ನವದೆಹಲಿ: ಪಾಕ್ ಆಲ್ರೌಂಡರ್ (All-rounder) ಕ್ರಿಕೆಟ್ (Cricket) ಆಟಗಾರ ಮೊಹಮ್ಮದ್ ಹಫೀಸ್ (Mohammed Hafeez) ಅವರ ಮನೆಗೆ ಕಳ್ಳರು ನುಗ್ಗಿ 20,000 ಯುಎಸ್ ಡಾಲರ್ ಹಣವನ್ನು ದೋಚಿದ ಪ್ರಕರಣ ನಡೆದಿದೆ.
ಈ ಬಗ್ಗೆ ಮಾಹಿತಿ ನೀಡಿರುವ ಹಫೀಸ್ ಸಂಬಂಧಿಯೊಬ್ಬರು, ಘಟನೆ ವೇಳೆ ಹಫೀಸ್ ಹಾಗೂ ಅವರ ಪತ್ನಿ ಮನೆಯಲ್ಲಿ ಇರಲಿಲ್ಲ ಎಂದು ತಿಳಿಸಿದ್ದಾರೆ.
ಕಳ್ಳತನದ ದೃಶ್ಯಾವಳಿಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಬಗ್ಗೆ ಹಫೀಸ್ ಪತ್ನಿಯ ಚಿಕ್ಕಪ್ಪ ಹತ್ತಿರದ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ ಎಂದು ವರದಿಯಾಗಿದೆ. ಹಫೀಸ್ 2023ನೇ ಸಾಲಿನ ಪಾಕಿಸ್ತಾನ್ ಸೂಪರ್ ಲೀಗ್‍ನ (PSL) 8ನೇ ಆವೃತ್ತಿಯಲ್ಲಿ ಭಾಗವಹಿಸಿದ್ದಾರೆ. ಇದನ್ನೂ ಓದಿ: ಪಾಕ್ ಇತಿಹಾಸ ಪುಸ್ತಕಗಳಲ್ಲಿ ಭಾರತ, ಹಿಂದೂ ವಿರೋಧಿ ನಿಲುವು – ಪಠ್ಯದಲ್ಲಿ ಗಾಂಧಿ ಹಿಂದೂ ನಾಯಕ ಎಂದು ಪರಿಚಯ
ಲಾಹೋರ್ ಖಲಂದರ್ಸ್‍ (Lahore Qalandar) ಪಿಎಸ್‍ಎಲ್ (PSL) 2022ರ ಟ್ರೋಫಿ ಜಯಿಸುವಲ್ಲಿ ಹಫೀಸ್ ಪ್ರಮುಖ ಪಾತ್ರವಹಿಸಿದ್ದರು. ಮುಲ್ತಾನ್ ಸುಲ್ತಾನ್ಸ್ (Multan Sultans) ವಿರುದ್ಧದ ಫೈನಲ್ ಪಂದ್ಯದಲ್ಲಿ 46 ಎಸೆತಗಳಲ್ಲಿ 69 ರನ್ ಗಳಿಸಿದ್ದರು. ನಂತರದ ನಾಲ್ಕು ಓವರ್‍ಗಳಲ್ಲಿ 23 ರನ್‍ಗಳಿಗೆ 2 ವಿಕೆಟ್ ಪಡೆದು ಕಪ್ ಗೆಲ್ಲಿಸಿದ್ದರು. ಇದನ್ನೂ ಓದಿ: ಬಹುಕಾಲದ ಗೆಳತಿಯನ್ನ ವರಿಸಿದ ಲಂಕಾ ಕ್ರಿಕೆಟಿಗ ಹಸರಂಗ
