ಮುಂಬೈ: ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ ಪುತ್ರಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಅಭಿಮಾನಿ ಎಂದು ಸಿಎಸ್ಕೆ ತನ್ನ ಟ್ವೀಟ್ ನಲ್ಲಿ ಬರೆದುಕೊಂಡಿದೆ. ಅಲ್ಲದೇ ಫೋಟೋ ಟ್ವೀಟ್ ಮಾಡಿ ಸಾಕ್ಷಿಯನ್ನು ನೀಡಿದೆ.
ಸಿಎಸ್ಕೆ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಟ್ವೀಟ್ ಮಾಡಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಐಪಿಎಲ್ ನಲ್ಲಿ ಮುಂಬೈ ಇಂಡಿಯನ್ಸ್ ಹಾಗೂ ಸಿಎಸ್ಕೆ ತಂಡಗಳ ನಡುವೆ ಗೆಲುವಿಗಾಗಿ ಭಾರೀ ಪೈಪೋಟಿ ನಡೆಯುತ್ತದೆ. 2019ರ ಆವೃತ್ತಿಯಲ್ಲಿ ಚೆನ್ನೈ ತಂಡವನ್ನು ಸೋಲಿಸಿ ಮುಂಬೈ ತಂಡ ಗೆಲುವು ಪಡೆದು ಕಪ್ ತನ್ನದಾಗಿಸಿಕೊಂಡಿತ್ತು.
Defining Ambush Marketing in style. Both the hashtags right there! ???? #WhistlePodu #Yellove ???????? https://t.co/SBCD2Ebqtk
— Chennai Super Kings (@ChennaiIPL) October 27, 2019
ರೋಹಿತ್ ಶರ್ಮಾ ನಾಯಕತ್ವದಲ್ಲಿ ಮುಂಬೈ ಇಂಡಿಯನ್ಸ್ ತಂಡ 4 ಬಾರಿ ಕಪ್ ಗೆಲುವು ಪಡೆದಿದ್ದು, ಧೋನಿ ನಾಯಕತ್ವದ ತಂಡ 3 ಬಾರಿ ಕಪ್ ಗೆದ್ದಿದೆ. ಪರಿಣಾಮ ಈ ಎರಡು ತಂಡಗಳ ನಡುವೆ ಪಂದ್ಯ ನಡೆದರೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಅಭಿಮಾನದ ತಂಡದ ಪರ ಟ್ವೀಟ್ ಮಾಡುತ್ತಾರೆ. ಅಷ್ಟೇ ಅಲ್ಲದೇ ಟ್ವಿಟ್ಟರ್ ನಲ್ಲಿ ಸಿಎಸ್ಕೆ ತಂಡ ನಿರಂತರವಾಗಿ ಆ್ಯಕ್ಟೀವ್ ಆಗಿದ್ದು, ರೋಹಿತ್ ಶರ್ಮಾರ ಪುತ್ರಿಯ ಫೋಟೋಗಳನ್ನು ಸಿಎಸ್ಕೆ ಟ್ವೀಟ್ ಮಾಡಿದೆ.
ಸಿಎಸ್ಕೆ ಹಂಚಿಕೊಂಡಿರುವ ಫೋಟೋದಲ್ಲಿ ರೋಹಿತ್ ಪುತ್ರಿ ಸಮೈರಾ, ಚೆನ್ನೈ ತಂಡದ ಜೆರ್ಸಿ ಬಣ್ಣದ ಡ್ರೆಸ್ ಧರಿಸಿದ್ದು, ಶಿಳ್ಳೆ ಹಾಕುವ ರೀತಿಯಲ್ಲಿ ಫೋಟೋಗೆ ಪೋಸ್ ನೀಡಿರುವ ಮತ್ತೊಂದು ಫೋಟೋ ಕಾಣಬಹುದು. ಈ ಫೋಟೋ ಹಂಚಿಕೊಂಡಿರುವ ಸಿಎಸ್ಕೆ ಸಮೈರಾ ಸಿಎಸ್ಕೆ ಅಭಿಮಾನಿ ಎಂಬರ್ಥದ ರೀತಿಯಲ್ಲಿ ಟ್ವೀಟ್ ಮಾಡಿದೆ.
https://www.instagram.com/p/B4HwgH5hWWV/
https://www.instagram.com/p/B0giRNph6dD/