CinemaKarnatakaLatestMain PostSandalwoodSouth cinema

ತಮಿಳಿನ ಮೊದಲ ಸಿನಿಮಾದಲ್ಲೇ ‘ಕಿಕ್’ ಕೊಟ್ಟ ಕನ್ನಡದ ಹೆಸರಾಂತ ನಿರ್ದೇಶಕ ಪ್ರಶಾಂತ್ ರಾಜ್

ವ್ ಗುರು ಸೇರಿದಂತೆ ಹಲವು ಹಿಟ್ ಸಿನಿಮಾಗಳನ್ನು ನೀಡಿರುವ ನಿರ್ದೇಶಕ ಪ್ರಶಾಂತ್ ರಾಜ್, ಇದೇ ಮೊದಲ ಬಾರಿಗೆ ತಮಿಳು ಸಿನಿಮಾವೊಂದನ್ನು ನಿರ್ದೇಶನ ಮಾಡಿದ್ದಾರೆ. ಸಿನಿಮಾದ ಬಹುತೇಕ ಶೂಟಿಂಗ್ ಮುಗಿದಿದ್ದರೂ, ಆ ಸಿನಿಮಾಗೆ ಟೈಟಲ್ ಮಾತ್ರ ಇಟ್ಟಿರಲಿಲ್ಲ. ಈ ಹಿಂದಿನ ಅವರ ನಿರ್ದೇಶನದಲ್ಲಿ ತಯಾರಾದ ಅಷ್ಟೂ ಕನ್ನಡದ ಚಿತ್ರಗಳು ವಿಶೇಷ ಟೈಟಲ್ ಇಟ್ಟಿದ್ದ ಪ್ರಶಾಂತ್ ರಾಜ್, ತಮ್ಮ ಚೊಚ್ಚಲು ತಮಿಳು ಚಿತ್ರಕ್ಕೆ ಯಾವ ರೀತಿ ಶೀರ್ಷಿಕೆ ಇಡಬಹುದು ಎನ್ನುವ ಕುತೂಹಲವಿತ್ತು. ಅದಕ್ಕೀಗ ತೆರೆ ಬಿದ್ದಿದೆ.

ಕಲರ್ ಫುಲ್ ಸಿನಿಮಾ ಮಾಡುವಲ್ಲಿ ಪ್ರಶಾಂತ್ ರಾಜ್ ನಿಸ್ಸೀಮರು. ತಮಿಳಿನಲ್ಲೂ ಅಂಥದ್ದೇ ಕಥೆಯನ್ನು ಆಯ್ದುಕೊಂಡು ಆ ಚಿತ್ರಕ್ಕೆ ‘ಕಿಕ್’ ಎಂದು ಹೆಸರಿಟ್ಟಿದ್ದಾರೆ. ಗಣೇಶ ಹಬ್ಬದ ದಿನದಂದು ಟೈಟಲ್ ರಿಲೀಸ್ ಮಾಡಿದ್ದಾರೆ. ಇಡೀ ಸಿನಿಮಾ ನೋಡುಗರಿಗೆ ಕಿಕ್ ಕೊಡುತ್ತಲೇ ಸಾಗುತ್ತದೆ. ಹಾಗಾಗಿ ಇಂಥದ್ದೊಂದು ಟೈಟಲ್ ಇಟ್ಟಿರುವುದಾಗಿ ಪ್ರಶಾಂತ್ ಪ್ರತಿಕ್ರಿಯಿಸಿದ್ದಾರೆ. ಇದು ಕೂಡ ಹೊಸ ಬಗೆಯ ಸಿನಿಮಾ ಎನ್ನುತ್ತಾರೆ. ಇದನ್ನೂ ಓದಿ:ಸಿಎಂ ಬಸವರಾಜ ಬೊಮ್ಮಾಯಿ ಅವರನ್ನು ‘ಗಂಡುಮಗ’ ಎಂದು ಹಾಡಿ ಹೊಗಳಿದ ಜಗ್ಗೇಶ್

ಹಾಸ್ಯ ಪಾತ್ರಗಳ ಮೂಲಕ ತಮಿಳು ಸಿನಿಮಾ ರಂಗದಲ್ಲೇ ಫೇಮಸ್ ಆಗಿ, ಆ ನಂತರ ಹೀರೋ ಆಗಿರುವ ಸಂತಾನಂ ಈ ಚಿತ್ರದ ನಾಯಕರು. ಇದೇ ಮೊದಲ ಬಾರಿಗೆ ಅವರು ಹೊಸ ಬಗೆಯ ಪಾತ್ರವನ್ನು ಪೋಷಿಸುತ್ತಿದ್ದಾರೆ. ಕಿಕ್ ಸಿನಿಮಾದಲ್ಲಿ ಅವರು ವಿಭಿನ್ನ ಪಾತ್ರ ಮಾಡುತ್ತಿದ್ದಾರಂತೆ. ಸಂತಾನಂ ಜೊತೆ ಇದೇ ಮೊದಲ ಬಾರಿಗೆ ತಾನ್ಯ ಹೋಪ್ ನಾಯಕಿಯಾಗಿ ನಟಿಸುತ್ತಿದ್ದಾರೆ. ರಾಗಿಣಿ, ಸಾಧು ಕೋಕಿಲಾ ಸೇರಿದಂತೆ ಹಲವು ಕನ್ನಡದ ಕಲಾವಿದರೇ ತಾರಾಗಣದಲ್ಲಿ ಇದ್ದಾರೆ. ನವೀನ್ ರಾಜ್ ನಿರ್ಮಾಣದಲ್ಲಿ ಈ ಸಿನಿಮಾ ಮೂಡಿ ಬಂದಿದೆ.

Live Tv

Leave a Reply

Your email address will not be published.

Back to top button