– ಅಭಿಮಾನಿಗಳಿಂದ ಮಿಶ್ರ ಪ್ರತಿಕ್ರಿಯೆ
ಬೆಂಗಳೂರು: ಇಂಡಿಯಾನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮೊದಲ ಬಾರಿಗೆ ಮಹಿಳಾ ಸಿಬ್ಬಂದಿಯನ್ನು ನೇಮಿಸಿಕೊಂಡಿದೆ.
ತಂಡದ ಕ್ರೀಡಾ ಮಸಾಜ್ ಥೆರಪಿಸ್ಟ್ ಆಗಿ ನವನೀತಾ ಗೌತಮ್ ಅವರನ್ನು ನೇಮಕ ಮಾಡಲಾಗಿದೆ. ಐಪಿಎಲ್ನ ಯಾವುದೇ ತಂಡವೂ ಕೂಡ ಸಹಾಯಕ ಸಿಬ್ಬಂದಿಯಾಗಿ ಮಹಿಳೆಯರನ್ನು ಇದುವರೆಗೂ ನೇಮಕ ಮಾಡಿಕೊಂಡಿರಲಿಲ್ಲ.
ಮುಂದಿನ ಐಪಿಎಲ್ ಟೂರ್ನಿಗೆ ಬೆಂಗಳೂರು ತಂಡಕ್ಕೆ ಮೈಕ್ ಹೇಸನ್ ರನ್ನು ನೂತನ ನಿರ್ದೇಶಕರನ್ನಾಗಿ ನೇಮಸಿ, ಸೈಮನ್ ಕ್ಯಾಟಿಚ್ರನ್ನು ಮುಖ್ಯ ಕೋಚ್ ಹುದ್ದೆಗೆ ನೇಮಕ ಮಾಡಿದೆ. ಈಗ ಕ್ರೀಡಾ ಪಟುಗಳಿಗೆ ಮಸಾಜ್ ಮಾಡುವ ಪರಿಣಿತೆಯಾಗಿರುವ ನವನೀತಾ ಗೌತಮ್ ಅವರನ್ನು ಸಹಾಯಕ ಸಿಬ್ಬಂದಿಯಾಗಿ ನೇಮಕ ಮಾಡಲಾಗಿದೆ.
Navnita Gautam joins us as a sports massage therapist for the 13th edition of IPL. She will work to identify, and implement massage therapy to help the team prepare and recover better.
.
We are proud to be the first IPL team to have a woman support staff member.
.#PlayBold pic.twitter.com/Y7CFR0WKDB
— Royal Challengers Bengaluru (@RCBTweets) October 17, 2019
ಸದ್ಯ ತಂಡದ ಮುಖ್ಯ ಫಿಸಿಯೋ ಥೆರಪಿಸ್ಟ್ ಆಗಿ ಈವನ್ ಸ್ಪೀಚ್ಲೆ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರ ಮಾರ್ಗದರ್ಶನದಲ್ಲಿ ಆಟಗಾರರ ಸ್ಥಿತಿಗತಿ ಅರಿತು ಸೂಕ್ತ ಮಸಾಜ್ ಮಾಡುವ ಕಾರ್ಯವನ್ನು ಮಾಡಲಿದ್ದಾರೆ. ಈ ಕುರಿತು ಮಾಹಿತಿ ನೀಡಿರುವ ಆರ್ ಸಿಬಿ ವಕ್ತಾರರು, ಪ್ರತಿಭಾನಿತ್ವ ವ್ಯಕ್ತಿಯನ್ನು ಹುದ್ದೆಯನ್ನು ನೇಮಕ ಮಾಡಿದಕ್ಕೆ ಸಂತಸವಿದ್ದು, ಇತಿಹಾಸದ ಭಾಗವಾಗುವುದಕ್ಕೆ ಹೆಮ್ಮೆ ಇದೆ ಎಂದಿದ್ದಾರೆ.
ಕಳೆದ 12 ಟೂರ್ನಿಗಳಲ್ಲಿ ಆರ್ ಸಿಬಿ ಐಪಿಎಲ್ ಟ್ರೋಫಿ ಗೆಲುವು ಪಡೆಯಲು ವಿಫಲವಾಗಿದ್ದು, ಈ ಬಾರಿ ಕಪ್ ಗೆಲುವಿನ ಲೆಕ್ಕಾಚಾರಗಳನ್ನು ಇಟ್ಟುಕೊಂಡು ತಂಡವನ್ನು ರೂಪಿಸಲಾಗುತ್ತಿದೆ. ಆದರೆ ಮಹಿಳಾ ಸಿಬ್ಬಂದಿ ನೇಮಕಕ್ಕೆ ಅಭಿಮಾನಿಗಳಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಮೊದಲು ಉತ್ತಮ ತಂಡದೊಂದಿಗೆ ಟ್ರೋಫಿ ಗೆಲ್ಲಿ ಎಂದು ಕೆಲವರು ತಂಡದ ಕಾಲೆಳೆದಿದ್ದಾರೆ. ಮತ್ತೆ ಕೆಲವರು ತಂಡದ ಬೆಂಬಲಕ್ಕೆ ನಿಂತಿದ್ದು, ಮಹಿಳಾ ಸಿಬ್ಬಂದಿಯಾಗಿ ನೇಮಕಗೊಂಡಿರುವ ನವನೀತಾ ಅವರಿಗೆ ಶುಭ ಕೋರಿದ್ದಾರೆ.
