಸುತ್ತದೆ ಎಂದು ಸಾರಾ ನಿರ್ದೇಶಕರನ್ನು ಹೊಗಳಿದರು.

ರೋಹಿತ್ ಶೆಟ್ಟಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಸಿಂಬಾ ಚಿತ್ರಕ್ಕೆ ಕರಣ್ ಜೋಹರ್, ಅಪೂರ್ವ ಮೆಹ್ತಾ, ಹೀರೂ ಯಶ್ ಜೋಹರ್ ಬಂಡವಾಳ ಹಾಕಿದ್ದಾರೆ. ರಣ್‍ವೀರ್ ಸಿಂಗ್, ಸಾರಾ ಅಲಿಖಾನ್ ಮತ್ತು ಸೂನು ಸೂದ್ ಲೀಡ್ ರೋಲ್ ನಲ್ಲಿ ನಟಿಸಿದ್ದಾರೆ. ಚಿತ್ರ ಇದೇ ತಿಂಗಳು 28ರಂದು ಬಿಡುಗಡೆ ಆಗಲಿದೆ.

https://www.youtube.com/watch?v=V1OnAADB8hY

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Click to comment

Leave a Reply

Your email address will not be published. Required fields are marked *