ಸೌತಾಂಪ್ಟನ್: ಟೀಂ ಇಂಡಿಯಾ ಮುಖ್ಯ ಕೋಚ್ ರವಿಶಾಸ್ತ್ರಿ ಅವರು ಇಬ್ಬರು ಮಹಿಳಾ ಅಭಿಮಾನಿಗಳೊಂದಿಗೆ ತೆಗೆದುಕೊಂಡಿರುವ ಫೋಟೋವನ್ನು ಟ್ವೀಟ್ ಮಾಡಿ ಆಸೀಸ್ ಪತ್ರಕರ್ತರೊಬ್ಬರು ಟ್ರೋಲ್ ಮಾಡಿದ್ದಾರೆ.
ವಿಶ್ವಕಪ್ ಭಾಗವಾಗಿ ಇಂದು ಟೀಂ ಇಂಡಿಯಾ, ದಕ್ಷಿಣ ಆಫ್ರಿಕಾ ವಿರುದ್ಧ ಪಂದ್ಯದಲ್ಲಿ ಕಣಕ್ಕೆ ಇಳಿದಿದೆ. ಈ ಪಂದ್ಯದ ಹಿನ್ನೆಲೆಯಲ್ಲಿಯೇ ಫೋಟೋ ಟ್ರೋಲ್ ಆಗಿದ್ದು, ಪತ್ರಕರ್ತ ಡೆನ್ನಿಸ್ ಫ್ರಿಡ್ಮನ್ ತಮ್ಮ ಟ್ವಿಟ್ಟರ್ ನಲ್ಲಿ ಕೋಚ್ ರವಿಶಾಸ್ತ್ರಿ ಕಾಲೆಳೆದಿದ್ದಾರೆ. ಫೋಟೋದಲ್ಲಿ ರವಿಶಾಸ್ತ್ರಿ ಅವರೊಂದಿಗೆ ಇಬ್ಬರು ಮಹಿಳಾ ಅಭಿಮಾನಿಗಳು ಇದ್ದು, ಅವರೊಂದಿಗೆ ಟೀಂ ಇಂಡಿಯಾಗೆ ಸಂಬಂಧಿಸದ ವ್ಯಕ್ತಿಯೊಬ್ಬರು ಕಾಣಿಸಿಕೊಂಡಿದ್ದಾರೆ.
https://twitter.com/DennisCricket_/status/1135879980473233408
ಅಂದಹಾಗೇ ಡೆನ್ನಿಸ್ ಫ್ರಿಡ್ಮನ್ ತಾವು ಪಾಕಿಸ್ತಾನ ಅಭಿಮಾನಿ ಎಂದು ಈ ಹಿಂದೆ ತಿಳಿಸಿದ್ದರು. ಸದ್ಯ ಟ್ವೀಟ್ನಲ್ಲಿ “ಟೀಂ ಇಂಡಿಯಾ ಪಂದ್ಯಕ್ಕೆ ಉತ್ತಮ ತರಬೇತಿಯನ್ನ ಪಡೆಯುತ್ತಿದೆ” ಎಂದು ವ್ಯಂಗ್ಯವಾಗಿ ಟೀಕೆ ಮಾಡಿದ್ದಾರೆ. ಇತ್ತ ಪತ್ರಕರ್ತರ ಟ್ವೀಟ್ಗೆ ಪ್ರತಿಕ್ರಿಯೆ ನೀಡಿರುವ ಅಭಿಮಾನಿಯೊಬ್ಬರು, “ನಾವು ಆನ್ ಅಂಡ್ ಆಫ್ ಫೀಲ್ಡ್ ನಲ್ಲೂ ಆಡುತ್ತೇವೆ” ಎಂದಿದ್ದಾರೆ.
ಮತ್ತೊಬ್ಬ ಅಭಿಮಾನಿ, ಟೀಂ ಇಂಡಿಯಾ ಅದಕ್ಕಾಗಿಯೇ ಪತ್ರಿಕಾಗೋಷ್ಠಿಗೆ ಆಗಮಿಸಿಲ್ಲ ಎಂದು ಕಮೆಂಟ್ ಮಾಡಿದ್ದಾರೆ. ಅಲ್ಲದೇ ಶೇನ್ ವಾರ್ನ್ ಗಿಂತ ರವಿಶಾಸ್ತ್ರಿ ಉತ್ತಮ ಪ್ಲೇಬಾಯ್. ನಿಮಗೇ ರವಿಶಾಸ್ತ್ರಿ ಯಾರು ಎಂದು ತಿಳಿಯದಿದ್ದರೆ ‘ಅಝರ್’ ಸಿನಿಮಾ ನೋಡಿ ಎಂದಿದ್ದಾರೆ.
Probably that is why they are not attending official press conferences
— azhar abbas (@azhaegee) June 4, 2019
