ಬಾಹುಬಲಿ (Bahubali) ನಟ ರಾಣಾ ದಗ್ಗುಭಾಟಿ (Rana Daggubati) ಪೋಷಕರಾಗುತ್ತಿದ್ದಾರೆ ಎನ್ನುವ ಸುದ್ದಿ ಟಾಲಿವುಡ್ ಅಂಗಳದಲ್ಲಿ ಸಖತ್ ಸೌಂಡ್ ಮಾಡ್ತಿದೆ. ರಾಣಾ ಪತ್ನಿ ಮಿಹಿಕಾ ಬಜಾಜ್ (Miheeka Bajaj) ಗರ್ಭಿಣಿ (Pregnant) ಎಂಬ ಸುದ್ದಿ ವೈರಲ್ ಆಗ್ತಿದ್ದಂತೆ ಮಿಹಿಕಾ ಸ್ಪಷ್ಟನೆ ನೀಡಿದ್ದಾರೆ.
ಸಾಕಷ್ಟು ವರ್ಷಗಳ ಡೇಟಿಂಗ್ ನಂತರ ರಾಣಾ- ಮಿಹಿಕಾ ಗುರುಹಿರಿಯರ ಸಮ್ಮುಖದಲ್ಲಿ 2020ರಲ್ಲಿ ಮದುವೆಯಾದರು. ಉದ್ಯಮಿ ಮಿಹಿಕಾ ಜೊತೆ ರಾಣಾ ಹೈದರಾಬಾದ್‌ನಲ್ಲಿ ಅದ್ದೂರಿಯಾಗಿ ದಾಂಪತ್ಯ (Wedding) ಜೀವನಕ್ಕೆ ಕಾಲಿಟ್ಟಿದ್ದರು.
ರಾಣಾ ಪತ್ನಿ ಗರ್ಭಿಣಿ ಎನ್ನುವ ಸುದ್ದಿಗೆ ಮಿಹಿಕಾ ಪ್ರತಿಕ್ರಿಯೆ ನೀಡಿದ್ದಾರೆ. ಸದ್ಯಕ್ಕೆ ತಾನು ಗರ್ಭಿಣಿಯಲ್ಲ ಎಂದು ರಾಣಾ(Rana) ಪತ್ನಿ ಮಿಹಿಕಾ ಹೇಳಿದ್ದಾರೆ. ಗರ್ಭಿಣಿ ಎಂಬ ಸುದ್ದಿಯಲ್ಲಿ ಯಾವುದೇ ಸತ್ಯಾಂಶವಿಲ್ಲ. ನಿಜವಾಗಲೂ ಗರ್ಭಿಣಿಯಾಗಿದ್ರೆ ಖಂಡಿತಾ ಎಲ್ಲರಿಗೂ ಹೇಳುತ್ತೇನೆ ಎಂದು ಮಿಹಿಕಾ ರಿಯಾಕ್ಟ್ ಮಾಡಿದ್ದಾರೆ. ಇದನ್ನೂ ಓದಿ:ಮ್ಯಾರೇಜ್ ಆ್ಯನಿವರ್ಸರಿ ದಿನ ಮೊದಲ ಬಾರಿಗೆ ಮಗನ ಮುಖ ರಿವೀಲ್‌ ಮಾಡಿದ ಸೋನಂ ಕಪೂರ್
ಸಮಂತಾ (Samantha) ಡಿವೋರ್ಸ್ ಬಳಿಕ ರಾಣಾ- ಮಿಹಿಕಾ ಕೂಡ ಡಿವೋರ್ಸ್ ಪಡೆಯುತ್ತಿದ್ದಾರೆ ಎಂದು ಸುದ್ದಿಯಾಗಿತ್ತು. ಆಗ ಮಿಹಿಕಾ, ಪತಿ ಜೊತೆಗಿನ ಪೋಸ್ಟ್ ಶೇರ್ ಮಾಡಿ ಡಿವೋರ್ಸ್ ವದಂತಿಗೆ ಬ್ರೇಕ್ ಹಾಕಿದ್ದರು. ಇದೀಗ ಪ್ರೆಗ್ನೆಂಟ್ ಸುದ್ದಿಗೂ ಸ್ಪಷ್ಟನೆ ನೀಡಿದ್ದಾರೆ.
