ಟಾಲಿವುಡ್‌ನ ಬೆಸ್ಟ್ ಜೋಡಿ ಅಂದರೆ ವಿಜಯ್ ದೇವರಕೊಂಡ(Vijay Devarakonda)- ರಶ್ಮಿಕಾ ಮಂದಣ್ಣ. ಈ ಗೀತಾ ಗೋವಿಂದಂ ಜೋಡಿ ಮತ್ತೆ ಏನಾದರೂ ಸಿನಿಮಾ ಮಾಡ್ತಾರೆ ಅಂದರೆ ಫ್ಯಾನ್ಸ್ ಸಖತ್ ಥ್ರಿಲ್ ಆಗುತ್ತಾರೆ. ಹೀಗಿರುವಾಗ ವಿಜಯ್ ದೇವರಕೊಂಡ ಜೊತೆಗಿನ ಹಳೆಯ ನೆನಪೊಂದನ್ನ ನಟಿ ಹಂಚಿಕೊಂಡಿದ್ದಾರೆ.
Advertisement
ವಿಜಯ್- ರಶ್ ಜೋಡಿ ಗೀತಾ ಗೋವಿಂದ ಸಿನಿಮಾ ಮೂಲಕ ಸೂಪರ್ ಡೂಪರ್ ಸಕ್ಸಸ್ ಕಂಡರು. ಇದಾದ ಬಳಿಕ ‘ಡಿಯರ್ ಕಾಮ್ರೇಡ್’ (Dear Comrade) ಸಿನಿಮಾದಲ್ಲೂ ಈ ಜೋಡಿ ಜೊತೆಯಾಗಿ ನಟಿಸಿದ್ದರು. ಇದೇ ಜುಲೈ 26ಕ್ಕೆ ಸಿನಿಮಾ ತೆರೆಗೆ ಬಂದು ಸತತ 4 ವರ್ಷಗಳನ್ನ ಪೂರೈಸಿದೆ. ಇದೇ ಖುಷಿಯಲ್ಲಿ ರಶ್ಮಿಕಾ, ವಿಜಯ್ ದೇವರಕೊಂಡ- ಡೈರೆಕ್ಟರ್ ಭರತ್ ಕಮ್ಮ ಜೊತೆಗಿನ ಸೆಲ್ಫಿ ಫೋಟೋ ಹಂಚಿಕೊಂಡಿದ್ದಾರೆ. ಇದನ್ನೂ ಓದಿ:ಜಿಮ್‌ ವರ್ಕೌಟ್‌ನೇ ಪಾರ್ಟಿ ಎಂದ ನಟಿ- ಸಮಂತಾ ಬಾಲಿ ಡೈರೀಸ್
Advertisement
Advertisement
ವಿಜಯ್ ದೇವರಕೊಂಡ ಜೊತೆಗಿನ ಫೋಟೋ ಹಂಚಿಕೊಂಡು, ಈ ಸಿನಿಮಾ ಯಾವಾಗಲೂ ನಮಗೆ ಸ್ಪೆಷಲ್ ಡಿಯರ್ ಕಾಮ್ರೇಡ್ ಚಿತ್ರಕ್ಕೆ 4 ವರ್ಷಗಳು ಎಂದು ನಟಿ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಬರೆದುಕೊಂಡಿದ್ದಾರೆ. ನಟಿ ಫೋಟೋ ಶೇರ್ ಮಾಡ್ತಿದ್ದಂತೆ, ಫ್ಯಾನ್ಸ್ ಖುಷಿಪಟ್ಟಿದ್ದಾರೆ. ಎರಡು ಸಿನಿಮಾ ಹಿಟ್ ಕೊಟ್ಟಿರೋ ವಿಜಯ್-ರಶ್ಮಿಕಾ(Rashmika Mandanna) ಮತ್ತೆ ಜೊತೆಯಾದ್ರೆ ಚೆನ್ನಾಗಿರುತ್ತೆ ಎಂದು ನಿರೀಕ್ಷೆ ಅಭಿಮಾನಿಗಳಿಗಿದೆ. ಒಳ್ಳೆಯ ಕಥೆ ಬಂದರೆ ಮತ್ತೆ ಈ ಜೋಡಿ ಜಂಟಿಯಾಗಿ ಕಾಣಿಸಿಕೊಳ್ತಾರಾ ಎಂಬುದನ್ನ ಕಾಯಬೇಕಿದೆ. ಇದನ್ನೂ ಓದಿ:‘ಆರ್‌ಆರ್‌ಆರ್’ ಪಾರ್ಟ್ 2 ಬರುತ್ತಾ? ಸೀಕ್ರೆಟ್ ಬಿಚ್ಚಿಟ್ಟ ರಾಜಮೌಳಿ ತಂದೆ
Advertisement
ಇದರ ಜೊತೆಗೆ ಇತ್ತೀಚಿಗೆ ನಟಿ ರಶ್ಮಿಕಾ ಏರ್‌ಪೋರ್ಟ್‌ನಲ್ಲಿ ಕ್ಯಾಮೆರಾ ಕಣ್ಣಿಗೆ ಸರಿಯಾಗಿಯೇ ತಗ್ಲಾಕೊಂಡಿದ್ದಾರೆ. ಅದು ವಿಜಯ್ ದೇವರಕೊಂಡ ಜೊತೆಗಲ್ಲ ಬದಲಿಗೆ ವಿಜಯ್ ದೇವರಕೊಂಡ ಧರಿಸಿದ್ದ ಶರ್ಟ್ ಅನ್ನು ತಾನು ಧರಿಸೋ ಮೂಲಕ ಭಾರೀ ಸುದ್ದಿಯಾಗಿದ್ದಾರೆ. ವಿಜಯ್ ದೇವರಕೊಂಡ ಈ ಹಿಂದೆ ಪರ್ಪಲ್ ಕಲರ್ ಶರ್ಟ್ ಅನ್ನು ಏರ್‌ಪೋರ್ಟ್‌ನಿಂದ ಬರುವಾಗ ತೊಟ್ಟಿದ್ರು, ಈಗ ನೋಡಿದ್ರೆ ರಶ್ಮಿಕಾ, ವಿಜಯ್ ಹಾಕಿದ್ದ ಅಂಗಿಯನ್ನೇ ಹಾಕೋ ಮೂಲಕ ನಮ್ಮಿಬ್ಬರ ದೇಹ ಬೇರೆಯಾದ್ರೂ ಮನಸ್ಸು ಒಂದೇ ಅನ್ನೋದನ್ನ ಪ್ರೂವ್ ಮಾಡಿದ್ದಾರೆ. ಅದಕ್ಕೆ ಸಾಕ್ಷಿ ಎಂಬಂತೆ ಶರ್ಟ್ ಕೂಡ ಒಂದೇ ಧರಿಸಿದ್ದಾರೆ. ಮತ್ತೆ ಮತ್ತೆ ವಿಜಯ್- ರಶ್ಮಿಕಾ ನಾವು ಲವ್ ಬರ್ಡ್ಸ್ ಅನ್ನೋದನ್ನ ಸೈಲೆಂಟ್ ಆಗಿ ತೋರಿಸಿ ಕೊಟ್ಟಿದ್ದಾರೆ. ಮುಂದೆ ಈ ಜೋಡಿ ತಮ್ಮ ಪ್ರೀತಿ ಒಪ್ಪಿಕೊಂಡು ಗುಡ್ ನ್ಯೂಸ್ ಕೊಡ್ತಾರಾ ಕಾದುನೋಡಬೇಕಿದೆ.
