ಬಹುಭಾಷಾ ನಟಿಯಾಗಿ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿರೋ ಸಾಯಿ ಪಲ್ಲವಿ `ಗಾರ್ಗಿ’ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಡ್ತಿದ್ದಾರೆ. `ಗಾರ್ಗಿ’ ಚಿತ್ರಕ್ಕೆ ಕನ್ನಡದಲ್ಲಿ ಸಾಯಿ ಪಲ್ಲವಿ ಧ್ವನಿ ನೀಡಿದ್ದಾರೆ. ಇನ್ನು ಸಾಯಿ ಪಲ್ಲವಿ ಕನ್ನಡ ಕಲಿಯಲು ನಟಿ ಶೀತಲ್ ಶೆಟ್ಟಿ ಸಾಥ್ ನೀಡಿದ್ದಾರೆ.
Advertisement
ಸಾಯಿ ಪಲ್ಲವಿ ನಟನೆಯ ಬಹುನಿರೀಕ್ಷಿತ `ಗಾರ್ಗಿ’ ಸಿನಿಮಾಗೆ ಗೌತಮ್ ರಾಮಚಂದ್ರನ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಈ ಚಿತ್ರದ ಮೂಲಕ ಸಾಯಿಪಲ್ಲವಿ ಕನ್ನಡ ಸಿನಿಮಾರಂಗಕ್ಕೂ ಪಾದಾರ್ಪಣೆ ಮಾಡ್ತಿದ್ದಾರೆ. ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿ, ಸಾಮಾಜಿಕ ಜಾಲತಾಣದಲ್ಲಿ ಕಮಾಲ್ ಮಾಡುತ್ತಿದೆ. `ಗಾರ್ಗಿ’ ಚಿತ್ರಕ್ಕಾಗಿ ತಮ್ಮ ಪಾತ್ರಕ್ಕೆ ಸಾಯಿ ಪಲ್ಲವಿ ಅವರೇ 5 ದಿನಗಳಲ್ಲಿ ಕನ್ನಡ ಕಲಿತು ಡಬ್ ಮಾಡಿದ್ದಾರೆ. ನಟಿಯ ಕನ್ನಡ ಕಲಿಕೆಗೆ ಶೀತಲ್ ಶೆಟ್ಟಿ ಕೈ ಜೋಡಿಸಿದ್ದಾರೆ.
Advertisement
Advertisement
`ಗಾರ್ಗಿ’ ಚಿತ್ರ ತೆಲುಗು, ತಮಿಳು, ಮಲಯಾಳಂ ಜತೆ ಕನ್ನಡದಲ್ಲೂ ತೆರೆ ಕಾಣುತ್ತಿದೆ. ಈ ಚಿತ್ರದ ಕನ್ನಡ ಡಬ್ಬಿಂಗ್‌ಗಾಗಿ ನಟಿ ಸಾಯಿ ಪಲ್ಲವಿ ಬೆಂಗಳೂರಿಗೆ ಬಂದಿದ್ರು. ನಿಷ್ಠೆಯಿಂದ ಕನ್ನಡ ಕಲಿತು `ಗಾರ್ಗಿ’ಗೆ ಸ್ವತಃ ಫಿದಾ ನಟಿ ಡಬ್ಬಿಂಗ್ ಮಾಡಿದ್ದಾರೆ. ಕನ್ನಡ ಹಿರಿಯ ನಿರ್ದೇಶಕ ಎಆರ್ ಬಾಬು ಅವರ ಪುತ್ರ ಎಆರ್ ಶಾನ್ ತಮಿಳು ಅವತರಣಿಕೆಯನ್ನ ಕನ್ನಡಕ್ಕೆ ಭಾಷಾಂತರ ಮಾಡಿದ್ರು. ಶೀತಲ್ ಶೆಟ್ಟಿ ಅವರ `ಶೀ ಟೈಲ್ಸ್’ ಡಬ್ಬಿಂಗ್ ಸ್ಟುಡಿಯೋದಲ್ಲಿ ಸಾಯಿ ಪಲ್ಲವಿ ಕನ್ನಡ ಅವತರಣಿಕೆಯಲ್ಲಿ ಡಬ್ಬಿಂಗ್ ಮಾಡಿದ್ದಾರೆ. ಮೊದಲ ಪ್ರಾಜೆಕ್ಟ್ ಸಾಯಿ ಪಲ್ಲವಿ ಜತೆ ಕೆಲಸ ಮಾಡಿದ ಕುರಿತು ಶೀತಲ್ ಶೆಟ್ಟಿ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಖುಷಿಯಿಂದ ಬರೆದುಕೊಂಡಿದ್ದಾರೆ. ಇದನ್ನೂ ಓದಿ: ಟಗರು-2ನಲ್ಲಿ ಶಿವಣ್ಣನ ಜತೆ ನಟಿಸಬೇಕಿತ್ತು ಅಪ್ಪು!
Advertisement
View this post on Instagram
`ಗಾರ್ಗಿ’ ಎನ್ನುವ ತಮಿಳು ಸಿನಿಮಾ ಶೀಟೈಲ್ಸ್ ಸ್ಟುಡಿಯೋಗೆ ಭಾಷಾನುವಾದ ಹಾಗೂ ಧ್ವನಿ ಮರುಲೇಪನಕ್ಕೆ ಬಂದಾಗ, ನಮಗೆ ಹೆಮ್ಮೆ ಜೊತೆಗೆ ಭಯ, ದುಗುಡ, ಸಾಯಿ ಪಲ್ಲವಿ ಎನ್ನುವ ಬೃಹತ್ ಕಲಾವಿದೆಯ ಅಭಿಮಾನ ಎಲ್ಲವೂ ಜೊತೆಗೆ ಸೇರಿ ಬಂದಿತ್ತು. ಆದರೆ ಸಾಯಿ ಪಲ್ಲವಿ ಅವ್ರಿಗೆ ಕನ್ನಡ ಹೇಳಿಕೊಟ್ಟಿದ್ದು ಒಂದು ಪುಟ್ಟ ಮಗುವಿಗೆ ತುತ್ತನ್ನಿಟ್ಟು ಕನ್ನಡ ಕಲಿಸಿದಂತೆ ಆಯ್ತು. ನಮ್ಮ ಸ್ಟೂಡಿಯೋಗೆ ಬಂದು, ನಮ್ಮ ಕನ್ನಡ ಭಾಷೆಯನ್ನು ಸಂಕೋಚವಿಲ್ಲದೆ ಕಲಿತು, ಸುಲಲಿತವಾಗಿ ತಮ್ಮ ಸಿನಿಮಾಗೆ, ಭಾಷೆಗೆ ತಕ್ಕ ಭಾವ ತುಂಬಿಸಿ ಈಗ ನಮ್ಮವರು ಹೆಮ್ಮೆ ಪಡುವಂತಹ ಕನ್ನಡತಿಯಾಗಿದ್ದೀರಿ. ನಿಮಗೆ ತುಂಬು ಹೃದಯದ ಧನ್ಯವಾದಗಳು. ಈ ಅವಕಾಶಕ್ಕೆ ಮುಖ್ಯ ಕಾರಣರಾದ `ಗಾರ್ಗಿ’ ಸಿನಿಮಾದ ನಿರ್ದೇಶಕ ಗೌತಮ್ ರಾಮಚಂದ್ರನ್ ಮತ್ತು ನಟ ರಕ್ಷಿತ್ ಶೆಟ್ಟಿಗೆ ಶೀತಲ್ ಧನ್ಯವಾದ ತಿಳಿಸಿದ್ದಾರೆ.
View this post on Instagram
ಸಾಯಿ ಪಲ್ಲವಿ ಬೆಂಗಳೂರಿಗೆ ಬಂದು ಶೀತಲ್ ಶೆಟ್ಟಿ ಮತ್ತು ಟೀಮ್‌ನೊಂದಿಗೆ 5 ದಿನಗಳಲ್ಲಿ ಕನ್ನಡ ಕಲಿತು ನಿಷ್ಠೆಯಿಂದ ತಮ್ಮ ಪಾತ್ರಕ್ಕೆ ಡಬ್ ಮಾಡಿದ್ದಾರೆ. ದಕ್ಷಿಣ ಭಾರತದ ಸ್ಟಾರ್ ನಟಿಯಾಗಿದ್ದರೂ ಕಲಿಕೆ, ಸಿನಿಮಾ ಅಂತಾ ಬಂದಾಗ ಶ್ರದ್ಧೆಯಿಂದ ಕೆಲಸ ಮಾಡಿದ್ದಾರೆ. ಇನ್ನು ವೈರಲ್ ಆಗ್ತಿರೋ `ಗಾರ್ಗಿ’ ಕನ್ನಡ ವಿಡಿಯೋ ನೋಡಿ ಫಿದಾ ಆಗಿರೋ ಫ್ಯಾನ್ಸ್, ಸಿನಿಮಾಗಾಗಿ ಕಾಯ್ತಿದ್ದಾರೆ.
